الله على ايام زمااان ,, ايام كنا وكان

اول شيء يوم كنت صغيرة طبعاً عشقى الباربي ,,
على طوول العب مع بنات اعمامي والبنات .. ونخيط لهم ملابس ونسوي لهم بيوت
ونلعب من صجنــا ... وناسة صج

وكنا نلعب بالشارع لعبة (السكونة) < مادري تعرفونها والا لا
بس طبعاً كنا نلعب على الطريج ,, ونرسمها بـ (الفحم) وتعالوا جوفوا الشارع شلون مرسوم عليه
وحالته حالة


ونلعب نط الحبل ,,, ولعبة اللقفة ,, ولعبة الصيدة , ولعبة الي نتخبى عن بعض
بس آنا كنت بريئة جداً ,,, وما عندي سوالف اركب دراجات ولا لعب كرة
لأني بصراحة أكثر ,, خوااافة واذا اقعد على الدراجة ما عندي الجرأة اني انطلق فيها ابداً
وكذلك اخاف من الكرة اذا احد شاتها كلله على بالي بتيي في وجهي

وماانسى لعبة ماريوو ,, وسونيك ..

هذا كللله يوم كنت اصغيرة قبل المدرسة ,,
بعدين جات البلايستيشن ,,, كنت احب لعبة ببسي مان ,, واذكر اخوي يوصل لـ الدور الاخير
وانا اصيح ليش مااوصل مثله بس كنت شاطره في لعبة (باك مان) وهي لعبة جميلة جداً ليتني الاقي السي دي والعبها مثل اول ... وطبعاً كراش ... وغيرها من الالعاب ...
بس للأسف السيديات كلها تلفت اخوي لصغير خذاهم بالرمل والماء يلعب فيهم !! (مادري شنو يحسبهم)
الحين اخوي لصغير كبر وعند بلايستشين جديدة وسيديات غير عن سيدياتنا البريئة ...
وتجيني اوقات اقول ليتني اسوي في السيديات حقه مثل ما سوى في سيدياتنا !!
آنا مو شريرة لهدرجة ولكن بعض الالعاب ماحب اجوف اخوي يلعبها !

توجد ذكريات كثيرة جداً ... ولكني خشيت ان اطيل عليكم اكثر ....
شكراً لك لأنك فتحتي لي المجال حتى اتذكر ايام جميلة وهي ايام طفولتي البريئة .. ,