الله يكمل حملك على خير و يقيمك بالسلامة و خلقة تامة
حبيبتي بالنسبة للتغيرات بلون البشرة ببعض المناطق متل المناطق الحساسة و بالإبط هي تغيرات عادية و بتصيب كتير من الحوامل و بتروح بعد فترة من الولادة ...... و كمان بالنسبة للحبوب في كتير حوامل بتصيبن هالعوارض .... لأن الحامل خلال فترة حملها كتير بصير تغيرات بجسمها و أغلبها بتروح بعد الولادة بفترة و هالفترة بتختلف من مرأة لمرأة .... بس بالنسبة للتشققات إلي حكيتي عنها و قلتي أنها على جسمك فهي المفروض أنك كنتي تستعملي مراهم خاصة مشان تخفف من زيادتها و طبعا هالمراهم كلها تحت إشراف الدكتور .
بس حبيبتي أنت أكيد بتروحي لعند الدكتورة خلال فترة حملك و المفروض أنك تقوليلها عن هالتغيرات إلي عم بتصير معك و هي أكيد بطمنك
على كل أنت حلوة و بدك تضلي حلوة بس هي تغيرات عرضية بتصيبك هلأ لأنك حامل
الله يقيمك بالسلامة