28-01-2009, 09:46 AM
|
المشاركة الأصلية كتبت بواسطة ولهااان
هذه مداخلتك اختي الفاضله ...
وقد يكون سبب تأخري في الرد ان فيها من الاسئله مالم استطع اخراجه من قبل ولكن تفاجأت بطرحة كأسئلة بحاجة جواب قد لا استطيع الرد عليه ولا اريد ان ارد برد بعيد عن الواقع ... الحرص على الأولاد غريزه لا نستطيع مقاومتها ان كان الاحساس بالمسؤلية تجاه الأبناء موجود وان كان مفقود بإمكان الأب ان يحس بأبنائه متى أراد ويخرجهم من دائرة اهتمامه متى اراد , ولكن ان كان موجود فيصعب على الشخص ان يقول سأخفف من اهتمامي بأبنائي واذا كان هذا يعتبر مصدر غيره للأم فمن من تغار من أبنائها مع احترامي من تغار من حب الأب لأبنائه لا تستحق ان تكون أم الا ان كان الاهتمام لأبناء الجيران حينها يكون معها حق في الغيرة ... وموقف ارد ان اذكره لم أذكره من قبل ... كنت اريد النوم في حدود 1 او 2 ليلاً وابنتي عمرها 5 سنوات القيت نظره عليها في السرير قبل ان انام ووجدتها غير متغطية وواضح عليها انها بردانه فغطيتها على طول تحركت وهي مغمضه يمين يسار وترفع يدينها وكأنها تبحث عن شي بتمسكه قلت اكيد جوعانه وتبحث عن الرضاعه وضعت اصبعي على وجهها بجانب فمها مسكت اصبعي وتريد ادخاله بفمها عرفت بأنها جائعه ذهبت لها للغرفة قلت (.... ) جوعانه اعطيها لبن بالرضاعه ردت قالت وش اسوي لها معطيتها قبل تنام وسكتت شوي قلت قومي قالت تعبانه مالي خلق ... رحت جبت عصير وحطيت الشفاط بفمها وشربت وهي نايمه وماتصدقي كان واضح عليها الجوع الشديد لأنها كانت تشفط بنفس واحد ماوقفت وشربت لين اكتفت وبدت تبعده عنها ... انا ما أقول الكلام هذا لأجل اقول اني ماشاء الله علي والا انو انا نادر والا مدح لنفسي لا والله ولا أقول ان الموقف هذا غلطة كبيرة عليها بالعكس ممكن لها عذرها وفعلاً تكون تعبانه لكن اللي يخلي الموقف هذا مؤثر فيني هو اني مليان تراكمات غلط ورى غلط واشكال وألوان ولأجل ابين حجم غبائها فأنا أعرف كثير من الرجال اذا دخلت مع باب البيت مايعرف الا السرير ولا يجي على باله انه يطل على أولاده وتلاقيه يقال عنه اب ناجح ولكن النجاح درجات لكن مانقدر نقول عليه سيئ ولكن هي زوجها يحمل هذه الصفة وكثير غيرها الا يستحق ان يعيش بسعادة الا يستحق كلمة حلوه الا يستحق ان يشوف ضحكتك الا يستحق الهدوء في الحياة ... ابنتي الكبيرة قبل فترة تكلمت انا وياها سواليف عاديه قلت لها يا انتي بهذلتي فيني وانتي صغيره قالت كيف قلت ماتنامين الا وانا شايلك وحاط وجهي على رقبتك وابوس رقبتك واهزك وانا واقف ولو اوقف ثواني تصيحين بس عرفت كيف انتقم منك قالت كيف قلت كنت اسوي كذا لحد ماتجي بتنامي وأوقف وتبكي وأرجع اسوي لك كذا لحد ماتجي بتنامي وأوقف كنت اسويها اذا ماكان فيني نوم أو ماعندي دوام .... قالت امها يا الله اي والله تذكرت يا الله ما تنسى شفت شلون لما اقول لك انك قالب علينا ومتغير انه صح !!!! حنا نتكلم وين وهي قلبتها وين ... وفعلاً صادقة لما تقول تغيرت انا تغيرت بالفترة الأخيرة كنت أول قبل ادخل غرفتي لازم اطل على الأولاد والان اذا تذكرت الشي هذا بس بعد ماكان كل ليلة ... طيب زوجك كذا يتعامل مع ابنائه بيكون ظالم لكي طيب ماتساعديه .... هذي اشياء ماكنت ابغى اقولها مثل مافيه اشياء والله العظيم مواقف شهامه تعتبر وقفتها مع امها وأخواتها دون ان تطلبها مني ولا ألام لو لم اعملها لأن أخوانهم ما رضوا يسووها وسويتها انا ... ولكي لا أظلمها قالت على موقف واحد الله يعطيك العافيه ماقصرت بس وهو شي كبير لكن محتسبه عند رب العباد وقلت لها لحظتها هذا ماهو كثير والمثل يقول لأجل عين تكرم مدينة وانا الشيئ اللي احس انه يسعدك لو انه لأمك والا اختك اسويه لو ماكنت ملزم فيه .... اما الموقف الثاني اللي سويته مر مرور الكرام ولم يظايقني الشيئ هذا ... وحصل نقاش بعد الموقفين هذين يمكن بعد سنه أو سنتين المهم استثارتني بافترائها على من انني لا احبها وانه اقرد ماخلق ربي على هالأرض هي ناقشتها وقلت اخجلي من نفسك عيب عليكي تتكلمي كذا استحي على وجهك كيف تقولي الكلام هذا .... وانا ياللي سويت وسويت من زواجنا لين اخر ماسويته لها بالوقت ذاك وععدت الموقفين وقلت لو مالي الا هالوقفتين وربي كافي انك تحطيني فوق راسك العمر كله ومهما جت من بلاوي بالمستقبل لكن انتي الطيب معك مثل السيل الجاري ماوقف عنك وبنفس الوقت ماوقف عندك سيل ويمر وخلاص وعمري ما قلت لأحد انا سويت وسويت الا لكي وانتي اللي اجبرتيني اني اقول لو ماودي ولا هي من باب منه لكن باب تذكير اذا كنتي نسيتي ... قالت الموقف الأول الحمد لله الا سويته اكيد انه ماهو انت اول من سواه والظاهر انك تحسب انك بس انت اللي سويت كذا واجد اللي يسوون مثله ... والموقف الثاني احمد ربك يوم سويته تيسر لك أمر كنت تبغاه والظاهر انه بسبة دعوة أمي ولو ماسويته ماكان صار موضوعك ... واما المطاعم ياما رحنا مطاعم ياما ياما رحنا ونجلس ويلعبوا الاولاد ويستانسون ونسولف انا وياها وعادة تكون ويك اند وفي بالي انه اذا رجعنا البيت بنكمل سهرتنا انا وياها على طول تطق جلابية وتدور بالبيت شوي وانا اكون ماسك لي كتاب أقراه تجي للسرير بجلابيتها وعلى طول تصبح على خير ... وتكمل الجمله اعوذ بالله يا حبك للسهر تموت به لو انا بمكانك كان من جيت حطيت راسي ونمت وانا يا الله يا الله خلصت اللي عندي وماشوف الارض ابي النوم !!! يعني اصقعها كف اقول انتي وقحه اقول انتي غبيه وش اقول بالضبط والا اقول تكفين تراكي كذا خربتي مزاجي ... والا لا تنامي ... على طول وانتي من أهله هذا اذا ماصارت مشكله بالمطعم ... شفتي كيف مداخلتك وش حركت فيني ... ومالم آتي بسيرته من مداخلتك لم أقدر عليه وقدري لي هذا فلا أريد أن أرد بغير الحقيقة ... |
28-01-2009, 12:19 PM
28-01-2009, 12:40 PM
28-01-2009, 02:03 PM
28-01-2009, 02:42 PM
28-01-2009, 04:54 PM
28-01-2009, 08:21 PM
29-01-2009, 12:30 AM
29-01-2009, 02:35 AM
|
المشاركة الأصلية كتبت بواسطة fafi
اخي ولهان ...اعانك الله على هذه العيشة واتمنى ان تسمح لي بان ارد على مداخلالالالالالات اختنا جناين ورد و اختنا كنافة كذابة ..طبعا بعد اذنك
عزيزتي جناين وردت.. كنافة كذابة ...انا متابعة لموضوع الاخ ولهااااااان بصمت ولكن مؤخر لم استطع الا ان اعقب على مداخلاتكن واتمنى ان تتقبلن ردي بصدر رحب ... ما ادري ليش هذا الدفاع المستميت عن زوجة ولهان؟ الواحد ما يبغي يظلمها الواحد منا وده انه يسمع الطرف الثاني لكن للاسف ...ما في مجال الا ان احنا نسمع كلام الاخ ولهان ...و مضطرين من خلال كلامة ان نحكم على مشكلته ومن خلال ما يقولة الاخ ولهان ..الحياة مع زوجه مثل صفات زوجته حقيقة صعبة جدا الحياة ليسة سنه ولا سنتان ..الحياة الزوجية عمر ...صعب انه يظل هو طول العمر من يقدم و يقدر ويداري عزيزاتي ... جناين ورد..كنافة كذابة .... انتن جالسات تطلبن منه شي هو اعرف بحاله منكن انتن على كل ما قاله لنا الا انكن لا زلتن تمسكن اي موقف طبيعي و تحولانه لصالح زوجته وبشكل غير منطقي كل موقف تقوم به زوجته و يكون غير طبيعي تطلبن منه ان يتقبلة و يبلعة على مضض ..و يحبها و يدللها .. بل تلومنه على عدم تقبل اي تصرف من زوجته حتى لو كان هذا الموقف يرفع الضغط وغير مقبول ابدا من الزوجه اتجاه زوجها يعني اعطيك مثلا اختي جناين ورد ... يعني هل من الطبيعي ان الزوجه تلغي امومتها في هذا الموقف الصعب التي مرت به ابنتهم لان الاخ ولهان كرهها في اولادها بسبب اهتمامة بهم ؟؟؟ هل انت اذا جا زوجك وقال لك ان البنت جوعانه ولا تستطيع ان تنام ان تقولي له انا لن اقوم احضر لها شي لتأكله لاني متعبة؟؟؟!!! هل هذه امومة ؟؟؟ هل تعتبرين نفسك ام بعد هذا التصرف ؟؟؟ وقيسي على هذه المواقف التي تذيب القلب و تؤلمة اي منطق هذا التي تتكلمين به عزيزتي ؟؟؟؟؟؟؟؟؟!!!!!!!!! الام الطبيعية مستعدة ان تقبل قدم من سوف يقتلها في سبيل ان ينقذ ابنتها !!!! وانت تعذرين زوجته لعدم ذهابها الى المستشفى لان الاخ ولهان لم يحسسها بالرومنسية ؟؟؟؟!!! الظاهر انت زوجه ولهان واحنا ما ندري لان كل مداخلاتك غير منطقية و تغلط الاخ ولهان و تعذر زوجته على كل تصرفاتها الغير مسؤولة والغير حكيمة ابدا..وكلامي هذا ايضا موجه للاخت كنافة اعتذر منك اخي ولهان على هذه المداخلة |
29-01-2009, 02:38 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
