الحمدلله وماشاء الله لاقوة الا باالله

الله يخليكم لبعض يااااااارب


حبوبة
يقولون الطفل على ماتربينه والرجل على ماتعودينه
وباين عليه زوجك يتقبل منك وراح بيسمع منك

انتي سوي شغلات رومانسية وابدعي وفاجئيه

وطبعا بكلمات حلوة علميه انه كل الي تسويه علشان التجديد والملل وانه انتو الاثنان تحتاجوا المفاجآت في الحياة الزوجية

يعني بطريقة غير مباشرة

تصفحي المنتديات وانسخي المواضيع الي يوجهون النصايح فيها للرجل ليتعلم الحركات الرومانسية وطرشيها على اميله

طرشيه له مواضيع عن ليالي رومانسية وكيفية الاعداد لها وياريت تطرشين له وصلات من المنتدى هذا مثلا على اساس اميل ثاني علشان لا يحس انج متقصده هذاالمنتدى زاخر بالليالي الرومانسية والمحتشمة البعيدة عن الحركات الغير اللائقة لانه اعضاؤه محترمون جدا جدا

يعني وفكري بعد في طرق تسوينها بس ياحبذا بطريقة غير مباشرة

مثلا تلعبون مع بعض في الالعاب الزوجية او مو شرط تشترين انتي اخترعي لعبة معينة مسليه وبنفس الوقت تجذبه لك ومن خلالها توصلين له مفهوم انه تحتاجين مبادرته ايضا

انا قبل كنت اعمل كذا لطليقي واخر شي بصريح العبارة ههه قلتها له ولا في فايدة

بس اكتشفت انه ادا مو من خاطره مايطلع لها طعم

بس بعد فترة من النق والكلام المقصود والرومنسيات الي كنت اسويها والحركات الحلوة استحى من جد

صار يجيب لي معاه وردة مثلا او علبة جلكسي هدية على الطاير اي حاجة دبدوب احمر وكذا يعني بس تفرحني كثيير كانت

لاني ماكنت اعرف ادخل السوق وماخد لي معاه حاجة لو اي شي بسيط


وبعدها كذا تعود

مثلا طرشي مسجات رومانسية اممممم مثل المسجات الي تنتهي بسؤال

يعني من هذيلا المسجات الي فيها انت بحياتي كذا وكذا وكذا

وصاحب الرسالة من يكون بحياتك ؟ وكذا يعني وعاد لو يكون من تأليفك وايد بكون احلى


بس اقولج شي يبي لها السالفة صبر يعني مو اول مسج تشوفينه مارد تقولين خلاص هذا ماوراه رومانسية لو فيه طلعت من زمان وتيأيسين وتكتأبين

ولو سويتيي كل حاجة ومانفع لا تبتأسين اعرفي ان زوجك مايعرف هالشغلات والحب عنده مفهومه بشكل غير

ويكفي انك تسوينها انتي وقاصده فيها احتساب الاجر من الله بإدخال السعادة على قلبه

وهو في احسن من حسن التبعل من المرأة لزوجها ؟ والله انه اعظم جهاد

وبالاخير امنياتي القلبية لج ولزوجج بالحياة السعيدة المستقرة الامنة

والله يبعد عنكم عيون الحساد ويحفظكم ويسخر قلبه لج ويسخر قلبج له اللهم امين

__________________

أنا في غاية الشكر لكم على ردودكم المريحة ..

وصحيح زوجي يعبر عن حبه بتلبية جميع طلباتي ..

و غير ذلك صعب قليلا ..

فأنا أطلب منه الحركات ..

رغم أني كنت أعمل حرركات و أحس انه ما يأثر كثي ,, فبدأت أفقد الأمل ..

__________________

نفس مشكلتي

احاول اخرج الكلمه منه بالقوه .. والله انا رومنسيه لابعد حد بس بسبب بروده العاطفي احس اني فقدت رومنسيتي وصرت احس الرومنسيه شي خيالي ووهم وحلم

ماخليت مسج كلام حركات هدايا ولكن ياجبل مايهزك ريح

اضم صوتي لصوتها واقول اعطونا حـــــــــــــــــــــــــــــل