الأخت شعاع من نور
يا رب يرجعك لأهلك بالسلامة وتفرحيهم بهدايا جميلة .. أنا عندي سؤال .. انتي ما أخبرتنا إيه هي البلد اللي انت مغتربة بيها وإيه هي بلدك الأصلية .. ده هيساعدنا كتير عشان نحدد إيه الحاجة اللي ممكن تجبيها لأهلك .. أنا استنتجت من كلامك إنك من السعودية بس ردود الأخوات حسستني إنهم فهموا إنك مغتربة في السعودية .. فبصراحة مش واضح ..
لكن عموما .. لو بلدك الأصلي هي السعودية .. أحس الملابس القطنية مش متوفرة فيها .. ودي ممكن تكون هدية حلوة .. وحاولي تدوري على الهدايا اللي تميز البلد اللي انتي فيه وجبيها .. فيه حاجات زي اكسسوارات السيارات بتعجب الوالد..
كمان من الحاجات اللي غير متوفرة بالسعودية الحاجات المصنوعة من الجلد الطبيعي لأن دي لو موجودة في السعودية بتكون غالية جدا فلو عرفتي تجبيها بسعر أقل من المكان اللي انتي فيه بتكون فكرة حلوة ..
عموما أنا جربت أهدي الصغار والمراهقين الحقائب وشعرت إنها فعلا هدية بتعجبهم جدا .. وكمان جربت أهديهم أكلات مش موجودة عندهم زي مثلا شاي بنكهة جديدة أو شيكولاتة مش متوفرة في البلد أو عصائر أو أشياء من هذا القبيل .. كلها كانت بتعجبهم .. وبالنسبة للشباب بصراحة اشتريت ملابس وراعيت إن تكون موديلاتها جديدة بس طبعا كنت عارفة المقاسات من الأول.
20-02-2009, 04:26 PM
ضوابط المشاركة
العرض الشجري