فى رايى مافيش راجل بيحب النكد والصوت العالى من زوجته حتى لو كان بيسمع الكلام بالطريقة دى بس اكيد بيكون متضايق وبيبعد عنها دى اول نقطة

كمان هى زى ما هى حسة بملل من حياتها هو كمان ممكن يكون حاسس بملل وفتور وده سببه ان مافيش حاجة جديدة بتحصل وعلشان كدة هو بيحاول يبعد عن الملل ده من خلال الكمبيوتر على اساس انه يلاقى فيه حاجة جديدة و ياحبذا لو الجديد ده طلع منها هى اكيد هو هيسيب كله ويروح ليها هى يعنى مثلا هى قالت انها لما بتعمل ليلة رومانسية هو بينبسط ولو انها مسالة وقتية بس على الاقل بيكون قريب منها فى الوقت ده

فهى ممكن تجدد فى الموضوع ده يعنى تفجاه بحاجة جديدة حاجة هو مش متعود عليها منها فى شكلها وفى قصة شعرها وفى طريقة لبسها فى البيت وفى تصرفاتها معاه يعنى مثلا تخليه يصحى من النوم يلاقيها كاتباله على المراية بحبك او اى حاجة حلوة وتهتم بيه اكتر وتعامله برقة وب انوثة اكتر وتدلع وتهزر معاه يعنى تحاول تجدد فى كل حاجة كل فترة لان الراجل بطبعه ملول

تخليه يرجع البيت مشتاق لمفاجاتها بيفكر يا ترى هى عاملالى ايه انهاردة يا ترى هتفاجئنى بايه
وكمان تنوع فى اللبس اللى بتلبسه فى البيت يعنى مرة طويل ومرة قصير ومرة ديق ومرة واسع وتشترى لبس جديد غير اللى متعود هو عليه وبرفانات جديدة ومتنوعة كل يوم تحط من واحد مختلف
والله لو مش هتمللى من القراية كنت قلتلك افكار جديدة بس انتى اقراى دول الاول وقوليلها وشوفى النتيجة