لا حول ولا قوة إلا بالله

لا حياء ولا مستحى

كذا عاد الحرام نهاراً جهاراً ويقولها بالفم الميااااااااااان

هذا مصر على المعصية

وانتي شنو تحبينه وتموتين فيه !!

ايش تحبين فيه !! اخلاقه وإلا دينه .. صلاته وإلا صيامه .. !!

هذا ما بقى شي ما سواه وتقولين تحبين .. هذا على كل الي قريتيه كان بس تسمعين اسمه يجيك غثيان

يا أختي هذا شي لا يحتمل .. ليش انتي ذالة نفسك كذا !!

ليش انتي ما عندك كبرياء !!

وين عزة نفسك !!

المرأة الشريفه بنت الأجواد مو واحد مثل هذا يستاهل يستحلها

انا سامعه مثل هلاشكال المنحله مصابة بانحطاط أخلاقي و الي يعبدون شهوتهم

بس مو هذا الي قاهرني

أنا مو قاهرني إلا أنتي لمن قلتي احبه وأموت فيه

انتي شلون عايشه مع واحد كل يوم طايح له على وحده

لا و هالي اسمها (أمل ) طلبها قالو له طول الليل مشغوله إلا اذا يبيها بالنهار

يعني هذي بنت ليل هذي مومس .. هذي كل ليلة تنام مع 100 واحد

وكل واحد منزل فيها قذارته مثل المرحاض اعزكم الله

ويجون لها اشكال وألوان

يعني بالله عليك ما تلوع كبدك وانتي تتخيلين هالمشهد

ولا جاء في بالك ان الامراض جايتك جايتك إذا بتبقين على هالحالة

شوفي ..

زوجك خليه يروح في الشيطان ما عليك منه .. هو فاهم ان الي يسويه غلط خليه في غيه

لأنه مصر ويتحدى بعد ومو هامه ولا مستحي لا من الله ولا رسوله .. خليه لين يصحى لحاله

بعد ما تجيه مصيبه تحطمه تحطيم .. ذاك الوقت بيعرف طريق ربه


الحين انتي خلينا فيكي ..

انتي إذا ما تبين تتطلقين مع ان هذا ما يشرف اي أمرأة تكون على ذمته

بس انتي إذا الطلاق خايفه منه عشان عيالك .. لا تطلقين

إذا مستعده تعيشين لعيالك ولا انتي محتاجة لرجل من الناحية العاطفيه والجسديه .. لا تطلقين

بس نصيحه أخويه .. مدام مستمر في ركوب هذا الطريق المظلم لا عاد تنامين معه خليه يوصل للنهاية لحاله

انتي ترجلي .. وقفي .. تراجعي

باختصار خلي زواجكم على الورق وجلسي ربي عيالك

وخليه يولي يبي يتزوج ثانيه ما يبي كيفه ..

بس انتي حوطي على عيالك إذا خايفه يحرمك منهم الي ما يخاف الله

حاولي تتفقين معه على هالحل .. قولي اذا انت مو خايف على نفسك أنا خايفه

ابي ابقى اربي عيالي ومحتاجة لصحتي

أما إذا تحسين انك ما تقدرين تستغنين عن زوج وتبين تمارسين حياتك كزوجة

فما أعتقد أن هذا صالح لك .. لأنه راح يجيب لك الأمراض ما في شك

أمام خيارات :

- تجلسين معه ومع عيالك وتستحملين الزنا الي مراح ينتهي وتعاشرينه عادي .. وتوقعي المرض ولا يندرى وش بينقل لك

ويمكن ايدز ونهايته الموت .

- تطلقين منه وتتزوجين رجل آخر أو ممكن ما تتزوجين بس توقعي يحرمك من عيالك

- تبقين معه كزوجه على الورق بس وتحافظين على صحتك وتربين عيالك




هذا كل الي اقدر اقولك


الله يفرج عنك ويفك كربة كل مكروب