والله يابنات عندي اقتراح جربوه
الرجال بس تلحي عليهم بزيدو وبعاندو
طنشو الموضوع وشوفو يمكن يجيب نتيجة
التطنيش كويس احيانا
زي الي بياخدوها تحدي او اشي من جوة بقولهم ماتترك وخليك زي منت عاخر الزمن حتيجي مرتك تعملك عمزاجها
عقلهم الباطن مابعرف يمكن هيك
بس احيانا بحس التطنيش كويس مع الازواج حتى لو كانو زي الفل
يعني زوجي كويس الحمدلله ماشاءالله عليه
وانا بحبو كتير بس احيانا بطنشو كم يوم
لامسجات ولااشي
ويعني بقعد مشغولة عاللاب توب
وريلاكس ولامهتمة ههههههه ويعني مثلا ازا تاخر بالشغل واجا بقلو يعطيك العافية
بدل ماكون مدايقة انو تاخر
فكان يستغرب ويقول شوو بشوف مطنشة شوو وين المسجات خلص بطلنا
ايييه مين الي تغير انا ولا انتي
شفتي كنت خايفة انا اتغير رحتي انتي تغيرتي
ههههههههههه
والله ويعني بقيت هيك كم يوم وكان يضل ينكشني
بس انا زودتها وبالاخر قلبت خناقة هههه
بس المعنى لو مازودتها كان حيكونا شي كويس يعني التقل والطتنيش اكم يوم بتخلي الزوج يحس بقيمة الاشياء اكتر
زوجي كان ينبسط بالمسجات بس لما قطعتهم عرف قيمتهم اكتر
جربو هيك بس من غير متزودوها زيي بلاش تقلب خناقة لانو زوجي بالاخر قلي انت زودتيها عنحد ههههه و زعلنا يومها وفكرني نكدية الغلط علية لاني بالغت في الطناش والدلع و التقل
جربو بدون مبالغة واقعدو انتو عالنت لزقو فيه وطنشو وماتقولو تعال نحكي ولا اشي
ووقت مبدكو تنامو روحو نامو بلا مبالاة
تصبح عخير
واسحبي حالك وروحي
وعادي هيك يعني خليه يحس انو قعد ولا ماقعد كلو واحد
وازا صدفت واجا يقعد معك وانت عالنت اعملي حالك مندمجة ومش كتير مهتمة عليه
او ازا اجا يقعد معك احكيلو لحظة المطبخ حايس اروح اشوفو
والله يوفقكم لبعض
بس يعني خراب الكمبيوتر او الفايروس مش حينفع
حيرجعو يشترو غيرو
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت
14-03-2009, 12:27 AM
ضوابط المشاركة
العرض الشجري