هلا اختي الف مبروك عالبيبي و الحمد لله على سلامتك بس منجد اتمنى تفيدني الله يسهل عليكي كل امورك بالنسبة للدكتورة سميرة ابو راوي بامانة كيف ارتحتي معاها و لا لا ؟ كمان كيف خياطتها هل هي تجميلية داخلية وخارجية او عادية بصراحة؟؟ اقصد ارتحتي لخياطتها او لا 00و وقت الولادة هي جتكي وقت الولادة بالضبط و لا تاخرت لانو سمعت انو بالمستشفى يولدك الطبيب المناوب مو نفس الكتورة 00اختي انا مرة محتارة و عندي قلق و اتمنى تطمنيني الله يطمن قلبك ولا تتاخري علي بالرد لانو انا بالشهر الثامن 00؟؟؟

الله يسلمك ويبارك فيك..
د.سميره ابو راوي اعتبرها (أم) بمعنى الكلمه..
يعني تحسي انك بتتعاملي مع امك..
بالنسبه للخياطه
انا بكريه وخيطتلي بس بصراحه ماعرف ايش سوت تجميلي او داخليه او خارجيه بس اعرف انها خيطت وبس وانا ما سالتها ايش نوع الخياطه لانه الى وقت الولاده وانا احسب انه الخياطات كلها وحده
بس الان مر على ولادتي 5 شهور احس الحمدلله كله تمام ماشاءالله فما اعرف هل هو بسبب اني بكريه ولا هي الخياطه كويسه..

لما جاني الطلق رحت على المستشفى وكان يوم الاجازه حقها يعني ما كانت مداومه ذاك اليوم ..فجاتني دكتور مناوبه وقاستلي الرحم لقته 4 سم وقالولي خلاص بداية ولاده ومافي نص ساعه الا لقيت الدكتوره سميره جايه من بيتها وبقيت معايا من الساعه 3 العصر اليييييين الساعه 1 بالليل بكل صدر رحب وذكر الله ما راح من لسانها وكانت مشغله القران في غرفة الولاده طول الوقت..
على فكره انتي لما تراجعي عندها اول مره رح تقولك موظفة الاستقبال انه د.سميره ابو راوي لها اتعاب خاصه على جمب غير حساب المستشفى..وحسب ما اتذكر كانت الف وزياده او الفين..

وكمان بعد الولاده كل يوم تمر عليك بالاضافه الى دكاتره ثانيين ..ويوم اجازتها كمان جاتني والله بعبايتها زوجها جابها عشان تمر على مريضاتها المنومات ..يعني بصراحه مهتمه مش خلاص ولدتني وخلاص نسيتني..

بصراحه تجربتي مع هذي الدكتوره وهذا المستشفى كانت جيده جدا بتوفيق وتسخير من رب العالمين..

الله يسهلك امرك ويسخرلك عيال الحلال..

__________________