السلام عليكم و رحمة الله و بركاته
المشكله تتلخص في أن إبنتي تسرق الفلوس من أمها دون أن تدري
و لقد إكتشفنا ذلك عندما تركنا مبلغ مش كبير بأحد رفوف المطبخ و لم نجده
و أمها سألت أخوتها أمامها كتير وهي لم ترد
و لقد شكت أمها في الموضوع ففتشت كل الملابس و الكتب حتى وجدت المبلغ بجيب البنت
البنت دي ترتيبها الثالث من أربعة
بنت و ولد و هي و بنت بالترتيب
عندما أخبرتني أمها بذلك قلت لها دعي الفلوس كما هي و إسأليها عنها في الصباح
لكنها أنكرت و بتكرار سؤالها قالت سوف أبحث عنها
ثم عادت و أعتطها لأمها
و كذبت و قالت أن الفلوس كانت ملقاه على الأرض بغرفتها و ما حاورتها أمها قالت أنها أخذت الفلوس لكي تشتري بها حلويات كتير بالمدرسة
أمها قالت لها أنتي بتاخذي مصروفك كل يوم
قالت عايزه أجيب حجات حلوه كتير ذي أصحابي في المدرسه
قالت ها همه بيجيبوا أيه
قالت حجات تقريبآ بنفس قيمه المصروف ألي أنتي بتأخذيه
و البنت قالت لها أنفي ولد بالمدرسه بيقولهم أنه بيسرق فلوس من أمه و بيجيب بيها حجات حلوه كتير
المهم الموضوع عدى
قلتلها سيبي فلوس في كم حته ف البيت و راقبيهم كويس
بعد ثلاثة أيام
أمهم نسيت كيس الفلوس على السرير
و بعد شويه لقت البنت الصغيرة بتلعب بالفلوس و قالت لها أختي خدت فلوس
بعد عد الفلوس تأكدت زوجتي من نقص مبلغ بسيط جدآ
قعدت تدور عليه و بنتي صاحبة المشكله واقفه معاها تقولها دوري كويس يا ماما
ولما شك زوجتي فيها زاد
قالت لها أنا هأدور عليهم
و راحت جابتهم و قالت أنهم كانوا على الترابيزه ف المطبخ
قالت لها أمها لأ مفيش لاحاجه كانت ع الترابيزه
قالت آه كانو على الرف
قالت لها لأ
دول كانوا في جيبك مش كده
قالت أيوه
أنا أخدتهم عشان أختي الصغيرة كانت هتضيعهم
قالت لها طيب ما كان في فلوس كتير ما شلتيهمش ليه
و ما سألتك قلتي لي لأ ليه
و ضربتها بشده
أنا كنت وقتها في الشغل
و لما جيت حكت لي
أنا بس عايز ألفت الأنتباه أن زوجتي بتهتم بالأولاد بشكل رهيب
مزاكرتهم نظافتهم سلوكهم أصحابهم
لكن البنت دي دايمآ حاسه بعم الثقة في نفسها
إشتركنا لها في تدريبات سباحه ف النادي ما رضيتش تكمل
عندها دائمآ حالة من الرعب غير المفهوم
شخصيتها ضعيفة جدآ
أنا خايف لحسن موضوع السرقة ده يكون بتحريض حد من المدرسة و تغيير السرقة لمبلغ صغير دل المبلغ الكبير كان لمفاداه تكرار إكتشاف السرقة يعني مامتها خدت بالها لما كان الميلغ كبير بالنسبه لسنها يبقى تسرق مبلغ صغير
و عندي إحساس أنه ده ماكنش أول مره
مش عارف أعمل أيه
أنا فكرت أروح المدرسة وأنقلها من الفصل
المصيبة أن دي مدرست تجريبي لغات
يعني الأطفال ألي بيدرسوا فيها المفروض أهلهم يكونوا متعلمين كويس
لكن الواضح أنه في حالات زفت فيها و المنطقة دي أصلآ متواضعة جدآ
إحنا نقلنا سكننا هنا من سنتين بس
لو ممكن حد يفيدني بتجربته
و على فكره أنا نبهت على أمها أنها تحتضنها جامد لأني أخاف البنت تعملها تاني و تروح المدرسه فتفهم أن أمها أكيد عرفت فتخاف ترجع البيت و تبقى مصيبة
ربنا يسلمها و يسلم كل بنات المسلمين
على فكره هيه في أولى إبتدائي
لو ممكن حد يدلني على رأيه أو تجربته

و السلام عليكم و رحمة الله و بركاته

عذرا تم تعديل العنوان ليتضح المضمون

كان الله في عونكم
شووف البنت اكيد بتتعلم من المدرسة سواء
عادة طيبة او سيئة والغالب الطفل بيميل للتقليد

يعني فتررة وتعدي هي صحيح عاادة ولو استمرت
عليها راح تصيررر عاادي عندها لكن فية شي اسمة عقااب
امها اول مرة شافت الفلوس وسكتت
تصرفهاا صحيح والمررة الثانية لما واجاهتها
برضو كان تصرفها صحيح
لكن الغلط انها ضربتهاااا
كان حرمتها من الذهاب للمدرسة في اليوم الثاني
او من لعبة تحبهااا او مشوار معين لمدينة الملاهي مثلااا او مطعم
كان اخذت اخوووتها وتركتها في البيت عشان تعرف انة تصرفها لة عواااقب
مو بس ضرررب وبعدها راح تحن الام وترجع تبووسها
راح تعااااااااااند اكثرررر وتعرف انة بعد العلقة في احضااان وتأنيب ضمير
لأنة انا كأم لما اضرب احس بالندم واحاول اعووووض
عشاان كذا الضرب شلتة من قاموسي وبدال المشكلة راح تصير مشكلتين
وصار عندي ثواب وعقااااب
جرب معهاااا هذا الاسلوب وان شاء الله خيرررر

الله يصلحها ويخليها لكم يارب

__________________

__________________



(الذين يبلغون رسالات الله ويخشونه ولا يخشون أحدا إلا الله وكفى بالله حسيبا)


اللهم اهدى إبنى عبيد و أخوته جميعا وجميع أبناء المسلمين

السلام عليكم و رحمة الله و بركاته
أنا متشكر جدآ لأهتمامكم
و أحب أجاوب عن أسإلتكم
ربنا يهدينا لما فيه الخير

عمر البنت 7 سنوات المصروف نصف جنيه يوميآ
المبلغ الذي أخذته 15 جنيه عندما عرفنا الموضوع و تاني مره 2 جنيه
و للعلم أمها عرفت منها أمبارح أنها عملت الموضوع ده كتير في فلوس فكه كانت مع أختها الصغيره و طبعآ أنا أقريت بغلطنا لأن البنت الصغيرة كانت بتلعب بالفلوس الفضه ممكن توصل ل 5 جنيه و بصراحه أنا لاحظت أن الفلوس الفضة أختفت بس مجاش ف دماغي أن أختها خدتهم و نبهت على أمها أن ده مايحصلش تاني .


جمالها عادي و ليس بمثل جمال أخوتها و شعرها ليس بجمال شعر أخواتها
أختها الكبيرة في الإعدادية و من الأوائل و يتم تكريمها في المدرسة
الأم لا تعمل و معها مؤهل عالي
الأم عصبيه بعض الشيء وكذلك أنا و لكنني أحس بأن الأم حنينه عليهم جدآ مع حزم بخصوص التربيه و المذاكرة و الله أقاربنا يضربون بهم المثل في التربية الحسنه
البنت لا تأخذ دروس خصوصيه و والدتها هي التي تتابع مذاكرتها في البيت
تعود من المدرسة حوالي الساعة 2 ظهرآ و تنام حوالي ساعتين ثم تبدأ في المذاكرة ثم مشاهدة التلفزيون أو النت
أنا ليس لي مواعيد ثابته فأنا صاحب شركة صغيرة
و لقد أدركت من فترة أنها تعاني من تحويل إهتمامنا بها لأختها الصغيرة
فحاولت أن أضمها لي كثيرآ و ألعب معها و لكن أختها الصغيرة و نظرآ لصغر سنها تلفت إنتباهنا جميعآ بشكل كبير
الفارق العمري بينها و بين الطفلة التي تليها حوالي 4 سنوات
لكن في ملحوظة مهمه
البنت كانت تنام معانا و هي رضيعة و لما فطمتها والدتها لم ترضى بأن تغادر السرير معنا بسهوله مثل ما حدث لأخوتها
بل كان الموضوع في غاية الصعوبة
من فضل الله علينا أنه لا توجد مشاكل تذكر بيني و بين أمها و لله الحمد بيتنا يضرب بيه المثل في التفاهم نظرآ لأن العديد من أقربائنا مشاكلهم كتير و على العلن
فأنا أحاول أن ألبي طلبات البيت و أمهم تحاول أن تلبي طلباتي و لو إختلفنا في موضوع أمهم تتنازل فورآ لحفظ أمان البيت و الحق أنني و لله الحمد بحاول أترك لها معظم أمور تربية الأولاد لكن فترة وجودي بالبيت براقب الي بيحصل و أتدخل فورآ لو في حاجه حاسس أنها مش تمام
لله الحمد أكتر من 16 سنه جواز ما سابتش البيت يوم غضبانه عند أهلها و محدش عرف عننا حاجه
بالنسبة للعدل بين الأبناء فإحنا بنحاول بس للأسف مش 100 في الميه على طول
مثلآ البنت الصغيرة بتشاغب كتير و تشاغلنا بإعتبار سنها
و البنت الكبيرة متفوقة دراسيآ فبنفرح بيها و الولد لازم متابعته بصورة كبيرة في مذاكرته و كذلك البنت موضوع المشكله
بالنسبة لملاعبة الأولاد تتم بالجمله مش بشكل منفرد
بس بحاول آخدها في حضني و أنا بتفرج ع التليفزيون و بتعمد أني أغرقها حب عشان حاسس أنها مش مبسوطه من ‘هتمامنا بأختها الصغيرة لدرجه أن أختها الصغيرة لو قالت كلمه جديده بنفرح طبعآ فتقوم هيه قايله طب ما أنا بعرف أقول ذيها
بنقولهاأنتي حبيبة بابا الكبيرة و هكذا بس ملاحظ جدآ غيرتها من أختها الصغيرة
بالنسبة في التحكم ف مثلآ أنا برفض أنها تلعب مع أولاد خالتها في غرف مقفولة أو حتى تلعب معاهم إلا قدام عنيا
و بالنسبه للبس مهم أنها ما تلبسش حاجه قصيرة و لا عريانه مثلآ لو في جيبة قصيرة بيقى تحتها بنطلون
ومامتها بتصر على عدم زياده المصروف إلا بالتدريج مع تقدم سن الطفل
لأسباب منها فساد الطفل بالتدليل و عدم إثارة غيرة الآخرين

أما بالنسبة لآخر الأخبار

فأمها لطفت معاها الجو و سألتها عرفت أنها عملت كده قبل كده و قالت أنها بتجيب بيهم حجات حلوه عصير و شيبسي و خلافه و بتعزم زمايلها في المدرسة
و عرفت برضه معلومه مهمه
أنه ليها زميلة في الفصل ما بتجبش معاها ساندويتشات في المدرسة و بتطلب منها ساندوتش و لو مالقتش معاها بتطلب من أي بنت تانيه و لومالقتش بتقعد تعيط عشان جعانه
بس ما بتجبرهاش إنها تديها
الموضوع ده في منتهى الأهمية
ليه؟
أنا قلت لأمها أنه زياده المصروف و لله الحمد نحن قادرين عليه ماديآ بس له سلبيات كتير و أخطرهم من وجهة نظري أن بعض الأسر لا تقدر على ذلكيبقى حرام عيالنا يروحوا المدرسة بفلوس كتير و غيرهم لأ و طبعآ العيال بيبصوا لبعض مش بعيد نبقى سبب في أن عيال تانيه تسرق أهلهم عشان يتساووا مع بعض في المصروف و طبعآ نبقى إحنا السبب
يبقى نغير الخطه
كل يوم أمها تعمل ساندوتشات لبنتنا و كيس ساندوتشات لوحده للبنت التانيه
و تديه لبنتنا و تقولها تديه لصاحبتها بس في السر عشان ما تحرجهاش
و بكده هيحصل أكتر من حاجه إن شاء الله
1 - البنت هتفهم أنه في ناس ظروفهم أقل و ده هيهدي نفسها شويه
2 - ربنا هيكرمنا و يهديها للخير بهذه الصدقة

و إحنا من ناحيتنا هنفخر بيها عشان بتعمل خير و في السر عشان تراعي مشاعر غيرها
يبقى ألي بيجيب حاجه و يتمنظر بيها على الناس يبقى مش كويس
و الله أعلم

خلوا عندها رادع من الله عز و جل يمكن تفهم اكتر
و زودولها المصروف شوي بس بحيث ما يكون عنده الحجة انها تاخد
ما تفعله الفتاة أمر طبيعي
لكن يدل طبعاً على قوة البنت و أنها أكيد أقل براءة من اخوتها
الله يعينكم عليها
انا ما عندي أطفال بعمرها
أتمنى يفيدوك الأخوات

__________________
.
.

استودعتك أهلي في سوريا يا من لا تضيع ودائعه

السلام عليكم و رحمة الله و بركاته
زيادةالمصروف مش هتحل المشكله
ليه ؟
1 - المصروف بيمكنها من شراء قطعة واحده من الحلويات مثل باقي زميلاتها و زملائها
2 - لزياده تعني أن تتمنظر على زميلاتها بما تشتريه زياده
3 - من شجعها على ذلك بنت تأخذ مصروفها من أمها أكثر من مرة لأن أمها تنسى أنها أعطتها المصروف و ده كلام أنا مش مصدقه في الغالب تأخذ الفلوس بدون علم أمها و ولد بيتفاخر صراحه بأنه يأخذ الفلوسبدون علم والديه و يتمنظر عليهم بما يشتريه زياده عنهم
4 - لو جعلنا البنت تبص للي همه أقل منها ممكن تعرف نعمه ربنا عليها
5 - في مشكله تانيه أن البنت ما بتشتركش مع زميلاتها في الفصل عمل غديوه لأن معظم مشترياتهم شيبسي أو كراتيه و هي مواد ضارة صحيآ و الأولاد عندي فهموا كده و طلوا يأكلوها من زمان

و في تطور غريب حصل
أمبارح البنت سألت أمها عن بيضة بالثلاجة مكسور جزأ من قشرتها و إن كانت أمها عايزاها و لا لأ
أمها قالت لها أيوه عايزاها سيبيها بالثلاجة
اليوم البنت الت لأخوتها في بيضه مرميه خلف العماره
بصيت من فوق أحنا ساكنين بالدور الثامن طبعآما قدرتش أميز أيه المرمي من فوق
و بعدها أمها دخلت المطبخ تعد الغذاء لقت بيضه ناقصه
و هيه تقريبآ لاحظت كده لأنها كانت عامله حسابها تستخدمها لأنها مكسورة
ملاقتهاش
سألت البنت أنكرت بشده و لما ألحت عليها والدتها إعترفت أنها أخدتها و رمتها من فوق عشان عايزه تشوف حاجه و هيه بتتكسر

الموضوع تقريبآ بيتعقد

أنا لغاية دلوقتي ما أتدخلتش فيه البنت فاكراني مش عارف
بس شكلي هخش ف الموضوع

و على فكره البنت عندها مشكلة نطق حرف السين بتنطقه ثاء

ياريت منتظر رد الأخت أم عبيد

و متشكر لأهتمامكم كلكم

يعلم الله اني اعطف على هذه الابنه

تتعاملون معها وكانها حاله

وليس كبنوته صغيره ضعيفه

اقف مستغربه من كم النقاط و الاحداث التي تسجلها على ابنتك

هيه طبيعيه و بريئه و ما فيها الا كل شي حلو

و تنطق حرف السين ثاء

حبيتها بشقاوتها و براتها

عجبتني حركه انهاتشيل البيضه وترميها من الدور الثامنوتتفرج عليها تتكسر


شكلها عندها ملل خذوها للحديقه و اشترو بالنوات و حطو فيها ماء و ارموها

مافي احلى من هللعبه

اعتقد حياتكم جاده كثيرا و فيها الكثير من القوانين و الروتين

الاطفال لازم يكونو عفويين و يتصرفو بتلقائيه

و الاهل على ضوئها يقومو ويعلمو

في اطفال يحتاج لهم شويه تعب و اطفال يتعلمو بسهوله ويسر

لهلسبب هم اطفال وهم مسؤليتنا

حاول تتقربو منها اكثر

و اختها الكثيره تقربها منها و تخلي طرف ثالث يكون له اثر عليها

غير والدتها تكسب ثقه البنت

وتكون لهم علاقه اخويه سليمه بينهم

__________________

متشكر للنصيحه

أنا كنت عايز أقولكم كم القلق بسبب الخوف عليها من أن يتحول الموضوع لعاده

مع إحساسنا بالمسئوليه

أمها بتبكي و بتقول أنها ف خطر

أمها مورهاش حاجه ف الدنيا غير متابعتهم و تاخد بالها منهم

ربنا يستر

هأخرجهم النادي لينا كتير مارحناه

شكرآ

__________________



(الذين يبلغون رسالات الله ويخشونه ولا يخشون أحدا إلا الله وكفى بالله حسيبا)


اللهم اهدى إبنى عبيد و أخوته جميعا وجميع أبناء المسلمين

	أما السبب الثانى و الذى قد يكون أحد الدوافع هو الانتقام:-- لا أقصد الانتقام بحد ذاته و لكنها كطفلة صغيرة قد تكون قد شعرت بالتجاهل أو الاضطهاد منك أو من والدتها و أرادت أن تعمل عمل يزعجكم و يشعرها بالانتصار عليكم و أنها أفضل و أذكى منكم جميعا. أنا يا أخى لا أقول أنك و أمها لا تحبانها و لا تهتمان بها .... بكل تأكيد أنتما تحبانها و لكن بطريقتكم أنتم و هذه الطريقة هى لا تفهمها فأنت عندما تحبها :--- تعمل و تجد من أجل توفير حياة كريمة لها و لأخوتها. تهتم بتوفير سكن مناسب تهتم بتوفير طعام و لبس مناسب. أدخلتهم أفضل مدارس...إلى آخره و أمهم عدما تعبر عن حبها و اهتمامها بطريقة عملية :-- فإنها تهتم بنظافة المنزل من أجل صحتهم و تهتم بالمذاكرة و تهتم بإعداد الطعام من أجلهم و تسهر معهم عند مرضهم ... إلى آخره و بكل تأكيد هذه أشياء مهمة للغاية و لكن لا يدركها عقل ابنتك الصغيرة و لا يستطيع ترجمتها ....و إنما هى تريد الحب من منظورها هى. - أن تلعبوا معها بمفردها ( لأن ذلك يجعل حواسك و حواس الأم و اهتمامكم منصب عليها بمفردها ). - تحتاج أن تنظر إليها بعينيك فى وجود أخوتها. -تحتاج أن تمتدحوها . - تحتاج أن تشعر أنكم تفخرون بها أمام الأهل الأقارب. - تحتاج أن يستمع إليها أحد سواء كنت أنت أو أمها. - تحتاج إلى الاحترام ( لا تصرخوا فى وجهها كثيرا و لا تنعتوها بصفات سيئة ( أنت غبية... أنت مابتفهميش ... أخواتك أشطر منك عاوزينك تكونى زيهم...)وهكذا). - تحتاج إلى التشجيع و الدعم و السؤال عن أحوالها و صحتها باستمرار. تعليق على بعض المواقف :--- أولا شراء أشياء لزملائها :--- هذا سبق توضيحه فهى تريد أن تشعر بأن هناك من يلتف حولها و بأن تكون محط الأنظار. ثانيا الرعب الغير مبرر :- أكيد هذا أيضا له أسباب قد تكون 1- كثرة الصراخ و توبيخها و عدم التفاهم. 2- تخويفها بشخصيات مرعبة لكى تنام. 3- الخوف من العقاب القاسى إن أخطأت و لو خطأ بسيط. 4- عدم الشعور بالأمان. الشعور بعدم الثقة بالنفس :-- قد يكون بسبب 1- كثرة اللوم و التوبيخ و العقاب. 2- عصبيتك أنت أو الأم . ( على فكرة ممكن تكون درجة عصبية الأم أو عصبيتك ليست كبيرة و لكن أغلب كمية العصبية و لنقل مثلا 90% من عصبيتكم يكون موجه لها بمفردها بسبب أنها قد تكون مشاغبة أو كثيرة الحركة ). 3- النعت بألفاظ جارحة أو سيئة كما ذكر بالأعلى . 4- عدم امتداح حسناتها و عدم الفخر بها. 5- مطالبتها بالوصول إلى مستوى عال من التفوق الدراسى و كثرة المقارنة بينها و بين أخوتها و قد يكون ذلك لا يتناسب أبدا مع إمكانياتها العقلية. ( المفروض الأب و الأم يشجعون الطفل على استغلال كل طاقاته المتاحة و لا يطالبونه بمستوى دراسى أعلى من قدراته لأن ذلك يسبب الاحباط له و يشعره أنه فاشل دوما و أنه لا ينال استحسان الأم و الأب ). و لابد أن تقتنع أنت و الأم أن البشر متفاوتون فى الطباع و فى القدرات العقلية و هذا هو خلق الله سبحانه و تعالى .... فلسنا جميعا أذكياء و لسنا جميعا ذوى مدارك متسعة تتقبل العلم بسهولة. لى عودة للإكمال بإذن الله تعالى .

__________________



(الذين يبلغون رسالات الله ويخشونه ولا يخشون أحدا إلا الله وكفى بالله حسيبا)


اللهم اهدى إبنى عبيد و أخوته جميعا وجميع أبناء المسلمين