وهذا هي نقطة ضعفك .. وهو كاشفك .. وماسكك من اليد الي توجعك

انتي خايفة انه يتركك ..

أنتي تبين الزواج يصير بأي طريقة

وهذا أكبر جريمة ترتكبها البنت في حق نفسها

وبكرة راح تتحسفين على عد شعر راسك على هالتفكير

يا عمري حتى لو كانت ظروفك قاسية .. الحياة مع رجل مليان عقد أكثر قسوة ومرارة

هالنوعية يشوفون المرأة حشرة أو جزمة .. اعزك الله

وأنا أقرأ ردودك تأكدت من شخصيته تمام ..

وربي أنك راح تعانين الأمرين معاه

الموضوع مو زواج والسلام .. الموضوع بيكون في راحة بال وإلا لا

ومعى هالشخصيات مافي راحة بال .. وبكرة تتذكرين هالكلام

اليوم تقولين أموت فيه .. بكرة بتقولين موتني قهر وظيم

يا عمري درسي خطيبك بعقلك قبل ما يجننك وتفقدين عقلك بعد الزواج

وزني بميزان المنطق وتصرفات الناس السوية الي ما عندها عقد

شوفي فترة الخطوبة عند غيرك وعندك .. راح تعرفين وين الخلل وليش

احلى شي في الزواج أنك تشوفين أحد يداريك لما تعصبين ..

يخاف على مشاعرك من كلمة يقولها و ممكن تجرحك ..

يطبطب عليك بس تكونين زعلانه أو مضايقه ..

تحسين أن في أحد قلبه عليكِ

تحسين أن في أخذ وعطاء ..

الناس تتزوج عشان كذا مو عشان تتحطم وتنذل وتحس أنها بدون قيمة


أخر كلمة اقولها ..

قلبك حطي عليه قفل

وتعاملي مع خطيبك بعقلك وبس .. وراح تشوفينه على حقيقته

وعلى فكرة هذا قصد أخوي خالد الذابح .. أنك عاطفية زيادة عن اللزوم وتفكرين بقلبك مو بعقلك

و أكثر من كذا تحبينه أكثر من نفسك وهذا خطأ ..

ووجهة نظر أخوي خالد رغم قصرها إلا أنها صحيحة 100 %

__________________