من جد انا منرفزني موضوع تحليل الاباضه لانه ولا عمره ضبط معايا !!

لو اقولكم تجربتي تستغربو

استخدمته لمدة 4 شهور متواصله وكان يطلعلي خطين اظن من يوم 12 او 13 ويبقى الى يوم 15 بخطين بعدها يختفي الخطين ويصير خط واحد ... طبعا انا لما اشوف الخطين على طول اهتم باللقاء الزوجي وبس يروح الخطين اوقف كم يوم ...
بقيت عالحال هذا 4 شهور وحاسه انه فيه شي غلط واجي هنا اسال البنات ويقولولي طريقتك صح.. وكان الله ما يريد انه يتم المراد والحمل..

بعدها قلت خلاص باتابع عن طريق السونار اكتشفت انه الايام اللي كنت اوقف فيها جماع لانه كان خلاص ما عاد يطلعلي خطين هو الايام المهمه بالنسبه ليا وكان مطلعلي بويضه جاهزه للانفجار وانفجرت باليوم 16 مع انه مافي كان خطين على اختبار التبويض حق البول.. طلعو في اليومين المعهوده 12-13-14 واختفو !!!
صرنا انا وزوجي مستغربين من الدكتوره انه طلبت مننا جماع في الايام 16-17-18 واللي احنا متعودين فيها الشهور اللي راحت انه نوقف خلاص لانه يكون التبويض انتهى!!
والله اراد سبحانه وتعالى وصار الحمل

حبيت اقول تجربتي اللي هي عكس تجبرة حلمي قريب تماما وبالاول والاخير مارح يحصل الحمل الا بارادته سبحانه وتعالى متى شاء يقول كن فيكون ،، واحنا نجري جري لكن غير نصيبنا واللي الله كاتبه لنا مارح نحصل..

__________________