السلام عليكم ورحمة الله وبركاته... أما بعد

في بداية حديثي اود ان افتتح اولى اقلامي(بحر الحب) في هذا المنتدى الرائع واتمنى اني اكون خفيف عليكم واكون عند حسن ظن الجميع

طبعا لكل شاب يتمنى انه يتزوج وينزف في ليلة العمر يوم زواجة مع حبيبته, وكما هو معروف في شباب كثييير ماعندهم خلفية عن امور ترتيب الزواج من خطوبة ثم الملكة (كتب الكتاب) ثم ترتيب يوم العمر (ليلة الزواج) , وانا في الحقيقة واحد من هالشباب اللي خبرتي في هالامور قليلة وانا بصراحة مابي منكم الا النصح والارشاد لانه حقيقةً عندي اسئلة محتار فيها وانا في الحقيقة مالتجأت لكم الا علشان ارتب نفسي من الحين على حبه حبه, على اساس ما اندم واقول هل اللي انا سويته صح ولا غلط؟

اولا الخطبة : الحين هل الواحد اذا جاء يخطب رسميا هل يخلي امه هي تخطبله مع حدى بناتها وتروح عند اهل البنت؟ ام ان العريس يروح مع ابوه ويخطبون البنت من اهلها ؟ انا بصراحه محتار لانه اسمع في كذا وكذا .وش تنصحوني؟

بعد الخطبة وبعد مايوافقون اهل البنت, الولد اذا شاف البنت وعجبته هل يقدر يكلم خطيبته على الجوال ولا بس يشوفها مره وحده وخلاص؟


ثانيا الملكة ( كتب الكتاب) : اذا ملك وخلص هل يقدر يجلس مع خطيبته وقت مايبي يعني ( هل انه مثلا يجي لبيت خطيبته ويجلس معها لحالها علشان ياخذ راحته ويسولف معها)؟ او انه يكتفي بس يكلمها على الجوال ويرسلها رسايل حب ؟ مع انه في كلا الحالتين زوجته شرعيا .

هل الفتره اللي بين الملكة والزواج هل تكون 6 شهور ام سنة فأكثر؟ لانه الفتره هاذي يكون فيها تفاهم الزوجين قبل يوم عرسهم

الزواج ( ليلة العرس) :اذا جا وقت العرس هل الأفضل انه العريس ينزف لحاله (من دون عروسته) يعني يدخل العريس مع ابوه د واهل البنت وتكون العروس داخله قبل؟ او ينزف العروسين مع بعض. ايهم احسن؟ على فكره هالسؤال يمكن افضل ناس يردون عليه هم الجنس الناعم لانهم يشوفون الشي هذا بعينهم ويعروفون وش الاحسن , بإختصار السؤال الاخير موجه للفتيات ...

اعتقد الامور اللي تحدثت عنها في شباب كثييير جاهلين عنها اتمنى انكم تساعدونا وتنصحونا وش الافضل
واتمنى اني ماكون ثقلت عليكم بكثر اسألتي لكن هذا الواقع اللي نجهله واتمنى انكم ماتبخلونا علينا بردودكم

لزنواج التقليدي هو ذهاب الأم أولا لسؤال أم العروس عن نية ابنها في خطبة ابنتة المرأة الثانية وطلب معرفة راي الأم وابنتها، وغذا تمت الموافقة وحصلت عليها الأم، تزف الخبر للولد وبالتالي يفاتح الأب بالموضع ويوضع في الصورة وبعدها يخاطب أهل العروس بأنك واسرتك ستزوروهم في اليوم الفلاني والله يوفق
2) الملكة تعتبر أنك زوج لتلك الفتاة التي تقدمت لخطبتها وهنا تكون لك حقوق كما أنها لو كانت في بيتك، المهم أنك في تلك اللحظة تختار الأوقات المناسبة لزيارتها وقد يتم بالاتفاق بينكم بحيث هذه الأوقات لا تزعج اسرتها وتقلق راحتهم، حتى يتعود كل للآخر ويفهم لتكون حساتهم فيما بعد كلها سعادة وهناء آمين
3) يختلف الأمر من مكان لأخر ومن بلد لأخر ففي بلدان يتم زف العروس فيما ينتظر الزوج في بيت الزوجية مستقبلا غياها ةمرحبا بها في البيت الجديد، وفي بلدان أخرى يقام في فندق أو في بيت العروس ويزف الإثنان معا كل حسب طريقته وعاداته وموروثاته والأهم أنهم يلتقوى بعد فصال حميد ويجعل الله ايامهم سعادة وفرح آمين، والأهم بدأ الحياة الزوجية بطاعة الله في كل عمل.

مشكور اخوي اسير الاحزان ويعطيك العافيه , لكن انا عندي عتب بسيط وين ردود الناس!!؟؟ معقولة كذا من اول مشاركة لي

مرحبا فيك أخي ،، بحرالحب معنا فى هذه المدرسة عالم الحياة الزوجية ،، والتي سوف تستفيد ان شاء الله منها في حياتك الجديدة ،،
بالنسبة لأاسألتك المطروحة عن الخطبة والملكة والزواج فهي تختلف من عائلة الى اخرى او من مجتمع الىاخر وكل له عادات وتقاليد يمشيء علية عند الزواج ،،
الخطبة ..عندما تتم أجاز لك الشرع رؤاية البنت وإذا رائيتها المناسبة تتم الخطبة والا تنفسخ ،، عند التمليك اوعقد القران يجوز لك الجلوس معها والتحدث وفعل ماترغب فيه لانها اصبحة زوجتك شرعا ،،
الزواج والله يتمم لك بخير وكل الشباب ،، مثل ماقلت سابق على حسب العادة والتقاليد في الزواج والزفة،،
أخير تقبل تحياتي ودعواتي لك بالتوفيق ،، ونرحب بكل أستفسار تريدة ولكن بدون الخروج عن الحياء أخي ،،

اذا كنت من السعوديه فيختلف الوضع اولا تروح امك واحد من الاخوات اتي تثق برئيها اذا عجبتهم البنت تقوم انت وتتصل على ولي امرها وتتحدث معاه وبعدين بتقابل اهلها ويجلسوا معاك وسئلوا عنك وبعدين تجي تشوف البنت الملكه تفضل بالكثير 3شهور وتجلس معاها او بعض العوائل ترفض انك تجي البيت من ناحية الزفه تنزف البنت لوحدها وبعضهم اهي والزوج