وفقك الله اخوي ورزقك الزوجه الصالحه اللي تسعدك

انا حالتي كانت مثل حالتك بالضبط
عندي بنت خالي اصغر مني بثلاث سنين
ماشاءالله عليها يمكن ما ابالغ اذا قلت لك هي اجمل بنت شفتها بحياتي
والاجمل منها كرم اخلاقها وطيبتها وخفة دمها .. والاجمل من هذا كله انها كانت صديقتي ايام الطفوله . وكانت تلعب معي وكثير ترتب اغراضي وتنظف غرفتي من غير ما اقولها. وكنت دايم اغششها بحل واجباتها من غير ما اهلها يعرفون
بعد ما تغطت عني وصارت حرمه ولا اقدر اختلط معها. صرت احبها حب فوق الخيال.. الي درجه اني كنت احلم اني خطبتها ومرات احلم انها زوجتي
يعني مستحيل اتخيل زوجه لي غيرها
وكنت مثلك في بداية الجامعه يعني عايش على المصروف من ابوي اللي يجزاه خير
ودايم خايف ان البنت يتزوجها غيري وكنت دايم ادعي ربي واستخير
سبحان الله عدت الايام وانا ما زلت متعلق فيها . وكنت اقول مستحيل اخطبها او اعلقها فيني وانا توني ما عندي دخل
خلال دراستي بالجامعه جاء واحد وخطبها. صراحه خفت مررهـ وضاق صدري
بس وقتها صرت دايم ادعي ربي يختار الخيرهـ للبنت
وادعي لها بالتوفيق والخيره وانها ما تتزوج الا الرجال اللي يسعدها . سواء كنت انا او غيري
عدت الايام و وصلني خبـر موافقتها من هالرجال وموعد الملكه
سبحان الله ضاقت بي الدنيا. لكن كل ما اتذكر انه ما راح يصير الا اللي كاتبه ربي . ارتاح شوي وافرحلها
وبعد الملكه صرت ادعي ربي ان زوجها يسعدها ويستر عليها ويخاف ربه فيها
مرت الايام وتزوجت البنت والحمد لله ربي رزقها بزوج قمه بالطيبه
ودايم اقول ماشاءالله عليه رزقه ربي بأحسن البنات وهذا يدل على حسن نية الرجل. الله يوفقهم

المهم عدت الايام والسنين . وتخرجت من الجامعه . والان صارلي سنتين متخرج وموظف وراتبي محترم الحمد لله
والان امي وخواتي يدورون لي بنت الحلال ..
وبنت خالي ما اذكرها الا بكل خير وادعي لها بالتوفيق .. وماشاءالله جاها بنت و ولـد يشبهون لها

وعلى فكرهـ اكتشفت فيني شي .. اني كل ما اكبر كل ما صرت قنوع اكثر وما اتشرط كثير بالزوجه
اهم شرط انها تكون اخلاقها عاليه وجمالها معقول .. يعني تسعدني بحياتي معها
من زمان اول ما دخلت الجامعه كنت اذا شفت عشر بنات صغار ما تعجبني الا وحده بينهم .. كنت ادقق بالمواصفات
الحين اذا شفت عشر بنات صغار كلهم يعجبوني. البيضاء والسمراء والسمينه والنحيفه.. كلهم يهبلون
ما ادري بس اتوقع كل انسان اذا كبر تزداد قناعته


وبنهاية السالفه ابي اوصلك اني انا الان مب نادم اني بنت خالي راحت .. لانه هذا اللي كاتبه ربي
انت اهم شي استخير قبل ما تسوي اي خطوهـ

بالتوفيق لك يارب .. وعقبال ما تنجح وتتخرج وتتزوج
الله يوفقك اخوي

احجز يعني اخطبها قبل ما تطير عليك وتندم وكمل دراستك

سلام عليكم والله يا اخي انت حقيقة انسان لا يوجد كثير

بالنسبة لي ما ادري حاسس اني ما راح اتزوج اللي هذي البنت قصتك شبيها لي تقريبا

ما لي الا الدعاء والله كل يوم ادعي ان ربي يكتبها لي لو فيها خير

بنت خالي في نفس عمري و هي الحين خلاص اخر سنة وباقي كم شهر وتتخرج

اما انا تأخرت في الدراسة بسبب والدي الله يهديه

وتوني سنة اولى مخلصها دخلت ثانية يعني حكاية حق 3 سنوات واتاخرج

بالنسبة اني اكلم امي علاقتي مع الوالد والوالدة ليست مبنية على التكلم مع البعض يعني مشاكلي احلها بنفسي و كل شيء انا بروحي اسويه

فصعبة جدا المشكلة اني كم مرة قلبي يقولي ارفع السماعه وكلم البنت وقولها اني احبها بس احس راح اسوي غلط فظيع

الله كتب اني اتاخر كم سنة بس قلبي وش اسوي فيه

والله صعبة افكر هذي لو بنتي ترضا طالب يعلقها و هي خلاص على وجه زواج و في ناس جاهزة

صعبة

انا كتبت الموضوع بس حتى افرج همي لاني مو لاقي احد اشاركه في الهم

الله المستعان العائلة كل واحد نفسي نفسي

ربي لك الحمد بس

عذرا اختي اميرات انا ضد رأيك تماما

يا أما يكون فيه ارتباط رسمي او ما يكون فيه ارتباط

كلام الحريم في هالأمور مايجيب الا المشاكل

الموضوع غير أي موضوع آخر

لازم يكون فيه جديه أكثر حتى بين الاخوات والا بين الاخوان

تفاديا للمشاكل

وليه يكون سر مايدرون عنه الرجال

نفرض ان الامهات اتفقو مثل ماقلتي

وكتب الله وتقدم للبنت رجال كفو وعاجب والد البنت

وش بيكون رد أم البنت

صدقيني هالطريقه ما تجيب الا المشاكل سواء بين العائلتين أو بين الأم والأب




وانت اخوي اشوف انك تفاتح امك بالموضوع مباشره وتبين لها مشاعرك للبنت ومانت خاسر شي

ان وافقو اهلك وكلمو اهل البنت فهو الخيره لكم

وان ما رضت فهو ايضا الخيره لكم

وتوكل على الله مع الأخذ بالأسباب

ولا تتوقع ردة فعلهم وانت ماجربت لان هذا الموضوع غير عن كل المواضيع

وفي مجتمعنا اختي وخالتي وانا انخطبنا لفتره اقل شي 3 سنوات مع العلم ان هذا الشي مو بالعاده يصير عندنا

لكن الي يخطبون رجال ينشرون ويكونون بمثل حالتك الي يدرس والي توه ماكون نفسه والحين كلنا متزوجين والحمدلله وما فيه احد مننا ندم على طول فترة الخطوبه

وانت من موضوعك احس نيتك حسنه وضميرك حي وربي يعطي على قد النيه

وكويس انك ماكلمت البنت خل موقفك سليم ولا تطيح في المحظور وخلك رجال بنفس كبيره

الله يوفقك اخوي ويرزقك باللي تسعدك وتسعدها دنيا وآخره سواء بنت خالتك أو غيرها


وبالنسبه للأخ البراء مااقول الا الله يرزقك بالبنت الطيبه مثلك وأحسن الي تسعدك وتسعدها دنيا وآخره ويرزقك بذريه طيبه مثل امهم وابوهم ويفرحك فيهم يارب

والله من ردك احسك رجاااااااااااااال والله ونعممممممممممممم

ولو عندي بنت عرضتها عليك





الله يوفقكم أجمعين ويشفي مرضانا ومرضى المسلمين

دعواتكم لابني بالشفاء العاجل

كلن بيأخذ في الدنيآ نصيبه ..
اذا كانت البنت لك صدقني قصر الزمن والا طال بتكون لك ..

الحين كمل دراستك .. وتوظف ..

بتقول احبها !!


كلنا حبينا وصبرنا وراح هالحب مع الايام ..وهو شبه اعجاب يعني توك ماغطست بالحب ..




اتمنى لك الخير .. وعساها تكون من نصيبك لو كانت خيره ..




دمت بحفظ الرحمن ..

انا اتفق معاك تماما عشان كذا ما ابي ادخل امي في السالفة يا إني اكون رجال و اروح من عند الباب مثلي مثل غيري اما كلام الحريم بيجيب مشاكل


والله يشفي ابنك ان شاءالله

المشكلة يا اختي الكريمة دراستي في الخارجي تضغط علي عاطفيا ومعنويا يعني انا اعرف ناس ماشين بالحرام خويات و سوالف الله لا يبلانا

عشان كذا قاعد افكر في الحلال الزواج

اما بالنسبة للحب فصدقني هناك قعدت سنتين واول ما رحت عانيت مع البنات لاني رايح مجتمع منفتح يعني البنت تسولف معاك مرات انجبر اني اسوي مشروع دراسي مع جروب فيه بنات

وانا طالع من بيئة ما اعرف فيها بنات غير الوالدة و اخواتي فلا تتخيلي حجم الضغط الموجه لي

اما بالنسبة للبنت فوالله والحق يقال هي كل ما اتمناه فيها و الله يكتب لي و يكتب لي اللي فيه الخير

لو هي لي باخذها و لو مو لي ربي كاتبي لي شيء ثاني

بسب حاليا شعوري نحوها من جد عجيب جدا مع اني شفت بنات كثير اما هذي ما ادري كيف

ربي يسترنا برحمته بس جميعا

شكرا لكي على المرور على مشكلتي