والله الموضوع لا يستحق ردود فعل اصلا

خاصة لو كان غير متكرر

لو الزوجة كل يوم بتطبخ اكل شهي

واجا يوم خبصت الطبخة شو صار؟؟؟


الي بصير معي زوجي بدوقها وبعمل حركات بوشو تدل انو مستغرب بعدين بسالني ليش هيك طعمها

بقول مالها

بضحك وبقلي ولا اشي يسلمو ايديكي

بياكل شوي وبخلص وبغسل وخلص

يعني وجبة وبتمرق والسلام

يوم ومع السلامة مش مصيبة ولا كارثة

يمكن يعتمد على مهية سوء الطبخة

واتوقع مفروض اسوا ردة فعل انو ماياكل ويقلها اعمليلي سندوش ولا شي سريع

ولو زوجي قلي صرفيها بدي اكل من المطعم

زوجي مابقول هيك ولكن لو قال هيك باسلوب عادي قلي شو رايك نجيب اكل من برة

اوكي

ولو قالها بطريقة سيئة وتعصيب حزعل كتير اكيد


بس صراحة والله الموضوع مش مستاهل زعل

والرجال الي بزعل وبعمل قصة عطبخة خربت مرة من المرات معلش واحترامي للجميع

واحد بطران ويعني تصرف تافه ونكران للجميل زوجتك كل يوم بتعمل اكل زاكي

عاليوم الي غلطت فيه تتنكر لكل طعامها اللذيذ؟؟؟

ولا هوة دايما هيك الناس بتوقف لبعض عنكشة بسيطة وبنسو كل شي منيح وبتزكرو الحدث العاطل الوحيد



طبعا يعتمد عالعلاقة بين الزوجين لو كانت حياتهم سعيدة متفاهمين ما حتكون ردة الفعل سيئة

لكن لو علاقتهم سيئة اكيد الزوج بكون مستني اشي عشان يعمل خناقة

لانو هما اصلا زعلانين وبتكون الزعلة اصلا مش عالاكلة انما من خلافات سابقة وتراكمات

__________________