حبيبتي الله يسهل عليك
دامك تفتحين النت وتقدرين تكتبين وتردين معناها
أن هذي مو الآلام ولادة ..
أنا ماأبي أخوفكم أنتي وفراوله ...
بس الألم الي يجي ويروح هذا اسمه سواليف يعني عادي
حتى الحامل بالطفل الثاني والثالث تبدأ تحس بهذي الالام من الشهر السابع
صحيح أذا نزلت مويه أو حصل نزف تروحين فوراً لكن الافرازات الخفيفة عادي
المويه تندفع بقوة يعني كأنك عاملتها على نفسك فهمتيني ...
عموماً 2سم يكون مفتوح من أول التاسع ..
كثري مشي أمشي قد ماتقدرين
كثري سوائل .. وأهم شيء مايكون عندك أمساك
نصيحة للاخوات البكريات
وقت الولادة لاتصرخين حاولي حاولي قدر المستطاع
اذا خف الالم ادعي ربك بإذن الله أن الدعوة مستجابه في ذاك الوقت
اذا قربت الولادة أكتمي نفسك وادفعي بدون صراخ صدقيني هذي تعجل بخروج البيبي
في ولدي الاول كنت طول وقتي أصرخ بصوت عااااااااااالي وكل المستشفى سامعني وطولت مرة مرة
ووتقول لي الطبيبه أكتمي نفسك ولااسمع كلامها أكتم ثانيتين ثلاث وأصرخ
آخر شيء جت عند رأسي وقالت أنتي تعبانه والبيبي تعبان من طول الطلق أكتمي نفسك قد ماتقدرين وراح تخلصين
وحاولت وفعلاً أول مرة ماقدرت الثانيه الثالثه والحمدلله ولدت
في حملي الثاني طبعاً تعلمت
كنت في التاسع أطلع أمشي وأحاول أكتم نفسي وأنا أمشي يعني أخذ نفس طويل أتدرب على الولادة كل يوم كذا
والحمدلله رب العالمين حسيت بالفرق صحيح أني تعبت بس موزي الاول
يعني أنتوا تدربوا من الحين على أخذ نفس طويل
ووقت الولاده اذا بدأ الدفع أدفعي وأنتي كاتمة نفسك
اتمنى انكم فهمتوا واستفدتوا ...
**الله يفرج لكم ويهون عليكم يارب ويرزقكم بالذريه الصالحة السليمه يارب
دعواتكم
__________________
من القلب كل الشكر لك بكر الشايب والله يرزقك ماتتمنين
29-05-2009, 12:43 AM
ضوابط المشاركة
العرض الشجري