خيرت زوجي من رجع من الشغل لانه مسكين كان خفر الامس
و اختار التكه ومو معقولة اسوي بس تكة لان الجهال احس ما يشبعون بالتكة
راح الغالي ينام واركب سيارتي واروح اشتري لحم وليه واجيبهم للبيت واثرمهم على ايدي (لان ما استنضف ثرم السوق)
بعد ما شيشت الكباب حطيت شوي بالفريز لان الدنيا حارة
وخليت الشغالة تجهز المنقلة و شويت (انشويت اني والكباب لان الدنيا نااااااااااااااااااااار) والتكة حطيتها ورة الكباب وكعدت زوجي حتى يلحق عليه وهو حااااااااار بصراحة روعة
بس تدرين الدنيا حارة واني ما اخلي الشغالة تساعدني بالشوي اكول مسكينة اني مشتهية كباب هي شنو ذنبها
المهم النتيجة كالعادة تخبل بس لازم اعترفلك بشي اني بالعادة احط بقدونس اليوم حطيت كلش شوي وطلع اطيب المرة الجاية راح اسمع كلامك واشيل البقدونس تماما اخليه بس بصل
تسلميييييييييييييييييييييييييين على افكارك
06-06-2009, 07:29 PM
ضوابط المشاركة
العرض الشجري