كيف أنصحها برفق ولين؟ - منتدى عالم الأسرة والمجتمع

08-06-2009, 04:58 PM

#21

ريم الاوطان

كبار شخصيات المنتدى

تاريخ التسجيل: Aug 2008

المشاركات: 1,861

احم السلام عليكم ورحمة الله وبركاته ..~ْ

بما انها قريبة من سني جداا ،، وبما اني خالطت مثل هالعقوول المختربة جدا ،، اذن ببدأ اتفلسف عليييج جدا ...

اولا واهم شي و قبل كل شي ،، لازم تتأكدين ان طبع البنت مب عدوواني ابدا ،، عشان ما تضررج في يوم من الايــآم ،، خصوصا اذا استوى شي وما عجبها منج ...انزين كييف اتأكد؟؟ اممم انا اقوولج كيف ،، عطيها موقف وحده انغلط عليها او اتحس انها انظلمت وسأليها لو كنتي مكان هالشخص شوو بيكوون موقفج ،، ان قالت لج بنتقم او بأذي او ..او ...هنيه انا اقوول شردي بقشوورج وسلمي..

اما لو شفتي ردة فعلها مساالمة ،، اذن اتبعي الخطة التااااليــــــة :

* اولا تكلمي معها باستمرار وسولفي معها بدوون ما تحسسينها انه اللي اتسويه غلط..

* كلميهاا عادي وحاولي انج اتفيدينها اكثر ،، الين ماا تتعلق بج .. وتحس فعلا انه في حد مهتم فيها..لان موقف امها وابوها ما يبرر لها انها ترمي بنفسها الى التهلكة..

* والحين عقب ما خلصنا الخطوة الاولى والثانية ...بتكوونين اقرب لها ، اذن حاولي اتشووفين الثغرات في سوالفها وموااضيعها ..وكلميها فيها على طريقة الاستغراب بدون الاتهاام ،، لا تحسسينها ان اللي اتسوينه يا فلانة في غلط ..

* حاولي تعطينها النصايح كطلب وتشوويف وتذكير دون الاتهام ْْْ~> اكررها ..

* اغريها ،،مثلا قولي لها يا فلانة انتي بس جربي وان ما عجبج ع راحتج ..

* ابدا لا تحسسينها انج منزعجة منها في شي او مصدومة فاخلاقها ،، لا لا حسسيها انج طبيعية يا فلانة بس هالاموور اتشووهج..

* مبدأ انج تلزمينها بشي او اتجبرينها عليه ابتعدي عنه ..

* ان شفتيها بدأت تتجاوب معاج ..اهنيه ابدي معاها بالنصيحة الصريحة ..وهيك ،،

شوو رايج فيني .. ان عجبج هالشي قولي لي وانا اتفلسف كمان وكمان ..
دمتي بوود وجزااج الله خير فيهاا..

__________________

يـآ حي يـآ قيـوم , برحمتك أستغيـث , أصـلح لي شـأني كـله, ولا تكلنـي إلى نفسـي طرفـة عين, أو أقل من ذلك .’

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 10:52 PM.

روابط سريعه