اشكرك اختي زهور الدعاء
على كل كلمه كتبتيها وانا متاكده انك ماتجاهلتيني .. انا متأكده من محبتنا لبعض الحمدلله على كل حال
بخصوص الجنين انا زيكم والله مستقرفه بطني .. والافرازات بدت تنزل لونها احمر واسود ... وانا خايفه من اللون الاسود هذا .. احس انه دم قدييييييييم ولازم مايجلس اكثر لكن دكتوري مصر انه لسه بدري وخليه ينزل لوحده ... ويوم الاحد بيكون الموعد النهائي .. يعني بعد بكره ... وقال لي الاقيه في الطواريء واطلبه وهو حيجيني ونعمل اللازم ...
ماكذبكم خبر .. على قد ما انا زعلانه .. على قد ماحسيت انه ربني يحبني ... والله بدون اي مجامله او تداعي بالقوه اقول هذا الكلام .. لاني حسيت ان الله حب يهديني شيء لاخرتي .. الله يعفو عن كل اخطاءنا ويسامحنا ... والحمدلله
الوقت ان شاء الله قدامنا طويل والايام الجايه والزعل بدري عليه ... الحمدلله اعرف صديقتي اجهاضين ورا بعض وبعدها حملت بخالد ابنها .. ولدت ست شهور والا هي حامل .. لا واللي يضحك كانت تبكي تقول ماعندي وقت اربي هذا واحمل بهذا ... وانا مستغربه واذكرها يوم اجهضت كيف كانت نهاية الدنيا عندها وتبكي ... ويوم حملت فجأه كمان بكت
هههههههههههههه دنيا غريبه

احس هذا درس لي ... وعضه لي ...

والله لو اقول لكم في الطواريء قدامي كانت وحده زيي بيبيها ميت في شهورها الاولى وتبكي ... وجاتنا بعدها وحده مسكينه قاعده على كرسي متحرك وبطنها كبييييييييييير قدامها ومغطيه وجهها وتبكي ولما الناس اللي بالانتظار سالو انها قالت .. ان امس كان البيبي يتحرك .. وفجأه نزل ماي .. والبيبي وقف حركه ... وقالو لنا مافيه نبض

كانت المسكينه بكريه (يعني اول فرحتها) .. وفي الشهر الثامن .. يعني كانت تنتظره بشوق وكان فايت الكثير وباقي لها القليل .. وتشوفه وسبحان الله ماكتب لها انه يعيش

حسيت يابنات ان كل هذا درس لي اني احمد ربي اني ماشفته ولا حسيت فيه يتحرك ويكبر في بطني ...

الحمدلله على كل حال
اللهم اجرني في مصيبتي واخلف لي خيرا منها
واجرهم في مصيبتهم واخلف لهم خيرا منها

والله يفرح كل من تتمنى يارب

__________________
اللهم بارك لي في ابني وارزقني خيرا
الحمدلله رب العالمين

حلومة ما ادري ايش الصح بس قريب صديقتي اجهضت بالضبط لما اتمت 3 شهور ومرررة ما كنت حابه تسوي تنظيف تقولي عن خبرة بالتنظيف انه تحسي بعده انك مفتوحه ومليانه هوا ببطنك ومرة ماتحسي براحه عن نفسك واحساسك غريب عن نفسك وانو متعب جدا ومجهد ..وظلت تشرب قرفه ورشاد وتحس انها نظيفه لا دم ولا شيء بعدين صار دم اسود وافرازات ودم احمر بعدها بكم يوم في ظرف ساعات صار فجأة مغص وبدأ يقوى وزاااد لين صار قوي وانفك الكيس من نفسه وبعدها نزلت قطع ورى بعض ولكنها كانت مهتمة تفتش كل شويه في الكبنيه (كرسي الحمام)لين لقت حاجه بيضا صغيرونه وشالتها لقتها الجنين ...رفعتها وبعدها راحت للدكتورة ولقت انو كل شيء خرج وسوت تصوير في التلفزين الكبير لحتى تتطمن والحمدلله
لو دكتورك شايف انو ينزل لوحده احسن خليكي معاه ..
ورايك سليم انك تظلي في المستشفى الحكومي لانه ما يهم الكسب المادي ...
والدم الاسود يعني بدأ الجنين ينزل بدأ يتحرك الرحم وانتي اكيد تطولي لانك اخذتي مثبتات..
الله ييسر امرك ويكتب لك الخير ..

__________________
قال صلى الله عليه وسلم: "ليس شيء أكرم على الله تعالى من الدعاء"
اللهم اني اطمع في مزيد رحمتك علي وعلى اخواتي في الله فرجا ورزقا يارحمان