حبيبتي ميني انا امي تقريبا كانت نفس امك وكانت دايما تعبي راس ابوي اذا جا من دوامه وطبعا واحد يكون جا تعبان ويحصل وحده تغريه علي يقوم يضرب فيني ضرب لا يعلم فيه الا الله اروح المدرسه ثاني يوم كل جسمي مطبع وصديقاتي يبكون علي ويقولون هذولا مو اهلك اهربي من بيتك وتعالي عندنا ايش العالم ذولا وانا كنت صابرة واكتم وابكي لحالي واقول ربي بيفرجها غير الحرمان من الاكل ايام وليالي لا فطور ولا عشا حتى اللبس تخبي الجديد وتعطيني القديم وطرد من الغرفة انام عند باب البيت تخيلي والمشكلة اني الوحيده والكبيرة والناس في نظرهم اني مدلعة بالعكسي اخواني الصغار هم ماخذين الدلع كله
طبعا كل يوم ضرب واهانات وكلام ماينقال اسمعه كل يوم حتى بنات الشوارع مايسمعونه واصبر وابكي لحالي جاتني حالة نفسية ليومك هذا وانا متزوجة وعندي ولد صحيح معاملتهم تغيرت معاي 180 درجة والحين حسيت قعلا انهم اهلي مو اول كاني بنت حرام بس مافي فايده كل مااذكر الماضي ابكي ولو تعملي بحث باسمي بتعرفي الحالة اللي اعاني منها بمواضيعي
وتقريبا نفس حالتك تجي لحظات افرح وانبسط بس في نفسي فجاة اقول يمكن وراها بلاوي هالفرحة غريبة انا مبسوطة وارجع اتنكد بسرعة
الله يكون في العون اختي بس انا الحين الحمدلله لان معاملتهم معاي تغيرت تحسنت حالتي شوي وصرت ماتذكر كل يوم الماضي صرت اتناسى شوي
انتي كيف الحين معاملتها معاك بعد ماتزوجتي ؟
الله يشفي ابوك ياااااااااارب ويشفي ابوي وجميع المسلمين يارارحم الراحمين

__________________
اللهم لك الحمد حمدا كثيرا

السلام عليكم

اختي أسأل الله ان يخفف عنك و عني معاناة الماضي اللي يحاصرنا


انا بعد لما افرح اتذكر ان الفرح مو لي انا ... لازم يجي شي يخرب هالفرحة و ارجع اتنكد من نفسي لنفسي .....


أما المعاملة تغيرت شوي بسبب غيلبي عنهم و احاول ما اروح لهم الا بالاسبوع مرة عشان عيالي ما يتعودون البعد عن اخوالهم ... و تخيلي اني مثل الغريبة حتى سهر ما اقدر اسهر عندهم احس انهم يتضايقون ... اذا دقيت تليفون اكون خايفة و مرعوبة و بس ادعي ربي ان مو امي اللي ترد ... و اذا ردت تشوفيني مرعوبة لحد ما أتأكد ان نبرتها مو زعلانة مني حتى لو ما مسوية شي ....