اه يا اختي اه

في ستات يتمنوا مكانك او حتى ربع مكانك او حتى ظل راجل..

كمان دكتور دي نعمة عظيمة !!

في ناس غيرك يتمنو زوج بصحة جيدة

في غيرك يتمنى يتمنوا بس بيت فوقيهم يلمهم... مش عارفة ليه البني آدم بيتبتر على النعَم .. وهي تحت رجليه ..

بكرة لما تفقديها تعرفي قيميتها

عادي انه يحصل فتور في مرحلة ما في الحياة الزوجية

وانتي وجوزك مطالبين بانعاشها

مش تنعشيها مع واحد تاني

خليه ياخد اجازة حتى ولو بخسارة وتسافروا شوية اي حته (مع زوجك طبعا )

ليه بتحاولي في حته تانية .. بتضيعي مجهودك على الفاضي ليه... بدل ماتوجهيها لأبو عيالك المستحق الاكبر

طيب سؤال هو الراجل ده متأكد ليه كدا ان مراته هتوافق انها تعيش معاه ؟؟

انتو كدا هتهدموا اسرتين مهما كان وضعهم في سبيل سعادة شخصين فقط

والغنى اللي هو فيه ممكن يقل جدا في ظل فتح بيتين

اللي واجع قلبي هي قلة الرضا والقناعة ... سبحان الله

جوزك دكتور ... يعني تعليم عالي وذكي

واكيد مكسبه كويس

واكيد في ريعان شبابه ... مافيش واحدة هترفضه ابدا ان ماكنش يتجوز بعدك بنت بنوت

ومتستغربيش لو اتقلب من الحمل الوديع للاسد الشرس في الوقت ده وحرمك من عيالك ( ده اقل حاجة ممكن تصدر منه في الوقت ده ) + حكم المجتمع عليكي بالسوء مهما قلتي انا مغلطتش ... غير منظرك قدام عيالك ...هتعيشي في عذاب مابعده عذاب

خلي بالك ان زميلك ده عشان شغال معاكي فانتي حاسة باهتمامه .. وجوده بس في الشغل هو اللي فارق عن جوزك على كلامك

بكرة لما تنسي الحاجات دي هتحسي بذنب .. غير طبيعي لمجرد بس انك فكرتي .. ياللهول

ربنا يكون في عون زوجك (المغفل) اللي لو صحي هتبقى نهايتك على ايده

ماتقوليش معملتش حاجة غلط بإيدي .. انت انثى راشدة عاقلة .. كل حاجة بتعمليها باختيارك وهتتحسبي عليها جامد اوي من مقلب القلوب ....

بصي لعنين اطفالك كويس .. هل يستحقوا منهم ان امهم تفكر كدا .. هل فكرتهم عنك هتفضل زي ماهي لو عرفوا بحاجة زي كدا .. هل هي دي وظيفتك الحقيقية ناحيتهم

__________________