أخاف الله يبتليني في بنتي
السلام عليكم ورحمة الله ..
صباحكم شمس و غبار
الحمد لله قطعت شوط طويل في مفاوضاتي مع الوالدة على قضية الشرق الأوسط
( اكمال نصف الدين بزواج التفخ المتين ) <<< الله يستر لا يروح النصف الثاني بالأول
و الحمد لله اقتنعت الوالدة بالمبدأ و سجلت الهدف الأول
و ردت الوالدة الهدف أني لازم اصبر إلين يسافر الهرش الي أكبر مني
و الحمد لله ما صدقت على الله أنه تحلحل و سافر
و بالدفدفة من بنات خالاتي الثنتين الله يرزقهن الأزواج الصالحين
شافت الوالدة بنتين ( بغير علمهم ) ، لازم تصير تمثيلية و تحضر الوالدة ضيفة شرف
عشان ما تحرج أحد و ما تجرح مشاعر أحد
طبعا البنتين رفضتهم الوالدة ، الأولى مغرزة في الدراسة شوي ، و الثانية ملامحها مب ناعمة.
اكيييييد بتقفل معكم ، وش شايف نفسك يالحبيب ؟؟
أنا ما أبي موصفات خنفشارية .. يعني بيضاء مابي و شقراء مابي وعيونها زرق مدري خضر مابي
و وحدة من مجاعة افريقيا مابي ، و وحدة أمها قشرى و أهلها متخلفين مابي. و وحدة متنحة مابي
مالكم بالطويلة ،،
الموهييييم ، ، الوالدة بعد هالمحاولتين استلمت بعدما سجلت هدف الفوز عليّ.
وأعلنتها صراحة دبّر عمرك!!!
تقول الوالدة : ما عاد أبي أشوف أحد ، أخاف الله يبتليني في بنتي ، و إذا ذُكرت ( بضم الذال ، فعل مبني للمجهول إلا أمي ) لك أي بنت رحت أنت و شفها .
أنا ما أدري كيف انقلبت الموازين و صارت نظرة الرجل للبنت أهون على البنت من نظرة أمه. و يحرم الشاب من الزواج بسبب أخته
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟
يــــــــــــــــااا الله عفــــــــوك و عافيــــــــتك
17-06-2009, 11:06 AM
ضوابط المشاركة
العرض الشجري