ازيك يا مصريه وربنا يتمملك علي خير:14:
فكرتيني بالذي مضي ورمضان في مصر
انا دلوقتي مقيمه في بلد اجنبي وعدي عليا 2 رمضان يعني مقلكيش
نرجع لاول رمضان ليا بعد الجواز كان من 6 سنين:14::14:
يااااااااااااااااااااااااه انا ليا 6سنين متجوزه ولا زمان
كان والله رمضان رائع اول يوم فطرنا عند حماتي وتاني يوم عند ماما
الواحد اتعلملوا كام صنف حلويات مقلكيش بلح الشام والزلابيه وغيره ومع العلام كام كيلو زياده في الوزن
انا ولله الحمد الطبخ مكنش مشكله لاني يعني حم حم بيقولوا عليا شاطره في الطبخ من قبل ما اتجوز ودايما كنت باصنف في الفطار وحلويات كل يوم بوري جوزي شطارتي
انا كنت بروح اصلي التراويح في المسجد وكمان اخر عشر ايام التهجد وده كان من احلي الاوقات
كانت اغلب الخروجات مع صحابنا واحلاها لما اروح لماما لاني انا مرتبطه بيهم خالص
بس في رمضان ده قعدت عشر ايام في بيت بابا لان
جوزي سافر سوريا مؤتمر وكانوا ايام حلو طبعا العيال اخواتي استغلوا الفرصه وسابولي المطبخ قال ايه وحشنا اكلك نصااااااااااااااااااابين
والحمد لله كل رمضان باختم القران مرتين
وعمري ما انسي موقف حصل معايافي اول رمضان
انا وجوزي بعد ما رجع من سوريا اتفقنا نعزم اسرتي واسرته علي الفطار وكانوا14 واحد و2اطفال
والحمد لله رفعت راس جوزي وماما وعملت اصناف كتيره لوحدي من غير ما اي حد يساعدني
فين الموقف؟؟؟؟؟؟؟؟؟؟؟؟؟؟؟؟؟
ان العزومه كانت اااااااااااااااااااااااااااااااااااااااخر يوم في رمضان

تقولي سبنا كل الايام ومفتكرناش غير نعزمهم اخر يوم ذكااااااااااااااااء

يعني ليله العيد المفروض الواحده قاعده متزوقه ومدلعه وانا في المطبخ بين الحلل والطبيخ ذكااااااااااااااء
وكتر خيرهم اخواتي غسلوا الصحون بس بعد ما االاهل مشيوا فضلت انا وجوزي نرتب في البيت ودي كانت اول مره جوزي يساعدني لانه شاف يا عيني اني انا كنت مرتبه وموضبه البيت قبل العزومه والدنيا اتبهدلت
ودي كانت اخر مره نفكر نعزم اي حد في اخر اسبوع في رمضان

رغم كل التعب كان من احلي الاياااام في رمضان


ان شاء الله هعمل فكره النجوم والهلا بالورق الملون يمكن نحس برمضان في البلد الكئيبه الي احنا فيها