عزيزتي ثبات

اااااااااااااااااااااااامين الله يجزاك خير على الدعوات ويسعدك يااارب ..
الحمدلله اليوم كان اخر اختبار عندي ..
جاية دايخة وربي بس قلت ادخل اتطمن عليك
حبيبتي فيه من الحالات النفسية لها اعراض مثل ماذكرتي يطف بالشي فترة وبعدين يتركه و ايضا ممكن يكون عنده رغبة في شي او موضوع معين واذا فتحه مع اللي حوله ولاحظ انهم معارضين انه يسوي هذا الشي ممكن تصير عنده حالة عناد وحتى لو بالاساس ما كان عنده الرغبة الشديدة بانه يسوي هذا الشي الا انه بعد معارضة من حوله يزيد عنده الرغبة فيه اكثر ويصر عليه بشكل مفرط..

انا تفسيري لحالة زوجك احتمالين
الاحتمال الاول انه ممكن زوجك مايعاني من اكتئاب بل كما ذكرت مرض نفسي بسيط والاكتئاب احد اعراضه
الاحتمال الثاني انه زوجك كان يعاني من اكتئاب وصرف له دواء وممكن الدواء اللي ياخذه له اعراض جانبية ظهرت عليه


عزيزتي ثبات معليش بكثر عليك بالاسئلة اذا ممكن تجاوبيني عليها :

- زوجك من متى يعاني من المرض اقصد الاكتئاب اللي قالو لك عنه ومن متى بدا بالعلاج ؟
- كيف ذهب الى دكتور وانتي الان تقولين غير مقتنع بالفكرة ؟؟ اذن من اين اتى بدواء الاكتئاب ؟؟
-اذا تقدرين تكتبين لي اسم الدواء كل الكلام اللي موجود على العلبة بالانجليزي؟؟
-زوجك يشتغل الان ومواضب على وظيفته عادي ؟؟؟ انتي ذكرتي انه انطوائي نوعا ما هل هو يعزم اصدقائه او اقاربه ام لايختلط باحد ابد والا هالشي صار بالتدريج ؟؟
-سؤال مهم ايضا هل لاحظتي عليه اي تغيير في النظافة الشخصية يعني هل هو صاير يهمل نفسه شوي والا يوسوس بالنظافة بزيادة والا طبيعي؟؟
- ايضا سؤال مهم جدا واتمنى الدقة في الاجابة عليه -->.. هل عنده اعتقادات غريبة ودخيلة ولايمكن تغييرها ولا اقناعه بعدم صحتها.. شلون اوضح لك هالسؤال امممممممم مثلا فيه مرض المريض يعتقد اشياء خرافيه ويصدقها مثلا يقول المباحث زارعين جهاز انذار في راسي ويراقبوني وراح يصيدوني بسببه !! او مثلا يقول فلان يتحكم بتصرفاتي ؟؟ او مثلا يعتقد نفسه شي عظيم اضرب لك مثال يا اختي على ارض الواقع بعض المرضى يدعي بانه هو المهدي الذي سينزل باخر الزمان ويقول هالكلام من قلب يعني مؤمن ومقتنع فيه!!
- ايضا هل يشوف اشياء ماهي موجودة بالواقع اويسمع اصوات غريبة ؟؟ ماقد شكالك من هذا الشي ؟؟
- هل ردود فعله العاطفية متغيرة كثير يعني مايفرح عندما يقال له خبر يفرح ولايحزن عندما يقال له خبر يحزن ؟؟

يمكن تستغربين اسألتي بس انا اعطيك امثله وانتي قيسي وقربي عليها

واي تصرفات غريبة ممكن تذكرينها..

على فكرة زوجك يشرب او كان يشرب ام انه كان يتعاطى نوع من الحبوب المخدرة مثل الكبتاجون ؟؟

وربي يوفقك ويشفي زوجك ياارب