حبيبتى ماما وحشتنى اوى اخر مرة شفتها من شهرين ونصف ومش عارفه هرجع مصر امتى مش قادرة اصدق انى مش هشفها كل الوقت ده وازاى هصبر انا خايفه مشوفهاش تانى
مواقف ماما حبيبتى كتير افتكر موقف كنت صغيرة وكنا بارة وغيبت عن عينها شويه افتكرتنى توهت منها بكت ودورت عليا وهى منهارة لحد ماشافتنى جريت عليا وحضنتنى جااااااااامد وهى بتعيط وانا مش فاهمة فيه ايه
موقف تانى اول يوم اروح فيه المدرسه لما رجعت فتحتلى الباب وحضنتنى وكانت فرحانه بيا لأنى كبرت وروحت المدرسه (فاكرة الموقف كأنو انبارح)
موقف لايمكن انساه لما جيت هنا مع زوجى فى الغربه وكانت ايام زواجى الأولى صعبه وكنت انا وزوجى زعلانين مع بعض وانا الغربه جديده عليا فضلت يوم كامل اعيط وانادى على ماما بصوت مبحوح من البكاء بعدين لما زوجى صالحنى وكلمتها فى التليفون عرفت انها فى اليوم ده كانت بتبكى طول اليوم وهتموت عليا(دموعى غلبتنى خلاص)
__________________
{ربي إَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ}
17-07-2009, 11:47 AM
ضوابط المشاركة
العرض الشجري