حني عليه وحني بس مو تشدين
واربطي الحمل بالسفر
يمكن تحصلين الروحه للبحر ع الاقل

__________________

أم مجد جمعي القرش على القرش من أول السنة بدون ماتخبري زوجك
ولو تدخلي جمعيات وتطلبي تستلمي دورك في موعد الإجازة يكون أفضل.


وتفاجئي أبو مجد بما جمعتيه لما تبدأ الإجازة وتعزميه على السفر على حسابك كهدية منك



















كيف الحال ياأم مجد وكيف مجد ؟؟

__________________

هههههههه

وأن شاء الله ياخذ الدراهم ويروح يسافر فيها مع خوياه ، ويخليها تكد على ها الجمعيه طول السنه صيف وشتا.

يا بنت الحلال صدقيني خلوكم واثقين ان الرجال اذا يبي يسوي شي لأهلها بيسويه والله لو على جثته وخصوصاً على قولة المثل ما يعيب الرجال الا جيبه.

انا ما ابي اقويكم على ازواجكم ، ولكن ابيكم تعرفون حاجه وحده ، لكل شي مفتاح، اذا عندك ها المفتاح بتاخذين الي تبينه ، واذا ماعندك والله لو عندكم كنوز الدنيا ماراح تحصلين الي تبينه.

شوفي افضل طريقه تتوقعين انك تقدرين تاخذين من زوجك الي تبين ، بكاء؟؟ ابكي ،، طلبات؟؟؟ لبي،، رعايه؟؟ شيليه على ريش النعام. وانا ما اتكلم على سبيل الحصر ، بل بشكل عام.

يعني شوفي هو وش الشيء الي لما تسوينه يطير فيك، سويه، اتمنى اني وصلت لك المعلومه.

صحيح ممكن بعض الرجال يكون ناقصهم كم قرش، ولكن صدقوني لما يبي يوديهم او يبي يوفر لهم شي صدقوني يبي يسويه ولو يصير الي يصير.

اتمنى وصلت فكرتي ، ولكن حطي في بالك حاجه ضروريه ، الي هو اسلوب المقارنات ، يعني شوف فلان واهله وفلان واهله وحنا فينا وفينا ، ترى هذا اكثر ما يغيظ الرجل ويخلي راسه حجر.

الله يوفقنا ويوفقكم

فعلا كلامك مقنع واصلا هذا الي صاير زوجي كل مره يتحجج
بالماده معقوله ولا مره صارت الماده تسمح

وفعلا لكل زوج مفتاح ومفتاح زوجي او الطريقه اتي احقق فبها مبتغاي لم اعرفها الى الان
بعد عشره 7 سنوات الله كريم
لعل الايام تكشف تلك المفاتيح ...

شكرا والله يجزاك خير
ومشكور كل من رد الله يجزاكم الجنه .....

ووصلنا لام جمانه
كيف الحال واشتقنالك
انا بخير لولا موضوعي
والله اني حابه اتسوق بمجمعات الرياض صاير اكسر الخاطر ما طلبت لندن والا تركيا ...

عموما سبق وقلت اني اسلفه بس اني ادفع الروحه كلها من عندي اشوي صعبه خاصه اني مو موظفه
لكن لو فعلا مسويتها ومجمعه وداخله جمعيات مو جمعيه مارضى
كل وحده تعرف زوجها
تدرين الي يقهره اكثر اني قلت له بذل نفسي وبروح مع اهلي
قال مجد ما تروح قلت مو مشكله انا بروح قال وانتي مو ضروري تروحين ...

الله يهديه ويارب اروح مكه حابه اعتمر السنه والله يلين راسه ويرضى ...
عموما هو مريض هالحين جايته فلونزا ما ادري من هذرتي ذيك الليله
قلت هالاسبوع نروح وانمرض مره وحده والله كسر خاطري الله يشفيه ....

هلا بأم مجد الحمد لله انكم بخير

وأنا قصدي تجمعي من الفلوس اللي يعطيها لك من عنده مو من فلوسك علشان مايزعل مثلاً اعطاك 100 جمعي منها عشرة أو أعطاك 500 ريال جمعي منها 100 وهكذا

على العموم المقدر والمكتوب هو اللي بيصير فلا تزعلي نفسك

ويمكن مرضه خيرة لكم بعد مايشوف إهتمامك به المكثف يلين ويوافق

وإذا أنت عارفة أن بالفعل ظروف زوجك ماتسمح فلازم تكوني بجنبه وماتحمليه فوق طاقته وماتحسسيه بأنه مايقدر يسعدك ويسفرك لأن هذا الإحساس صعب على الرجل ويمكن يخليه يعصب ويحس إنك أنانية ومايأمن لك ويخاف لو مثلاً لاقدر الله خسر ماله أنك تتركيه وماتوقفي بجنبه



ولا تطلبي منه تسافري مع أهلك إذا هذا الشيء يضايق زوجك ويجرحه بالعكس بيني له أنك معاه بالشدة واليسر ولايمكن تنبسطي من دونه وبأنك صابرة معاه في كل الأحوال لأنه عندها بيشعر بالثقة فيك وفي حبك وعندها ممكن يضحي بكل شيء علشانك


واصبري وربنا كريم وانظري لمن أقل منك ولاتنظري لمن أعلى منك

ناس عايشين في عشش طول عمرهم وراضيين برزق ربهم وفرحانين فاحمدي الله واشكري فضله
قال الرسول صلى الله عليه وسلم (انظروا لمن هم أسفل منكم و لاتنظروا إلى من هو فوقكم فإنه أجدر أن لا تزدروا نعمة الله عليكم) رواه مسلم


عزيزتي أم مجد زوجك من زمان يضايقه أسلوبك في النظر للغير فلاااااازم تغيري أسلوبك وتعيشي مع زوجك بدون ماتقارني أحد بحياتكم



شوفي كان أكبر همك الحمل والحمد لله ربنا أكرمك بفضله فامتعي نفسك بالتعلق بالله وإحتساب مرضاة زوجك لوجه الله عندها صدقيني ستشعري بسعادة بالغة وبأن الدنيا تافهة وبأن السعادة في التعلق بالله وسيسهل الله لك أمورك ويسخر لك الله قلب زوجك ويحقق أمانيك فما توكل على الله كفاه


سلامات لابو مجد ويارب يسعدكم ولايفرقكم ويهديكم ويصلحكم

__________________

أم مجد توني قرأت ردودك الجديدة


الله يهديك ياأم مجد هذه مشكلتك كل سنة تعيدين وتزيدين فيها كل ماسافروا أهلك قلبتي البيت على زوجك

ليش يابنت الحلال إلى متى وانت في نفس المشكلة تتعبي نفسك وأعصابك والمغص معروف عندك من القلولون العصبي وتتعبي زوجك معاك وماتحسسيه انك معاه


من زمان قلت لك حولي أيامك لسفر مع زوجك في الفترة اللي يكونوا أهلك مسافرين فيها

يعني جهزي في البيت شوي إذا عندك سطح أو بلكونة واجلسوا كأنكم في البحر افرشي الفرشة وجهزي سلطات الشوي واشوا سواء وبعدها جهزي الحلى (وترى أحسن لك في المكيف لأن الجو عندنا ولله الحمد رطوووووووووووووبة وحــــــــــــــــــر ماأدري كيف الناس تخرج وتتمشى)

ويوم ثاني قولي له ودنا نطلع برة نتعشي وجهزي العدة وثلاجة الشاي وانبسطوا

قولي له : سفر أهلي بيخلينا نبقى مع بعض أكثر وقت وننبسط مع بعض لوحدنا كأننا مسافرين

شوفي ياأم مجد أعيد واكرر مشكلتك أن زوجك ينقهر من مقارنة حياتك بأهلك علشان كذا يصر أنه مايوافق علشان يبغاك تبطلي هذه العادة وانت مصرة ماتبطليها وكل سنة تعيدي الموال
وتتذكري لما سفرك بعدها لوحدكم


صدقيني مفتاح زوجك انك تحسسيه أنك ماتقارني حياتك بأحد وتحسسيه أنك معاه في كل الأحوال وتحسسيه أنك ماممكن تتخلي عنه ولا تحسسيه أنه مايقدر يسفرك لأن الزوج لما ينجرح بيكابر ويعاند على الأقل يربح ورقة سلطته عليك


أم مجد الزعل والبكى ماينفع قومي الأن وتعوذي بالله من الشيطان واتوضيء وصلى ركعتين الضحى وروحي حطي لزوجك كمادات وإذا مافيه سخونة المسي رأسه كل شوي علشان يحس بك
وقولي له مو قادرة انام لأني قلقانة عليك

حسسي زوجك بحبك وحناااااااااااااااانك وحسسيه أن سعادتك بقربه في اي مكان
روحي الأن وقولي له ( أنا ماأبغى أسافر مع أهلي ولاأفكر أسافر إلا بك لأني ماأنبسط إلا معاك سواء خرجنا أو جلسنا في البيت لأن أسعد أوقاتي بقربك) وصدقيني بيلين قلبه لك ويحن عليك

زوجك طيب وطيب جداااااااااااا ( أعرفه خبرة كم سنة في المنتدى تشتكي منه) ويحبك فلا تخسريه بوساوس الشيطان



وأكيد قال لك من قبل نفس كلامي أنه يبغاك تغيري أسلوبك وماتقارني حياتكم وحياة أخواتك بكم ) صح؟؟؟ أنا متأكدة ان كلامي صح


فخلاص إلى متى مصرة على أسلوبك!!!؟؟

__________________

زوجي يكره شيئ اسمه حنه
وحنينا ومافي فايده
لكن شلون اربط الحمل بالسفر
حنا نأمل من رب العباد ان يرزقني بالذريه الصالحه عاجل غير آجل
فالحمل مو على كيفي على كتبت ربي
لان معي ضعف شوي بالمبايض وحاله
عموما تبقى فكره مقترح
وقد اجربيها ....