حبيبتي كل الامهات بتيجي لحظات يفقدو اعصابهم على اولادهم
وبصراحة انت غلطتي لما ماعطيتيها السندوش لانها امك وتستاهل حياتك مش سندوش ماحتطير الدنيا
حسيتك بتعامليها انها اختك مش امك
انت ماعرفتي قيمة الا لسة لانك ماصرتي ام ان شاءالله تصيري قريب
بس انا يا اختي بقلك الام تستاهل كل الدنيا والله
لاني جربت الم الولادة والطلق عرفت انو فعلا الام تستاهل
بتخيل بكرة بنتي ولا ابني يحكولي هيك عشان سندوش حزعل موت صحيح انو بالنهاية ساندوتش
بس المبدا انو بعد كل السنين والتعب بنتي تبدي حالها علية
الام ياما حرمت نفسها عشان اولادها وشالت اللقمة من تمها عشانهم
تستاهل سندوش
ولو انو مثلا بنظرك كان منطقي اكتر انو تشتري واحد تاني
بس حرام تستاهل امك لهيك هية زعلت كانت تتمنى تحكيلها ولو يا ماما فداك حياتي وروحي هوة قليل عليك السندوش الدنيا كلها قليلة عليكي
حرام تحكي عن امك هيك كيف بتكرهك؟بتعرفي لو سمعتيها هالحكي حتجرحي مشاعرها كتير
مابتتخيلي اديش الامهات بتعبو فينا والله
يمكن امك بتعبر بطريقة غلط ومابتحسسك باللطف مثلا
بس والله انا بقلك عادي في كتير امهات كتير تصرفاتهم عصبية او قاسية لكن احن ناس في الدنيا
وانا بحس كل الامهات بتهمو بناتهم بالانانية مرات عادي
صدقيني امك عادية تموت فيكي وبتحبك ماتحكي هيك عنها الله يخليكي انت مو عارفة قيمة الام لسة
ببساطة امك بتحبك جدا لكن عصبية ومابتظهر مشاعرها طول الوقت
احتاجيها ولا امرضي بعيد الشر عنك حتلاقيها اول وحدة جريت عليكي
لاتقولي بكرهها والله انا زعلت من كلام
انا سافرت وتركت امي واهلي من غير شر
وكنت زيك احيانا اتخانق وازعل وابكي
بس الان بندم ندم عمري وبتمنى بس ارجع اقبل ارجلهم و ايديهم
الام غالية غالية غالية مهما قلتلك ماحتحسي بقيمتها الا لو بعدتي عنها حتعرفي شو كانت بحياتك
كف بتقولي بكرهها مابعرف
الله يهديكي
لاوضحلك اكتر ليش انا بدافع عن امك لانو ماما احيانا هيك تعصب و تحكي انانية عني او اخواتي
وتحكي كلام بزعل بس مابتعنيه طبعا
وكانت عصبية شوي
بس انا بشوف انو حذائها عندي بسوى الدنيا كلها
الام لو عصبت ولا قالت كلمة هيك ولاهيك مو لازم تعنيها عنجد
وبطلعلها تعصب عبنتها شو فيها
الله يهديكي بري امك وحسسيها انك بتفديها بروحك
ازا سبتك قولي الله يسامحك او اسكتي من الاساس
لما تروق راجعيها
وقربي الها مرة ع مرة حتروق العلاقة بينكو
بس اهم شي ماعمرك تقولي بكرهها
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت
22-07-2009, 08:25 AM
ضوابط المشاركة
العرض الشجري