انا عندي بنت وحملي كانت متعب والحمدلله على كل حال
انا كملت الشهر التاسع وزيادة 5 ايام على موعد ولادتي
قبل يوم ولادتي ب 3 ابام كنت اتعذب جاني الطلق في اول يوم خفييف مثل الم الدورة يروح ويجي كل نص ساعه ورحت الحمام لقيت دم خفييييييف جدا واليوم الثاني زاد الالم شوي وصار كل نصف ساعه ورحت المستشفى وقالوا لي مفتوح 3 سم ونوموني بالمستشفى وكنت اصيح لاني ماقدر انام وترجيت الدكتورة اني اطلع علشان امشي وكنت خايفة لان هذا اول حمل لي بس اليوم الثالث بدأ الفلم بين الطلقة والثانية 5 دقايق كنت اشوف الموت بعينه كنت اصيح صياح مع كل طلقة وناديت زوجي يقرأ على بطني قرآن بعدها اصر انه يوديني المستشفى قلت له لاااا مابي اخااف لاتخليني بروحي بالمستشفى اخاف ينوموني عندهم قال لا لاتخافين برجعك البيت لو مافي ولاده بعدين رحت بس ماكنت اقدر اتحرك على طول حطوني على كرسي متحرك وفحصوني لقوا انه مفتوح 6 سم قالت الدكتوره على طووووول دخلوها ولاده قلت لها لااااا برجع البيت وكلهم ضحكوا علي قالوا لا مايصير المهم دخلوني الولادة وكانوا يراقبون الطلق بس مازاد لاني كنت خايفة ماصبروا علي وبعد ساعه عطوني طلق صناعي وفتحوا ماي البيبي وحسي ان الماي خلص وللحين مب راضين يولودني كان مفتوح 9 سم والراس طلع وهم يقولون لي نطري شوي بعدين بنفحص عليك مره ثانيه قلت لهم ماقدر وانا اصاااارخ ماخليت اسم من اسماء الله الحسنى وقلته وكنت اقول لهم عطوني مسكن ومحد يعبرني لين اخر شي فحصوا على ورفعوا ريولي وقالوا لي يالله بششششششش وانا بششششش بس ماكنت اعرف كل شوي كنت اوقف ويقولون لي لاتوقفيين استمري بس ماكان فيني طااقه ابد والالم مش طبيعي تعبت تعبت مره ووحده من الممرضات حاطه نقطه على راسها وتقول لي قولي يارب ههههه واخر شي حسيت روحي طلعت لما طلعت بنتي حبيبتي وقطوها على صدري وتموا يخيطون وانا في عالم ثاااني دايخه وبعدها نمت شوي وصحيت بس ألم الجراحه عذبني عذذذذذذذاب ماخف الا بعد شهر

سوري طولت عليك بس ذكرتيني بأيام كأنها حلم ماكنت احس بشي

الله يسهل عليك يارب

__________________