اعتقد أن البنت فهمت خطأ بمعنى انهم فهموا انك تعمدت الاهمال في منزلك ليجبرك زوجك على عدم النزول لهم ..
ولهذا غضبوا ..

الجدال لن ينفع .. عليكي بترطيب العلاقة بالكلام الحلو المعسول ..
وتحري المناسبات السعيدة وقدمي الهدية يقول الرسول صلى الله عليه وسلم : (( تهادوا تحابوا )) ..
واكتبي لها بطاقة فيها من الكلام المعسول والدعوة بالزوج الصالح ..

اما اذا كان الموضوع سيزيد تعقيدا فاتركيه للايام فهي كفيلة بكل شيء .. وان شا الله مصيرها تتزوج وتتحسن العلاقة ..
اهم شي انك سعيدة مع زوجك يا الجازي ..
اللهم ادمها عليهم نعمة ..

__________________
-قاطع المنتجات الدنماركية والصحف التي تنشر دعايتهم ..
-ادعي على اعداء الاسلام والمستهزأين ..
- لابد ان نرفع قضية ليحاكم رئيس الوزراء - الملكة - الصحيفة ..
-لابد أن ينشر في نفس الصحيفة سيرة الرسول صلى الله عليه وسلم ..
-أن يفرد التلفاز الدنماركي برامج عن الرسول صلى الله عليه وسلم..
-والى متى يا امة المليار .. يارب متى نصر الله يارب احرقهم كما حرقوا قلوبنا على رسولنا وديننا

الجازي
انتي غلطانه من البدايه المفروض تخلين علاقتك معاهم سطحيه ماكان له داعي ابد تنزلين تساعدينهم من الاساس هذا اولا !

ثانيا حاولي تزوجين اخت زوجك وتفتكين منها على الاقل لمحي لها ولو ماهو صحيح لوول ووقتها راح تتغير خصوصا اذا حست انك تبين الخير لها وهي تكرهك راح تستحي من نفسها حتى لو كان الشخص غير مناسب لها انتي بس قوليها كذا وبتشوفين ! لووول

ثالث شي ام زوجك امرها سهل حاولي تشترين لها هديه باي حجه او مثلا تصلحين كيكه وترسلينها لها !! او مثلا جلابيه من السوق ! قولي لها انها عجبتك وانك شريتي زيها لامك وتذكرتيها لانها هي وامك نفس الحسبه !! صدقيني راح تحبك !! وتنسى اللي صار

رابعا حاولي تقنعي زوجك يصلح الامور ويقول قدام اهله انه هو اللي طلب منك ماتنزلي بطريقه غير مباشره ويحاول يعدل الامور بطريقته "هو عارف اكيد لسوالف اخته وامه"

خامسا خلي في بالك ان الغيره شي طبيعي خلي نفسك مكانهم كل وحده تغار خصوصا اخت زوجك وهي اللي زوجتك لاخوها اللي انتي في نظرها اخذتيه منهم وهي اساسا اكبر منك ولسه ماتزوجت فأكيد بتغار انا احس انها اول ماتنخطب راح تتغير بس المهم انك تكسبيها واذا شريتي لها هديه او خذتي رايها بموضوع معين او طبتيها تروح معاك السوق مثلا بتحس انك معتبرتها زي اخت مو عدوه

ابدي بالصلح والخير وانتي تشوفي

"الله يعينك ويسعدك "

وان كان على سالفه الاجهاض فحصلت لي انا برضو مدري وشفينا الظاهر شي بالجو منتشر بشكل رهيب

الله يعوضنا خير ربك كريم

رد الأخت طبيبة القلوب رائع... وأنا عندي لك نصيحة...
لمن تكتبي كرت على ذوقك لأخت زوجك... لا تكتبيلها فيه الله يزوجك أو يرزقك بالزوج الصالح... لأن أصحاب النوايا السيئة بيفهموها غلط على إنها شماتة !
أقول لك وش تكتبين أو تقولين لها...
شوفيلك يوم تجتمعين فيها... مثلا تطبخي معاها أو تنظفين معاها ( حتى ولو بعد حين )... وقوليلها...
تعرفي يا فلانة... والله إنتي لمن تتزوجي... زوجك بيكون محظوظ فيكي... ويمكن يكون أسعد زوج بالدنيا!!!!
صدقيني هذي الكلمتين تدخل في قلب كل امرأة!!!!!
قوليلها إنها بتكون الزوجة والمرأة المثالية... ومعليش إصبري عشان خاطر زوجك....

أختي الفاضلة... والدتي الحبيبة ذاقت كل ( كل ) كل أنوا الهوان والإهانة والعذاب من أهل والدي... لكنها كانت تحافظ على تصرفاتها ولسانها... وعمرها ما غلطت على أحد... مع أنه الجميع ينصحوها تدافع عن نفسها... لكن مع مرور الأيام والسنين... الوالد عرف مين الأصيل... ومين الصادق... والآن صار لهم متزوجين أكثر من 44 سنة ( ما شاء الله ) والوالد ما يقدر ينام إذا الوالدة مو بجامبه لأنه يحبها واتعود عليها... والوالدة ما تقدر تتعشى بدون ما ياكل الوالد...!!!
وهذا حب السنوات والأيام... حب التحديات والأعاصير...
اصبري واحتسبي أجرك عند الله... يقول الله عز وجل في وصف عباده المؤمنين ( وإذا خاطبهم الجاهلون قالوا سلاما )...
كوني جميلة الأخلاق عذبة اللسان... واهتمي بزوجك وحبيبك... تراه يستاهل إن شاء الله... ولا تهملينه بأي حال من الأحوال...
ولا تنسي الدعاء ... والله يوفقك... تراني أدعيلك من قلبي بالسعادة....
خالو ريان

__________________
إلى زوجتي.. إلى مقلتي.. إلى فؤادي...إلى بسمتي... إلى دمعتي... إلى وردتي وزهرتي ... إلى عشيقتي، حبيبتي، فارستي، أميرتي، إلى الروح والكيان... والحب والهيام...

إلـــى الـــغــــالـــيـــة...

تمنيت لو كانت لي ألف حياة... كي أختارك زوجة لي...مرة بعد مرة...
إلى أبد الدهر... وإلى نهاية العمر...