السلام عليكم...

شوقى للحبيب ... لما قرآت موضوعك وعرفت سنك افتكرت موقف انا مريت بيه من فترة كان مشابه للموقفك دة ... وضع نفسنا فى تخيل كبير مش صحيح ومش حقيقى بس مع هذا بنعيش فية وبنسمح لنفسنا اننا نضحك على روحنا بايدينا ، اولا ... موضوع اسمك دة بصراحة غريب اوى انت مش مشتاقه ليه ولا انت اصل بتحبيه او حبتيه اصل حتى لما كان خطيبك ومعاكى الموضوع انك زاى اى واحدة منا عاوزة تعيش حياتها وتتمتع بحب فى حياتها وخصوصا لو كان الامر مع خطيب مباح لينا تبادل المشاعر معاه وانت لسه ربنا ما اكرمش عليك بشريك حياتك الاى تحبية بجد وتحسى فعلا ان هو دة رجلك بجد

زاى ما قلت ليكى فى بدايه كلامى انى الموضع دة انا مريت بحاجة شبهه وكنت فاكرة ان فى شخص معين مش حاقدر اعيش من غير وان هودة الهوا والميا بالنسبة ليا بس بعد كدة اكتشفت ان كنت حاطه نفسى فى خيال كبييييييييييييييييييييييييير كل ما فى الامر ان كنت عاوزة اعيش التجربة انى احب ولو مع نفسى وبين نفسى زاى ما انت عاملة ، فكارى مرة تانية بس بجد وانت حاتعرفى انك معيش نفسك فى حلم غلط وخصوصا انك بتقولى انك ماحبتهوش حتى وانتم مخطوبين

حاجة كمان عاوزةاقوله ... بس ماتزعليش... 19 سنة دة سن داخل فى مرحلة المراهقة وطبعا دة مأثر على مشاعرك واحاسيسك وهو دة الاى ملخبط الامور عندك ... اصبرى على نفسك شوية وانا متأكدة ان شاء الله ان ربنا حايرزقك بابن الحلال الاى يسعدك ... ربنا يوقفك ان شاء الله ... معلش طولت عليكى كتير

اه صحيح قبل ما امشى حاول تغيرى اسمك وتكتبى اسم يعبر عنك انت بجد مش عن خيال انت رسماه