زوجة صديقي تحادث رجل اخر ما الحل ؟ - منتدى عالم الأسرة والمجتمع

28-08-2009, 02:41 AM

متزوج و لكن

عضو جديد

تاريخ التسجيل: Aug 2009

المشاركات: 20

زوجة صديقي تحادث رجل اخر ما الحل ؟

السلام عليكمـ ورحمه اللهـ

إلي اعضاء هذا المنتدى الشامخ

الشهر علينا وعليكم مباركـ وتقبل الله منا ومنكم صالح الأعمال

اسمحولي ابدأ علي طول وباللهجه العاميه ...

ابي اسرد عليكم معاناة صديقي

يا ناس قالي شئ وبصراحه استغربت لها الدرجة يعني

صديقي متزوج له سنه الحين

زوجته صارحته قبل فتره طويله بانها تشارك بالمنتديات وانها عضوة .. مشى الامر يعني شئ عادي تلهي نفسها بالنت شوي

اكتشف قبل فتره وليست بالطويلة ان زوجته تتكلم بالمسنجر مع عضو واتوقع المشرف العام الي علي هالمنتدى بصراحه انصدم ما يدري انهبل
يقولي ياخوي بغيت انهبل انا وش مسوي ... صاحبي اعرفه لاهوب راعي بنات يمكن من زمااااااان لكن تركهم من 3 سنين تزوج ليستر نفسه

لكن يوم اكتشف هذا ما يدري وش يسوي يقولي بالله انصحني .. انا تفأجات فها السالفه حتى السالفه يالله قالها لي

يقول استغفرت الله قعدت افكر في هالسنه الي طافت هل قصر معها بشئ
يقول ياخي مدري وش فيها هي ما تقصر من ناحية البيت وتحبه وتتصل علي كل ما تأخر بالدوام (لانه ينتهي علي 4 ونص )

بس مو هنا المشكله

هو يبي يعرف ليش يصير هذا

الشئ الثاني يقولي وش اسوي
وش الحل .. اهاوشها يقول اخاف اتكلم وانفجر يمكن اضربها اذبحها وش يدريني يمكن تجيبه البيت

قلت ياخوي اذكر الله ... انا أعرف ان زوجته من بيت محافظ ومستورين وبالعكس عائلة يفتخر الواحد

لكن يبي الحل
من ضمن السوالف
قلت ليش ما تعرف المنتدى وترسل لزوجتك رسالة باسم واحد ثاني
وحاول فيها بالكلام قلها كلام كبير .. يعني كيف انتي يا عضوة متزوجه وتتكلمين مع شخص غريب
هذا يمكن يفضحك ويخرب عليك بيتك
يقول الحل الثاني وش اسوي هل اكلم اخوها بس لو اكلم اخوها علي طول ابتركها وابخليها تروح لأهلها
بس يقول انا مابي اهلها يدرون .. المشكله ان صاحبي يحب اهل زوجته ...

أنا والله تعبت بصراحه أبي اساعد صاحبي

الطريقة الي عرف منها عن طريق سجل المحادثات اتوقع هالطريقه الي عرف منها

من الاشياء الي تكلم عنها يقول اوول شئ يا ارسل رساله علي ايميلها بس من دون ما اعلمها انها انا
الطريقة الثانيه الي قلت لكم عنها يرسلها علي اسمها في المنتدى

وش رايكم

ارجع واقولكم اذا صارحها انا اعرفه عصبي مرررررررهـ يمكن تطلع منه اشياء ما تنحمد عقباها

ارجوكم يالاعضاء علموني ارشدو صاحبي

واسف مرهـ ثانيه علي الإطاله
ابي منكم الحلول الاشياء الي يخليها تترك هالشئ
الرجال يحب زوجته ولا يحب يخرب بيتها من غلطه وهي بعد تحبه

نسيت شئ : من ضمن كلامه يقول انا اشك في واحد من اخوانها انه يغازل

اتمني ثم اتمني ثم اتمني مساعدة صاحبي هالاايام مهوب مرتاح لا في صيامه ولا حياته كلها

التعديل الأخير تم بواسطة daimound22 ; 28-08-2009 الساعة 03:16 AM السبب: تعديل العنوان

28-08-2009, 02:51 AM

اموت في اولادي

كبار شخصيات المنتدى

تاريخ التسجيل: Mar 2008

المشاركات: 1,940

قول لصاحبك بستعيذ من الشيطان ومايظلمها
ايش دراك يمكن تكلم احد محارمها ويمكن تكلم وحده مسجله باسم واحد وكثير بالمنتدى يسوا كذا وحتى على الماسنجر في الي تحب تدخل باسم ابنها او زوجها
حرام عليه يوصلها لها المواصيل
انا ضد وبشده انه تتكلم معاه بالخاص لو كان غير محرم بس اذابالمنتدى ومواضيع عامه مشاركه او رد هذا عادي ومافيه شي مجرد تعليق او رد
وممكن تكون زوجته مشرفه بهاالمنتدى وهذا سبب التواصل وحتى لو فانااعتبره خلوه
خلي صاحبك يتاكد بالاول
والله يستر على الجميع

__________________
اللهم لا اله الا انت سبحانك اني كنت من الظالمين

28-08-2009, 03:52 AM

noriin

عضو مثالي

تاريخ التسجيل: Aug 2009

المشاركات: 2,528

اولا ::ا>ا رجال اكتشف ان زوجته تخونه مايجلس يقول اعطيني حل ويستشير خويه
يتصرف من عقله ياقاتل يامقتول انتهى الموضوع

وش درااه انه المشرف مسرع تاكد من كل شي وش كان الكلام بينهم هي والمشرف على قولة خويك؟؟
يتكلمون في ايش؟؟؟
كدا على طووول فسر من عنده يقول زوجتي تكلم رجاااال
لا وكمان زوجته خاااينه فرضا ومايبي يقول لاهلها!!
غريب امره والله الرجال لاغار لايعرف زوجتي ولا شي على طووول ادا تأكد بيروح يقول لاهلها وانتهى الموضوع

خويك هدا شكله فااضي ماعنده سالفه وزوجته لاتخونه ولاشي
هو مريض

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

28-08-2009, 04:48 AM

مشكلة والله !

عضو مثالي

تاريخ التسجيل: Mar 2009

المشاركات: 640

حسبي الله على هالماسنجر اللي خرب بيوت الناس !!

!

__________________

ربي .. إلى من تكلني ؟! ,, ~

28-08-2009, 04:49 AM

عاشق الجواهر

عضو متألق

تاريخ التسجيل: Nov 2007

المشاركات: 646

والله وانا اخوك الحل انه يواجها بالمحادثة اللي بالماسنجر ويسألها ليه تسوين كذا قصرت معاك بشئ ؟

وهي ما خانته انها دخلت واحد لبيته او كلمته تلفون علشان يهذري بهالشكل

يشوف المحادثه ويسألها بناء على الكلام اللي دار بينهم و يقطع بادر المشكلة ويفصل الانترنت علشان لا يسبب مشاكل

حرام ينهي حياته علشان محادثة ما سنجر

28-08-2009, 06:44 AM

n_stu

عضو نشيط جدا

تاريخ التسجيل: Jan 2006

المشاركات: 284

السلام عليكم

المفروض ما يتسرع .. ان بعض الظن اثم .. يرجع لسجل المحادثات ويشوف طبيعة المحادثات اللي بينهم

وبعدين يجلس معها جلسه هادئة .. اذا اكتشف انها مكالمات عادية .. ويوضح لها خطر الموضوع

وبعدين ايش دخل ان اخوها يغازل ؟؟؟

ولا تزر وازرة وزر اخرى

28-08-2009, 06:57 AM

أم يوسف2

كبار شخصيات المنتدى

تاريخ التسجيل: Sep 2003

المشاركات: 8,245

لا يتسرع ... نص صديقاتي حاطين اسماء ازواجهم او اولادهم على الماسنجر ..
قد تكون بنت .... قد يكون احد محارمها ... لا يظلمها بدون مايتاكد

يدخل الماسنجر و يحول المحادثات و يحفظها .. و يقراها ..

ولو طلع انه صدق رجال .. يشوف نوعية لكلام .. اذا فيه نوع من الادب و مايتعدى ... يهاوشها و يبين لها غضبه و ضيقه من هذا الشي.. بس ماتوصل للذبح و الطلاق و و

لكن اذا نوعية الكلام كبيييرة و خارجه عن الحدود ساعتها لكل حادث حديث ...

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

28-08-2009, 12:45 PM

متزوج و لكن

عضو جديد

تاريخ التسجيل: Aug 2009

المشاركات: 20

أشكر الجميع للمشاركة في موضوعي

في البدايه أريد ان اشكر صديقي متزوج ولكن علي كتابة موضوع مشكلتي ابو بالاصح همّي

أنا صديق متزوج و لكن

أريد أن اتحدث بلسااني لا بلسان صديقي لأتمكن من الردود المباشرة لكم

مثل ما قلنا لكم

زوجتي تشارك في منتدى وماشاء الله عليها مشاركاتها فاقت 14 الف مشاركه

لا اريد ان اعلق شئ علي هالموضوع

ما قصرت معها !!! وش تبي عاااد هي أكثر من كذا

بخصوووووووص طبيعــة كلامها مع المشرف وكيف عرررفت

يوم من الايام دخلت علي المنتدى الي هي مشاركه فيها وعرفت من النك نيم انه مشارك بعد فترة طويله وبالتحديييييييد الاسبووع الي فاات اكتشفت من خلال سجل المحادثااااات انها تكلمه سووالف الي بينهم كأنه مياانه ما ادري يمكن عشانها تشارك في المنتدى وطبيعه المنتديات انها يبينووون الضحك والونااسة
وسوالفها معه كأنه عااايدي الي بااين من السوالف الرجال يبي يسحب كلالالام منها هي ما علمته انها متزوجه فيه بنت ثانيه بعد بينهم يعني شكلها عضووة او مادري

يالربع دلّوووني علمووووووووووووني وش اسوي يالربع ان قلت لها ليش بتقولي ليش تتدخل في اشيااائي
وانا ما علي منها ابهاوشها لكن عاااااااااااااااااااااارف نفسىىىى عصبي لو تتكلم ابقووم وابضرربها ضرب والله ان تتكسرر عقبها

يالربععع وش اسوي قلت ابرسل رساله الي العضوو حسبي الله عليه وجعله ترجع عليه في خوااته يارب وزوجته ان شاء الله يارب العالمين في هالساعه المباركه وهالشهرر المبارك

الله يهديهاا زوجتي ------- المشكله اني احبها وهي مهيب تقصرر تصييرر بيينننا مشاكل عايديه بس عاادي تصير عند احسن العوايل
زوجتي ملاحظ انها تحبني غير كذا لين قلت لها تحبيني تقوول انا ابيك بس تووني علي الحب يعني بديت اتعلق فيك وهذا ما اكذبها منها لاني ملاحظه لين جيت من الدووام ولا جيت اخذها من اهلها

تكفوون يالربع والنشامى وش تبوني اسووي

28-08-2009, 01:26 PM

صالح الخالدي

قلب المنتدى النابض

تاريخ التسجيل: Apr 2006

المشاركات: 191

الأمور هذي ما فيها انتظار

صل ركعتين وأطلب من الله السداد والرشاد في القول والفعل

ثم اجلس معها ومهد في الكلام وعرض ولا تصرح في البداية

كلمها عن موقفها منك أنت لو إعترفت لها بأنك كنت على علاقة محدودة ومحادثات بريئة مع وحدة من البنات

بعد جوابها وإظهرها لغيرتها وحميتها

فاجأها بمحادثاتها على الماسنجر

ثم أخبرها أنك تثق فيها وفي حسن نيتها

لكنك لا تثق بمكر الشيطان وبخطواته

وانك لا ترضى ولا تقبل أبدا بمثل هذا الأمر

وأنك لن تسمح بحدوثه وتكراره مرة أخرى حتى ولو وصل الأمر إلى الطلاق والفراق

وألزمها رغما عن أنفها بترك المنتدى وعدم دخوله ابدا

خذ معرفها وغير بياناتها داخل قاعدة بيانات المنتدى من بريد وكلمة مرور

ضع عنوان المنتدى قمن قائمة المواقع الممنوعة في متصفحها

لا تمنعها من استخدام النت لكن أشعرها أنك لست بمغفل

أكد لها وأظهر لها دائما أنك تثق فيها وفي دينها

لكنك في المقابل تخاف عليها من ذئاب البشر

وأنك ما فعلت ذلك إلا خوفا وحبا وغيرة عليها

__________________

ساهم في نشر المصحف كاملا بواسطة تقنية التورنت

كل ما عليك هو ابقاء جهازك متصلا بالانترنت

28-08-2009, 01:34 PM

#10

المتهندم

قلب المنتدى النابض

تاريخ التسجيل: Nov 2007

المشاركات: 827

لا يا خي لا تدعي عليه في خواته وزوجته لأن ما لهم ذنب
ادعي الله يهديه ويبعده عنك وعن زوجتك

والأعضاء يا خي ما قصروا عطوك حلول شف اللي يناسبك منها

وأنا صراحة يا خي مستغرب انك ما تدري الى الحين ايش تسوي مع انه هذا بيتك واذا ما اهتميت باصلاحه بحكمة وحزم راح ينهدم

وخذها مني نصيحة

المحادثة بين الرجل والمرأة اذا أخذت فترة طويلة ولو كان ما فيه كلام وحب بس ضحك ووناسة على قولتك راح يتطور لأمر أكبر وراح هي تتعود عليه وهو يتعود عليها وينتظرون الوقت اللي يتكلمون فيه مع بعض

علشان كذا اتصرف يا خي بحكمة ولا تخلي هذا الشي ما دام انك دريت عنه الحين انه يمر بدون وضعك لحد له

__________________
(إنما عند الله هو خير لكم إن كنتم تعلمون)
(ما عندكم ينفد وما عند الله باق)

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه