تر اها تتوحم .. ويمكن جلستها عند أهلها خلتها تحن لحياتها قبل الزواج .. يمكن كانت قبل الزواج متبرجة وأهلها يسمحون لها تخرج بدون إذن لأنهم عارفين وين تروح وواثقين من بنتهم .. ماراح يسمحو بالغلط .. بدون أدنى شك .. ترى والله بالتجربة .. أنا مريت بنفس الوضع .. كرهت بيتي .. وجلست فترة عند أهلي وحتى بعد ما خف الوحام .. صرت أحب الجلسة في بيت أهلي لأني حصلت دلع ورعاية واهتمام .. وبيت الزوج مسؤولية .. (يمكن يكون التفكير غلط لكنه مجرد شعور ورغبة)
كنت قبل الزواج مع إني ملتزمة ولله الحمد أخرج للتحفيظ أزور صديقاتي أخرج للسوق مع أخواتي أو أمي .. نطلع مع السواق يودينا مشاويرنا.. وهذا كله اتغير بعد الزواج .. ووالله أحن لذيك الأيام .. بس راضية وسعيدة بحياتي مع زوجي .. وأدور رضاه .. لأني متأكدة انه مامنعني من شي إلا وهو خايف علي ويحبني ..
والله مردها لك .. وأكيد جالسة تفكر في ولدها الجاي .. ماراح تقبل فكرة انه يعيش بدون أب .. وهذي نقطة تقدرو تجوها منها بطريقة غير مباشرة .. أختك تكلمها مثلا .. أو تكلم وحدة من صديقاتها توصل لها .. وحتشوف .. اصبر ولا تتعجل الطلاق