يقول المثل " كل فتاة بأبيها معجبة "
وبالتأكيد يلحق بالأب اخوانها وكل أهلها
بالنسبة لي ياليتها تتكلم عن اهلها بمدح والا ذم بس كله اسرار في اسرار
حتى في مرة صار بينها وبين احد منهم مشكلة ما علمتني وش طبيتعها ولا سالفتها الى يومك !!
إلى درجة اننا رحنا للشرقية تمشية في نهاية الاسبوع ولما وصلنا قلت لها اتصلتي على امك عشان تطمنينها اننا وصلنا ؟
قالت لا ، أصلا ما علمتهم اني بروح !! قلت ليش قالت ما بهم يدرون
لا أدري تخاف انهم يحسدونها ام انهم ينتقدونها على شيء معين
المهم ان أغلب الأحداث عند اهلها سرية للغاية واما أنا فبمجرد ما يتصل علي احد من اهلي ابي او امي او اذهب ازورهم واعود تبدأ في السئلة وش عندهم وش مسوين وش قالوا ، ، ليس للاطمئنان عليهم والسؤال عنهم فهي تستطيع الاتصال عليهم بنفسها لكن اللقافة الله يكفي شرها !!!
وخلاصة ردي انه ليس عندي مانع من حديثها عن اهلها لكن ليتها تحترمني وتقدرني كما تحترم اخوانها حتى الي اصغر منها تحترمه احترام شديد وتحسب له حساب كبير وهو أصغر منها في العمر وتستحي ان تطلب منه ابسط طلب وهو اخوها الصغير !! قبل ما اتزوجها كانت تلعب معه !! واذا سألتها عن سبب ذلك تقول انها اذا طلبت منه شي قال : انتي ماعندك زوج يخدمك !! المشكلة هالكلام وهي عندهم في بيتهم مثلا انا مسافر او مشغول وليست تطلب منه وهي جالسة في بيتي لكن الله يعين هذي الدنيا مالك الا خشمك لو هو اعوج
__________________
أعلل النفس بالآمال أرقبها ^^^ ما أضيق العيش لولا فسحة الأمل
<( أبوفراس الحمداني )>
التعديل الأخير تم بواسطة فارس الحب ; 23-09-2009 الساعة 08:39 PM
23-09-2009, 08:35 PM
ضوابط المشاركة
العرض الشجري