السلام عليكم ورحمه الله وبركاته
اخواتي واخواني عارفه تعبتكم معاي بس انا ارائكم حكيمه وانا استفيد منها وايد

راح اقولكم الموضوع واتمنى تشاركوني بالحل
اختي الي اصغر مني عمرها16سنه يعني بسن مراهقه وانتو عارفين الزمن فيه فتن وايد ومخيف بشكل عجيب غير عن قبل زمان قبل كله بساطه وحلو
المهم امي دائما توصيني عليها عينك على اختك معاي انتي عارفه الزمن يخوف وانا يمكن انشغل اشوي انتي خليكي معاي والحمدلله اختي على خلق عالي جدا بس المشكله الي تفاجات فيها امس ابعدت النوم عن عيني والله..
امس اختي طلبت مني لاب توبي وانا عطيتها الاب توب وبعد ماخلصت انا اخذته كنت اسوي كم شغله فيه وانا احفظ الي كنت اعمله لقيت سجل المحادثات الي حقي وكنت اشوفه واحذف المحادثه لكن لقيت فيه محادثات لاختي بس مااهتميت وانا امسحهم لقيت اسم ايميل ماعجبني معناه بصراحه خفت عليها قمت فتحت المحادثه وبأول سؤال مكتوب شخبار فلان معاكي؟؟؟هذا فلان ولد خالتي..
المهم اختي ردة عليه ماادري عنه صار لي شهر ماشفته
ترد عليها صاحبتها ليه مايجي بيت جدك ..؟؟؟قالت اختي لا ...
قالت صاحبتها طيب اتصلي له قالت اختي مااقدر اكلمه عيب
الاتقول صاحبتها اتصلي لاخوه الي اكبر منه مافيها شي ..وفعلا اختي اتصلت لاخوه الاكبر وسالت قال لها انهم مخيمين بالبر واهي طبعا سالته بطريقه غير مباشره يعني قالت له وين بتقضون العيد واهو اخوه رد عليها وسكرت
طبعا انا عرفت كل هذا من المحادثه
وبعدين ردت عليها صديقتها ليه ماتروحي بيتهم علشان تشوفيه قالت مااقدر ...
قالت لها طيب كلمي خالتك خليها تقوله يجي قالت اختي مااقدر استحي عيب
بصراحه انصدمت وايد...الي فهمته من المحادثه ان اختي مابينها وبين ولد خالتي لامكالمات ولاشي بس اهي شكلها معجبه فيه واهي بسن مراهقه وهالبنت تشجعها على الحرام....
ماادري وش اسوي....؟؟؟
اصارحها لوحدي؟؟؟او اقول لامي...؟؟؟....
اختكم...الحائــــرة

__________________
سلامات يا قلبي...
اتمنى اعرف اخبارك...

وعليكم السلام ورحمة الله وبركاته
بسم الله الرحمن الرحيم

اختك مبين انها تعرف الصح والغلط .. لكن البنت الي تكلمها تشجعها ولازم تبتعد عنها ضروري
وهالزمن غير آمن ابداً الحل انك تواجهينها بالطيب واللين
ولااازم تحذرينها من الي تسويه وهذي الشي غلط !! وهي بعمر 16 واصعب مرحلة المراهقة
انتي كلميها ونبهيها ,, وانا اقول لك ما تقولين للأم افضل لأن ممكن تصير خلافات واذا خالفت كلامك كلمي الأم

وبخصوص البنت غلط كبير انها تقول لها اتصلي لأخوها الكبير وتسأل عن اخوه هي بنت لازم ماتكون على اللسانهم

وضروري جداً تبتعد من ذي البنت ,, لأنها راح توديها بداهية

وربي يحفظها لكم من اي سوووء يارب

بحفظ الرحمن غاليتي الحائرة حفظك ربي

والله يا اختي انا اشوف لو تنصحيها بطريقه غير مباشره يكون افضل

يعني مثلا اتكلمي قدام اهلك عن وحده قرأتي عنها في منتدى او سمعتي عنها

انها كانت مثلا تعرفت على شاب كانت معجبه به وتعرفت عليه ولكنه تعامل معها بقذاره

اتصور المراهق ما يحب النصحيه ويمكن اختك تسد عليكِ جميع وسائل المعرفه بأمورها

فهاي الطريقه تخليك على علم بما تفعله اختك حته لو من بعيد لبعيد وبنفس الوقت اختك راح تحسب حساب لما تفعله وتفكر به

تحدثي عن هذه القصه وبوقتهه ممكن اهلك يشاركوكِ الحديث ويستنقدون افعال هذه الفتاه وتحدثي انتي بعدها عن البنت

وسمعت البنت وكيف يجب ان تحافظ عليها وماهي نضرة الشاب للفتاة الي تفعل هذه الاشياء

انتي وطريقتك اذا جبتيها بطريقه حلوه وكلام حكيم راح يأثر بأختك جداااااا


تحياتي

هلا اختي
الحمدلله انهاماسمعت كلامها
عارفه انها بسن مراهقه وهذا الي مخوفني عليها اكثر وكثره الفتن في هذا الزمن تخوف الي مايخاف
انا بحاول اصارحها وبقول لها تبتعد عن البنت واذا عاندت بقول لامي وبخليها تتصرف
وانا هاليومين اراقبها اكثر من قبل خوفي انها تسمع كلامها
مشكورة

__________________
سلامات يا قلبي...
اتمنى اعرف اخبارك...