موضوع قوي ومهم.. خاصة وأنه كل ماندخل نتفاجأ بموضوع خيانة خيانة خيانة..


أنا في رأيي.. على حسب.. ما أقدر أقول نواجه.. ولا مانواجه..


يعني أنا مثلا ما أحب أفتش ولا أدور.. لكن إذا حست أنه الموضوع فيه إن أو حسيت بلف ودوران.. ممكن أشيك ..

مثلا:

كان زوجي مدمن ترفيان اللعبة المشهورة.. وعادي كان يحكيني عن اللعبة وعن التطورات في القرية وعن أسماء اللاعبين وفلان هجم على فلان وعلان صار له كذا و و و إلخ

مرة من المرات قالي أنه في واحد يهجم على قريه وأرسلي يبي مساعدة واني ساعدته وارسلت له جنود وكان الأمر عادي..

بعدين صرت إذا دخلت عليه ألقى يسكر الصفحات ويقوم بسرعة ومدري وش عنده..

المهم عادي.. جا يقولي والله القرية هذيك اللي هددتها ما صاروا يطبون فيها !!!

قلت وش أسم القرية اللي دافعت عنها؟

قالي نسيت مدري وش أسمها!!!!

هينا بديت أربط.. مايعرف الأسم!!! إذا دخلت يتوتر!! إذن المسأله فيها إنه..

دخلت اللعبة ولقيت الاعب حرمة!!! ورسايل بينها وبينه!!!!

طبعا كلها بحدود اللعبه.. لكن مالها داعي الأخذ والعطى بينهم.. والشيطان شاطر .. الخيانة ماتبدي بقوة.. لكنها تدرج..

أنا هنا على طول واجهته.. وقلت له أنت الحين ماترضى أرد على الأعضاء في منتداي هذا وكلهم محافظين..
ولا في شي أسمه رسايل خاصة.. يعني الكلام ظاهر للكل..

ليش؟؟

حلال عليك حرام علي!!!!

طبعا حطينا أتفاقية ..قالي : الباسوورد حق اللعبة أعطيك أياه.. ولا راح أراسل أي قرية أحس أنه لاعبتها حرمة..
وأنا قلت له راح أشاركك في نفس اللعبة .. يعني أطور معاه وإذا ماكان زوجي عندي أتصل عليه وأعطيه تقارير اللعبة..

إليييييييييييييييين ماهو خلاص طفش من اللعبة... وتركها..

لكن لو ماواجهته.. ممكن يتطور الموضوع .. ممكن تقوله ممكن تعطيني إيميلك عشان أرسلك رابط للعبة..
وشوي شوي ممكن يصير ترسله اشياء خارج اللعبة وهلم جرا إلين ما خلاص يطيح الفاس بالراس..

لكن الحمدلله صارت المواجهه من صالحنا..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))