تصدقوا أول زواجى ما كنت بأخد مصروف أصلا.....زوجى ما هو بخيل او شئ بس هو كان شايف ان الزوجه ما فى داعى يكون معاه مصروف طالما ان زوجها مكفى البيت وانا مكنتش بسأل لانى عندى فلوسى الخاصه
لكن بصراحه بعد كده حسيت انى لازم شعر انى متزوجه وهو يصرف عليا .....لانى كنت بستحى أطلب منه انا بجيب حاجياتى من نقودى الخاصه
قالولى بعد كده انتى هبله هههههههه و ما فى حد زيك اليوم البنات كلهم بياخدوا من زوجهم مصروف وانتى بتدفعى فى البيت من فلوسك
طلبت منه مصروف شهرى وأعطانى والى الان يعطينى وصراحه حسيت ان كده أحسن لان الرجال قوامون على النساء بما انفقوا

قوامون صحيح لكن ليس حتى ينقسم الظهر و المصروف الشهري لا يدخل في نفقة الزوجة. و إنما هو فضل من عند الزوج و تكرم منه. لو تفهمون هالشئ لكن الله يعين.

مع أحترامى الشديد لرأى حضرتك مين قال ان مصروف المرأه هو فضل من الزوج !!!! حاجه غريبه الزوج مسؤل عن الزوجه من حيث المأكل والمشرب والملبس ولو قصر فى ذلك يحاسبه الله تعالى طبعا لو يستطيع الصرف على الزوجه.
طيب حضرتك مع ردك ده تقول ايه فى زوج لا يصرف على الزوجه وهيه المسؤله عن ملبسها ومصاريفها كلها حتى الاطباء لو مرضت مسؤله عنهم هى اللى تدفع من مالها الخاص .....برضه كده بتقسم ظهر الزوج ومش من حقها مصروف حتى عشان تشعر انها ليها زوج يحميها ويعطيها مصروف حتى اذا كان هذا المصروف مبلغ رمزى ....بس بيكون ليه قيمه كبيره قوى عندها

معذره لكن مكنتش تزوجت بقى وخلاص طالما انها كده كده متكفله بنفسها ...الحاله اللى بقول لحضرتك عليها بشوفها قدامى يعنى حاله من الواقع...

وبعدين اعذرنى حضرتك بتتكلم عن امراه كل ما تسأل زوجها انها تريد شئ بيعطيها وبيشترلها هذا الشئ ....ومع ذلك بتطلب مصروف !!! حضرتك تقصد مرأه مدلله مش الحالات اللى انا اقصدها

لكن برضه هارجع واقولك الزوج مهما كان من حق المراه عليها انه ينفق عليها ...اكيد بأعتدال ومش بقسم ظهر ولا حاجه لكن برضه الرجال قوامون بما انفقوا .وأكيد الكلام ده صح...وألا مكنش ربنا قاله فى كتابه الكريم

لو حضرتك عازو تعرف مين اللى بينقسم ظهره بجد ...معلش شوف المرأه اللى بتعمل جوه البيت وبره البيت فى العمل وبتربى وبتساعد الزوج فى متطلبات الحياه ويمكن بتبنى معاه هذه الحياه ايضا ....وبعدين فى الاخر تقول بتقسم ظهر الزوج معلش هذا ظلم فى حق المرأه

على رسلك يا هاته. فعلا أقصد ما كتبتيه بالأحمر. و لكن ما دمتي تعرفين قصدي لماذا تهاجمينني فيما لم أقصده . غريبة و الله, و هذا يكفيني عذرا.
ثانيا المرأة هي التي تحب ان تقصم ظهرها لأنه هي التي تتمسك بالعمل و لم يجبرها أحد.
ثم المصروف الذي يزيد عن النفقة من اكل و شرب و سكن و لباس و صحة هو تفضل من عند الزوج و لا شك في ذلك.

أخى tunisian اولا أنا مش بهاجم كلامك أطلاقا ده مجرد رأى ...ثانيا انا بتكلم انى ضد موضوع ان مصروف الزوجه هو تفضل من الزوج على الزوجه
ثالثا ...انا فى رسالتى الاولى اللى حضرتك رديت عليها أصلا كنت بتكلم عن الزوجه اللى ما بـاخذ من زوجها اى شئ ولا بيصرف عليها فى أى شئ .
ومع ذلك حضرتك رديت بكلمه انها كده بتقسم ظهره ده كان ردك عليا وممكن تراجع الردود ..
عموما حصل خير وانا لم اقصد الهجوم اطلاقا .....ده مجرد نقاش وكل واحد بيقول رايه وخلاص