01-10-2009, 12:02 PM
|
المشاركة الأصلية كتبت بواسطة انتهت الحكاية
السلام عليكم ورحمة الله وبركاته
مو عارفه من وين ابدأ ..في قلبي غصه ومحتاجه ضروري مشورتكم لاني محتاره بقوووة انا متزوجة من سنة ونص تقريباً ..مع خطوبة دامت سنه ونص طبعا احنا اخذنا بعض عن قصة حب ..في بداية الخطوبة اكيد راح يكون الحب والمشاعر فيّاضه والامور مستقره ..بس من اخذته وهو طباعه ما تغيرت من النوع اللي يكتم مشاعره واجد و كلامه قليل ..ولما اسأله وين بتروح ما يعلمني .وتقبلت الموضوع لانه حتى مع امه وخواته هذا اسلوبه المهم ..في الخطوبة فاتحني في موضوع إني انزل من وزني لاني سمينه ..بس سمنتي مرتبه في جسمي انا طبعا حاولت شهر شهرين و اترك الرجيم لما تزوجنا علاقتنا الحميمه كانت بس مره في الاسبوع ومع هذا تحملت ..وكنت افاتحه اكثر من مره ان هذا ما يكفيني ..يحط لي حجج انا عندي عمل ..انا اجي من العمل تعبان ..اقول اوكي مو مشكله لما حملت استمريت على مره في الاسبوع ..في نص الحمل صار مو مره يمكن يطوف شهر ما يجي جنبي و لا نسوي شي ..ولما جلست وتكلمت معاه قال مافي سبب اكون نعسان وابي انام ..لما ضغطت عليه في الرد قلت له علشان جسمي قال ..ايه!!! أنا اوكي زعلت تدرون ليش؟؟؟ حتى لو كان هذا السبب ..ما يخليه يهجرني شهر ..مهما كان انا زوجته يعني بينا مشاعر واحاسيس المهم ولدت وخلصت الاربعين وفوقهم عشرين يعني شهرين ..ولا جااا جنبي مو كأني غايبه عنه شهرين ..كأنهم يومين .. آآآآآآآآآآآآآآآآآآآآآه انا تعبانه مو عارفه وش اسوي والمشكله ان يبغى يسافر ..اول شي سويت مشكله علشان ان بيروح ويخليني وهذي اول مره بيسافر ..بعدين غيرت رايي وقلت خليه يروح علشان ارتاح لاني مرررره متضايقه منه ومن اسلوبه معاي .. انا ادري ان يحبني بس هو شحيح في مشاعره واحاسيسه وااااااااجد والمشكله ان انا صرت مثله لاني تعبت ..انا بس اللي اعطي وما اشوف مقابل ., احاول من وقت للثاني اقول له مشاعر حب ..ارسل له مسجات انا اللي كاتبتها اوصف فيها مشاعري واحاسيسي وهو ..ولا كأنه هنااا ابغى حل لاني تعبت والله تعبت احس حياتي ما لها معنى ..غير معنى واحد بس هو وجودي مع طفلتي آسفة على الاطالة |
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض الشجري