غير ان فارس تقريبا كان أكبر الخطأ منه
وزوجته كانت تبلع وتسكت وشكلها بالأخير انفجرت

بس غايتي الرضا لا
أن اشوف ان الخطأ -من كلامه-أغلبه أو نصفه منها

مو بس غايتي الرضا اللي يحب النقاشات الطويلة
ويصر على رأيه وكلمته
ويحب يمشي زوجته على مايبي
وتكلم مع زوجته بموضوع الزواج والطلاق

يعني بيصير كامل مستحيل

لكن فعلا الجلوس بالبيت وانتظار الفرج ماراح يجيب نتيجة
الواجب تروح وتطلبها عند ابوها والا كبير العائلة ولو امها
تبين قدامها انك شاريها وتحبها
وان بينكم طفل غالي بالطريق
ومن حقكم تتشاركون لحظات انتظاره واستقباله
وانك ماراح تتخلى عن ام طفلك
وتعتذر عن اخطائك وانه اي شخص بالدنيا يخطي
وبنفس الوقت تبين انه فيه اشياء لازم على كل زوجة انها تسويها
لأنه شرعا واجبات عليها
وانك شايف منها كل الخير
بس قترة الحمل وانت عاذرها إذا الوحام هو السبب
لكن فيه اشياء من حقك انها تسويها وتذكرها
وتقولها نبي حياتنا ماتطلع لأحد اي كان
ونعرض خلافاتنا كلها على الشرع قبل اي شخص
وانه لنا خصوصية سواء بأسرارنا والا اسلوب حياتنا

وانا راح اسعدك وأكون خير زوج
بس ان ارتحت كأي رجل بالدنيا

المهم رح وراسك مرفوع وكلك ثقة ومحبة
الرسول بحادثة الأفك ذهب لعائشة يأخذ الكلام منها
أكبر خطأ ان كل واحد يترك الثاني للشيطان يستفرد فيه

الله يوفقكم ويسعدكم