السلام عليكم ورحمه الله وبركاته

اولا شكرا لورده بين الثلوج عى تغيير عنوان الموضوع

ثانيا اسفه على الكلجه بس بصراحه انا كتبت بسرعه وكالعاده كنت ببكي ولا حتى فكرت اراجع الموضوع علشان لا ارجع في قراري وألغيه

ثالثا شكرا لكل من رد وتكرم علي بنصيحه وكلمه جعلها الله في موازين حسناتكم جميعا

رابعا ترا انا والدي موجود الله يطول عمره انا والدتي إلي توفت الله يرحمها بعد معاناه مع المرض لسنوات جعله الله في ميزان حسناتها - بس ظروفي مع والدي صعبه والدي غيووووووور يغير من أخواني وأهلي وصاحباتي يبغاني ما أحبهم وما أروح لأحد فيهم زلا اكلم احد فيهم ولا اضحك مع احد فيهم بس ليه -وترا والله يشهد حتى لمن كنت احاول اقسي قلبي واقول اوكي موافقه من حيث المبدأ على عريس الوالد الله يحفظه يطلع فيه القطط الفطسه (على قولت حبايبنا المصريين) وانا والحق بتجي على الطبطاب. وكمان الوالد بيصرف العرسان من بره بره يقول ما عندي بنت للزواج ولو احد واجهه يقول ابدا انا ابغى اخلص منها - بس بصراحه يمكن لو انا عندت واصريت على عريس ممكن يوافق بس انا ما احس في أحد يستاهل اعمل مشكله واعند علشانه غير الأخ الفاضل ؟؟؟؟

صدقوني كل كلامكم واقسى منه بقولي لنفسي وبقوله له واكثر من مليون مره اقوله اسألك بالله لو ما تبغى تتزوجني قولي والله حسامحك وامشي بدون شوشره وبقوله انا وحده حيوانه تعرف واحد متزوج سنين وهو بيزعل ويقول انا اعرف انت مين واعرف اخلاقك ويحلف بالله وقت الأذان انه يبغاني زوجته بس ظروفه -- اعرف وربي اعرف انه برضو كلام فاضي وانه سلبي ما بيعمل شي بس 9 سنين صعبه اقول لنفسي صبرتي كثير اصبري بس شويه -
ترا كل مره اقوله خلاص نسيب بعض ياويلنا من الله وانا حستناك يسكت ويقول حاضر وانت عملتي إلي عليكي وصبرتي معايا ما اقدر اقولك شي واقوله نصبر شهر والشهر يجر شهر لمن مرت السنين

شكرا لكم كلكم وجزاكم الله خير والله انا ححاول بإذن الله اتركه علشان ربنا وبس. وادعولي كلكم ربي يصبرني وانه لوفيه خير يجي ولو شر ربي يصرفه عني ---

وياليت كل واحد يقول الحمد لله الذي عافانا مما ابتلى كثيرا من عباده ترا انا كنت استغرب من البنات وفرحانه بنفسي وبإني ما اكلم ولا اتعرف على اولاد واني اخاف الله فكرتها بشطارتي لكن هي كانت هدايه من الله ورحمه منه ولمن وقعت في الغلط عرفت وفهمت اني كنت في نعمه كبيره ما شكرت الله عليها وإني استحقرت غيري

ياربي اغفرلي واغفر لكل من هم في حالتي وارحمنا واستر عيوبنا و برد قلوبنا وارزقنا طاعتك والبعد عن معاصيك