اقتباس:
المشاركة الأصلية كتبت بواسطة dodi_dabdoobi
هذا انتي قبل سنتين متزوجة
الله لا يجعلك تمري باللي مريت فيه انا يا قلبي 5 سنين و نص !!!
شوفي مصيبة غيرك تهون عليكي مصيبتك
انا مثلك تاكل في قلبي نظرات الشفقة
احمدي ربنا الف مرة انهم اعتبروكي منهم و فيهم و ما اعتبروكي غريبة و يخافو من عينك لا تصيبها و يخبو عليكي
هذيك الساعة بس اوصفيلي شعورك كيف بيكون ؟؟؟؟؟
ابكي اذا حسيتي ان البكا ح يخفف عليكي و ادعي ربنا يرزقك و يرزقنا كلنا معاكي و ما ادراكي سبحان الله الخير فين
يعني ممكن او اكيد التأخير هذا فيه خير لنا لكن احنا مش عارفين الخير ده فين ؟؟
خلي املك بالله كبير و لا تقولي احتمال حملي صفر ادعو و اعتبري حملك قريب مليون في المية و لا تيأسي
استهدي بالله و اغسلي وشك و اعتبري ان اللي حامل دي اختك و خايفة لا تزعلي من حملها و اعذريها و قابليها و انتي بتضحكي في وشها و تفائلي يا عسل ان ربنا ان شاء الله ح ينزل خيره علينا قريب و لا يشوفو دموعك لا يشفقو عليكي اكثر
|
يا حبيبتى يا دودى والله ردك ساندنى كتير ....ربنا يرزقنا جميعا ...وفعلا موضوع انهم يخبوا عليكى موضوع صعب للغايه الله يكون فى عونك حبيبتى ويقويكى بأذن الله
انا كنت فاكره لما برد عليكى وبقولك طنشى او حتى الاخوات كانوا بيقولوا سيبك من اللى يخبى عليكى
لكن والله فعلا التجربه أصعب الف مره من الحكى ...بس الحمد لله على كل شئ ربنا اكيد بيحطنا فى الأختبار ده وشوفى بأذن الله النتيجه هتكون رحمه من ربنا ازاى
كفايه اننا من كتر الشدائد أصبحنا أقوياء جدا .....والله لو مليون واحده من اللى حملوا فى اول الزواج مروا بألالم النفسى والعضوى و الم المنشطات الجسدى والنفسى ما كانوا استحملوا
بتذكر موضوع أخت زوجى الاخرى لما راحت تكشف نساء مره عند طبيبه وكشفت عليها عادى بالأداه بتاعت الكشف اللى تفتح الرحم
ساعتها قالتى انا صرخت صراخ تقريبا المستشفى كلها سمعت صوتى........قعدت جوايا أضحك قوى واقول دا أنا على كده بطله
لانى لما عملت اشعه الصبغه استخدمولى نفس الجهاز اللى يفتح الرحم وكان صعب للغايه والاشعه نفسها مش سهله ابدا لكن كنت ساكته وبستحمل وبقول كله عشان البيبى يجى
ده طبعا غير الحقن اللى على طول والمنشطات وغيره( الفيلم المعتاد اللى كلكوا تقريبا عارفينوا)
حسيت والله حبيبتى ان كل ده مش من فراغ أبدا.....اكيد بنأخذ ثواب على قوه تحملنا ....كفايه الألم النفسى لوحده............يارب يكون الجزاء خير ياااااارب
على فكره يا دودى بصلحلك شئ أنا مش قصدى أن احتمال حملى صفر لآ الحمد لله موصلتش للمرحله دى
انا كان قصدى اقول أن قوه أحتماالى للأمور أصبحت معدومه وصفر ........ربنا يرزقنا جميعا حبيبتى
عاوزه اقول لكوا انى والله ما حكيت هذا الموضوع لحد ابدا لانه برضه بينظرلى نظره شفقه مهما حبيت افضفض لكن احنا اكتر ناس بنحس ببعض
عموما باذن الله ربنا يجمعنا على خير يارب ونحمل بقى كلنا ونقفل الصفحه او نخليها للبيبهات.......
ربنا يرزقك حببتى ويجعل تعبك ومعانتك دى فى ميزان حسناتك ويجزيكى عنها خيرا يارب
20-10-2009, 04:43 AM
ضوابط المشاركة
العرض الشجري