كيفيك يامهره ان شاء الله تكوني و اليبي بالف خير

شوفي حبيبتي هي كانت تمزح و انتي تدري.. وردا على سؤالك ايوة في ناس كدا تمزح
بس تمزح بشكل غلط و بكلام ما ينقال و في اوقات غلط

عندي صديقة قريبة على قلبي.. طيبة و خدومة و حبووبة و كل شي

لكن كانت احيانا تقول كلام ينرفز
مثلا مرة كنا قاعدين اتكلمنا على شي ما اذكر ايش كان
قمت رديت قلت لها لا (*******) الي هو اسم زوجي .. ما رضى لي اروح
قالت يووه لساتو عايش ؟؟؟؟
طبعا هنا انا اخذتني الصدمة مادريت ايش ارد

مرة ثانية كررتها .. قلتها بس بطلي هذه الكلمة

صرت اسمعها تقولها بشكل عادي حتى اذا ذكرت حد يقرب لها ..

اخر شي اتزوجت و كانت لما تذكر زوجها اقولها يوووه لساتو عايش قامت من بعدها حرمت تقولها بعد ما حست هذا الاحساس

فاكثيير زي كدا .. او اللي تعلق بتعليق مش حلو عن ابنك او بنتك عشان تضحكوا ..مزح ثقيل


بالنهاية تبقى الكلمة طالعة بدون حقد او نية مبطنة فا عديها بس اذا كررتها ممكن ترديها بشكل لطيف تبيني فيه
امتعاظك >>>> فصحى

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله