الحمد الله على كل حال

اختي اخوك كم عمره ؟؟؟ علشان يتفاهم مع زوجك بهالشكل

غير كذا اهلك كلهم مشحونين عليه كأن الموضوع مو موضوع بنتهم ( اللي هي انتي )

ومثل ما ذكروا لك الاخوان والاخوات الطلاق مو من صالحك وراح توصل هالمواصيل اذا استمروا اهلك بتكسير مجاديف زوجك

مفروض اخوك لما اتصل عليه كلمه ورحب فيه شخبارك من زمان ما سمعنا صوتك وينك الله يهديك وش فيك قومت الدنيا والموضوع مو مستاهل الوالد ماخذ على خاطره منك وهو ما ياخذ على خاطره الا من الناس اللي يحبهم

بس الحمد لله على كل حال

المهم ارسلي رساله له

زوجي العزيز ( حبيبي شوي قوية بعد هالمشاكل )

تمنيت انك اتصلت علي ما اتصلت على اخوي وسألتني عن اي شئ تبيه

انا مشتاقه لبيتنا وللرجعه لك ولحياة تحت طاعة الله ورسوله

انا باقي أبيك أنت باقي تبيني ؟؟

خلي كلمة حبيبي بعد ما ترجعين ان شاء الله لاحقه عليها الحين مو وقتها

ملاحظة

حطي ببالك انه يمكن كان يبي يسوي مشكله علشان يأجل الموضوع واكيد اهلك ماراح يأجلون وبتبدأ مشاكل وتتوسع المشكله اكثر