حبيبتي زوجة أحمد..
انا رأيي اتوكلي على الله ولا تهتمي كثيرا بكلام الناس..
أنا حاسة بيكي تماما .. لكن تعرفي أنا ناوية ان شاء الله لما أقرر ألبس النقاب مش هفتح الموضوع مع أحد
يعني هفاجئهم بيه مرة وحده علشان ما أعطي فرصة لأي أحد إنه يهز تفكيري.. خصوصا إلي أنا عارفه أنهم
مش مقتنعين بالنقاب.. لأنهم فعلا هيحبطوكي..
أحيانا وأنا بتكلم مع أقاربي أو أصدقائي بتتفتح سيرة النقاب سواء بسبب الأحداث اللي موجوده أو غيره وكثير بلاقي
ناس مش مقتنعه بيه تماما.. حتى أمس كنت بتكلم مع خالتي في موضوع منع النقاب في الجامعات والمدن الجامعيه
قالتلي النقاب ملهوش لازمه و و و ..
طبعا أنا متكلمتش في اني ناويه ألبسه لكني كنت بدافع عن النقاب على الأقل من باب انه حرية شخصية فلماذا يمنعوه؟؟

الخلاصة أقصد أقول ان ناس كتير هيفضلوا يقنعوكي بعدم لبسه .. ويحبطوا من عزيمتك.. لا عليكي منهم.. واذا قدرتي
متتكلميش مع أحد أبدا في الموضوع ده .. طالما خطيبك موافق فاللهم لك الحمد.. ممكن بس تقنعي أهلك إلي هما والدك
ووالدتك من باب انهم ميزعلوش لأنك لم تخبريهم..
لكن أقاربك وأصدقائك وجيرانك والخ الخ.. فخليهم يتفاجؤوا بيكي بالنقاب ووقتها محدش هيقدر يقولك اخلعيه..

أما من ناحية خوفك انه يعيقك عن أشياء كثيره أو يسببلك الضيق والخنقه.. فتأكدي أن من ترك شيئا لله عوضه الله خيرا منه..
واللي دايما مع الله وبينفذ أمره لازم هيلاقي حلاوة وبركه في حياته كلها وربنا هييسرله كل أموره..

وربنا يوفقك حبيبتي ويتمملك زواجك على خير.. وتفرحينا كمان بلبسك النقاب.. وأمانه عليكي ادعيلي أنا كمان ألبسه قريبا..