السلام عليكم ورحمة الله وبركاته تحية طيبة لجميع أعضاء المنتدى الأفاضل أنا عضوة جديدة بالمنتدى وكنت أتصفح النت وأدور حل لمشكلتي وحصلت منتداكم وشاركت معكم وعلى أمل اني أحصل حل حق مشكلتي واللي هي تتلخص في علاقتي مع زوجي انه من لما تزوجنا وأم زوجي وخواته في تدخل دائم ف حياتنا وللأسف لهم النصيب الأكبر في التأثير على زوجي وخاصة انه طيب وكلمة تيبه وكلمة ترده مثل ما نقول بالعامي من بداية حياتي الزوجية صارت مشاكل بين أهلي وزوجي كوني موظفة و كنت متعودة اقتطع مبلغ معين من راتبي واسلمة للوالد نهاية كل شهر بس بعد الزواج اعترض زوجي ورفض اني اعطي اهلي طبعا تدخلوا اخوانه بالموضوع وصارت اخته تقنعني انه الراتب من حقي وانه والدي ما له الحق فيه وبحكم صغر سني في هذاك الوقت وقلة خبرتي في الحياة سمعت شورها وكلامها قلت هي متزوجة من اكثر من عشر سنين واكيد تفهم في الحياة اكثر مني المهم الوالد والاخوة رفضوا الامر وصاروا يغلطوا على زوجي واللي بدوره كان ساكت وما يرد عليهم بس اضطريت اخذ موقف من اهلي قطعتهم وصرت اقلل زياراتي واتصالاتي لاني حسيت انه ما اللي قيمة عند اهلي غير بفلوسي وبالفعل الموضوع جاب نتيجة وصرت اعطي اهلي بس في المناسبات وفي زيارات معينة بحكم اني اسكن بعيد عنهم مرت الايام والسنين وزوجي راتبه ثلاثة ارباعه سلفيات كنت اساعده بمصروف البيت وفي الصرف على اخوانه وكمل دراسته وساعدته انه يكمل دراسته بحكم انه راتبه ما يغطي وساعدته بسداد سلفياته وقفت عنده وقفة رجال بس زوجي ما قدر هالشي ولا يشوفه للأسف الشديد يشوف اني مجبرة على هالشيء وانه راتبي من حقه يا ليت الامر وقف على هالشيء احس انه زوجي ما يحترمني الفاظه بذيئة وغير جذية انه أول ما ازور اهلي واعطيهم مبلغ يمكن يكون ربع راتبي او اقل يزعل ويعصب ويسويها سالفة يا ناس يا عالم والله عشت ف دوامة ويلي ارضي زوجي ويلي ارضي اهلي اذا رضيت زوجي ومنعت الفلوس عن اهلي اللي ربوني وتعبوا علي زعلوا اهلي واذا عطيت اهلي كنوع من رد الجميل وهذي قناعة من داخلي زعل زوجي والله اني تايهة ومب عارفة كيف اتصرف رغم كل شيء قدمته لزوجي ما يشوفه طول وكل همه وغايته يرضي امه ولو كانت على غلط ويرضي اخوانه والمصيبة انه يصرف على امه وخواته من راتبي بالله عليكم هالشيء منصف واتخيلوا انه صارله اكثر من ثلاثة ايام ما يكلمني ولا يرد علي السلام بسبب زيارتي لأهلي وبسبب اني عطيتهم مبلغ من المال ولو بغيت اناقشة ما عنده اسلوب للتحاور وبيطلعني انا الغلطانة والله تعبت وصارت تطري علي فكرة الانفصال بس مشكلتي عيالي اخاف انحرم منهم لاني عايشة عشانهم والله يا ناس وربي شاهد علي وصلت لمرحلة اتمنى فيها الموت على الاقل ساعتها بيحس بقيمتي ارجوكم ساعدوني خاطري اعيش ببساطة وسلام وود مع زوجي بس هو ما يفهم طلبت منه الف مرة يريحني من الهم والمشاكل والنكد بس هالشي يجري بعروقه شو الحل وكيف اتصرف ساعدوني يمكن تكون مشكلتي مشابهة لحد منكم وحصللها حل ............ ومشكلة زوجي عند اهلي انه ما ينسى اللي سووه فيه في الماضي ولحد اللحين شال عليهم رغم اني اسامح امه دائما واخواته رغم تجريحهم الدائم لي ساعدوني يا ناس اريد الحل بسرعة..........

السلام عليكم اختي الفاضلة
اول شيئ اختي الله يكون في عونك على ظروفك هذه وان شاء الله ان تتصلح قريبا
اما بالنسبة لموضوع راتبك ومن هو الاحق فيه اهلك ام زوجك , اختي الفاضلة الزوج له الحق في زوجته وحقوقه عليها لا تعد ولا تحصى الا في النفقة ما دام قادرا وان اعطته شيئا من نفسها هذا لا يعني انه له الحق في مالها ابدا وان لم تسامحيه فيه فهو يكون بمثابة قرض عليه يجب عليه سداده , واما بالنسبة للاهل ولله اعلم الوالد والوالدة ان كانو محتاجين له فهم اولى بمالك فانت ومالك لابيك للذكر والانثى , وفي النهاية الام والاب والزوج وام الزوج جميعهم حقوقهم كبيرة علينا فاحرصي اختي ان تكوني متزنة وحكيمة في التعامل معهم لارضاء ربك

لااااااااااااا يا اختي ارجوكي اخر شيئ يخطر في بالك ان تطلبي الطلاق اول شيئ حاولي ان تكوني صابرة عليه ولك الاجر في ذلك ودائما كوني لينة معه رطبة اللسان عذبة الكلام بشوشة في وجهه اجذبيه لك دائما

راتب الزوجة هي الوحيدة الخولة التصرف فية عساها تحرقة

مالا دخل ابداا ابداا ابداا

انتي غيري من اسلوبك لا تعطية او اذا عطيتية حسسية ان هو المسؤول والمفروظ هو الي يصرف

مو انتي مو تعطية بالساهل هو معتبر ان الي تسوية معاة عادي الامور ماشية كذا وهذا واجب عليكي

ورية العكس طالبية لما تعطية مبلغ قوليلة هذا سلف مثلاااا


اما ابوك فاشف انك غلطانة مية بالمية وين حق الوالدين كذا تقاطعينهم

هذا اولادك شوفي نفسك كيف تتعبي في تربيتهم وكيف وهم لسا صغار

تذكري اهلك كيف ربوك وتعبوا اخر شيء تقاطعيهم تخيلي ولادك بكرة بكل هالسهوله يقاطعوكي

او يحسوا ان الي يعوكي اياة بالمنية

بري اهلك يبروكي اولادك

اما زوجك مو من حقة ولا تراضية خلي هو الي يراضيكي

فوق شينة قوات عينة بعد

__________________

أخواتي قساميين ومررروة ألف شكر على النصيحة وعلى الرد وأتمنى الكل يدخل ويشارك
ويعطيني الحل المناسب ........لا تبخلوا علي بنصايحكم وردودكم الله يخليكم لاني تايهة ومحتارة

عذراً ينقل إلى قسم المتزوجين ..

أبوك رباك و تعب عشانك و لولا الله ثم هو ما كان زوجك تمتع بفلوسك

ماحد له دخل في فلوسك و حتى لو تعطيها كلها لأبوك

و زوجك مسؤول عنك


علمي زوجك إنه فلوسك ماحد له دخل فيه و مو لازم تقولي له إنك تعطي لأبوك

و مو لازم أحد يدري إنك تعطي لأهلك

و إذا بتساعدي زوجك ، مو لازم تقولي لأهلك

لمرحلة اتمنى فيها الموت على الاقل ساعتها بيحس بقيمتي

تتمني الموت وعشان ايش عشان لما تموتي ما يمر اسبوع الا وهو جايب زوجة ثانية والاكتر من هيك بصرف عليها من الالف للياء يعني وقتها بطلع القرش من تحت الارض
اسمعي حبيبتي انا دائما لما يكون الاشي مو حرام بعملو بدون اي شك يعني راتبك حقك وانت حرة لو بتكبي بالشارع وين الرجولة لما انا اصرف عليكي منك ومن تعبك وبعدين هو ضروري يعرف راتبك كم يعني اتفقي معا على مبلغ شهري محدد تدفعيلو ايا والباقي حرة في واعطي والدك ولا يهمك كلو الا الاب والام خط احمر ولما تكوني على لا تخافي من حدا

بصراحة الغلط غلطتك أنت من البداية.. المفروض أنك حطيتي حاجز بينه وبين راتبك.. ولا تعلمينه أنك وين تصرفينه أو وين تحطينه..أو هو كم أصلا..

لأن الزوج هو المسؤل عن النفقة.. وقضية أني أساعده وأصرف على أهله مو من حقه..


وبالنسبة للحل .. أقعدي معاه قعده ودية.. وبيني له اللي لك واللي عليك..

وعلميه أنه وضعكم وحياتكم ماهي حياه.. وأنه لازم عليك تقدرين أهلك.. مثل ماهو مقدر أهله..

وبالنسبه للراتب قولي له.. انا أحس اني أنا الرجال.. مايصير انا علي المصاريف كلها!!!

وأتفقي أنه من الراتب الجاي.. هو اللي راح يكون مسؤل عنك.. ويصرف عليك الأساسيات.. وراتبك تصرفين على نفسك بالكماليات..

ولا تخبرينه إذا زاد راتبك وخلي عندك خصوصيات مو كل شي تعلمينه عليه..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))