بسم الله اللهم وفقنى فى الرأى السديد

حبيبتى واختى فى الله

اولا اول مشاكلك لازم تعرفيها كويس عشان تعرفى تحلى

مشاكلك كلها منبعها واحد

الادماااااااااااااااااااااااااااااااااااااان

انا هكلمك من واقع تجربه شخصيه
المدمن انسان ضعيف جدا جدا وده مش معناه ان ده مبرر
بس اول حاجه المدمن بيعملها لو اتعرف انه مدمن انه يرمى مسؤلية ادمانه على اى شخص خاصه اللى عايش معاه ابوه امه مراته أى حد .........
المدمن شخص عاوز يشوف:
- أنه مظلوم
- أنه اضطر للادمان
-أنه مضطهد
-أنه مكروه
- أنه قوى ويقدر يبطل فى اى وقت وده معناه انه سقط فى الادماااااااااان للاخر
تصرفات المدمن
- طويل اللسان
-طويل اليد يضرب او يسرق
- التبرير لكل تصرفاته الخاطئه
- عنده رؤيه مختلفه لكل الاحداث اللى حواليه ورؤيه خاطئه للغير وتفسير بشع لاى تصرف
- عنده شعور بالدونيه
-يرمى مسؤلياته على الغير
- يجيد الكذب
- يستطيع ايجاد اى مخرج لاى ورطه
-غير متزن عقليا
- سريع الغضب والاستثاره عامه
- متقلب الانفعالات ساعه يحبك وساعه يكرهك
- المدمن بيخجل من ادمانه بس بتاخده العزه بالاثم وبيكابر
- المدمن عنده شعور بأنه مكروه وانه هامشى وعارف انه سبب اذى
- المدمن مبتز عاطفى يعنى يا اما يهينك او يقولك انتى السبب او يعيط ويندم او اى تصرف يفرمك فيه نفسيا وعاطفيا ده عادى جدا خاصه وانه لقى ان الاسلوب ده بيجيب فايده
حل كل مشاكلك شىء واحد بس انه يتعالج من الادمان ولو بالغصب ده لو عاوزه تحلى المشكله بجد
فى مصر ممكن تبلغى المستشفى ييجوا ياخدوه بالعافيه عندكم فى بلادكم مش عارفه ده بيتم ازاى وعشان تبقى مستعده بس للى هيحصل لو راح المستشفى بالطريقه دى انه هيكرهك فى الاول بس لكن بعدها لما هيفوق هيشكرك
الادمان مرض وليس عرض
بالنسبه بقى لقصه انه عرفك قبل الجواز ده كلام اهبل انتى متجوزاه من عشر سنين يعنى كلام عبيط
يعنى الانسان المدمن انسان مريض وليس مجرم ......
ممكن تدخلى على النت تشوفى طرق علاج المدمنين
بس خللى بالك على مالك ودهبك لان شويه كده وايده هتتمد عليهم والله انا مش بخوفك بس اصل المدمنين فى العالم كلهم سلوكهم واحد
ربنا معاكى الطلاق مش حل فى حالتك علاجه من الادمان هو الحل
وربنا معاكى ويهديه ويهديكى ويحفظ اولادك ......أدعى لى ربنا يحفظ لى اولادى من شر كل ذى شر ويرزقنى برهم ويرزقهم برى