اختى الغاليه

انتم بينكم الحين ما يسمى conflict of powerأو صراع القوه بين الزوجين خاصه وانك دخلتى الحياه وانتى ناضجه يعنى مش عيله صغيره مثلا
أنتى جايه له وانتى انثى مستقله وهو كمان جالك وهو شخص مستقل كل واحد منكم عارف نفسه ونقط ضعفه وقوته وله وجهه نظره فى الحياه .......
انا هقولك على طريقه يمكن يكون فيها الشفا
طبعا ما تحاوليش تعصبيه ده الاول بس على فرض انه حصل واتعصب وبدأ يعلى صوته انسحبى من قدامه وقولى له انا اسفه مش هينفع نكمل كلامنا بالطريقه دى.......
وتنسحبى بهدوء وأدب يعنى لاترزيع بيبان ولا برطمه وكلام
وتتعاملى عادى جدا بعدها
لاقدر الله جه يمد ايده تقولى له اولا ده مش اسلوب ناس متجوزه انا مش عبد ........ومش عاصيه عشان تأدبنى بالضرب او مد الايد.....انت ازاى تمد ايدك على اللى بتنام فى حضنها أزاى تيجى لك نفس تمد الايد اللى ضربت دى على نفس الجسم اللى انضرب وعاوز حياتنا الخاصه
يا فلان انت لما بتمد ايدك على بتقتل غلاوتك فى قلبى وببقى مش قادره انك تلمسنى تانى أرجوك بلاش تخلينى انشز واعصى ربنا فيك وهتبقى انت السبب
الرجال قوامون على النساء ............انت اعقل وافضل بعقلك ما تخلينيش افقد الثقه فيك وفى رجولتك الضرب اسلوب الضعيف وانت مش ضعيف
ارجوك خليك بعيونى راجلى مش سيد وانا عبد لان العبد ممكن يهرب والهروب هيبقى بأن قلبى يتقفل من ناحيتك وابرد فى كل النواحى
ارجوك انا بحبك بلاش تهيننى عشان ما اهينكش بينى وبين نفسى وتنزل من نظرى
ربنا يهديه لك وادعى لى ربنا يحفظ لى اولادى ويبعد عنهم شر كل ذى شر ويرزقنى برهم ويرزقهم برى