ساعات كتر الراحه بيؤدى للخيانه.....والمثل اللى هقوله ينطبق على الرجل والمرأه
انسان كل احتياجاته مجابه
بتتحمل منه كتير
بيغلط وتسامحه
بتخاف على زعله
مالكش رد فعل قوى لما بيغلط ولا بتاخد موقف يؤلمه
مش بتحاسب على الدخول والخروج لان فيه ثقه
مش بتفتش وراه لانه انسان محترم
بتثق فيه لابعد الحدود
بتحبه فعلا ومش بتحب تزعله وبتخاف على زعله
مراعى ربنا فيه وفى اولاده
مش كتير الطلبات
عايش به وله بس
تخيلوا ان كل ده ممكن يسبب خيانه لان ببساطه الطرف الخائن شايف الطرف التانى -زوج او زوجه - مضمون هيسامح ماهو عمره ما بيرضى يزعلنى _ ده طيب وبينسى -
ساعات سبب الخيانه الثقه الزايده فى حب الشريك
يعنى بيحبنى موت ومش هيقدر يستغنى عنى ولو اكتشف خيانتى هيزعل شويه وبعدها ينسى
شعور الطرف الخائن بأنه هو الحب الوحيد فى حياه الشريك وانه الدنيا وما فيها وده طبعا يؤكده تصرفات الشريك .....فبخبرته كده هيوزنها لو عرف هو بيحبنى مش هيصدق ده اولا وهيسامحنى ده ثانيا
احيانا الثقه فى الذكاء يعنى الطرف الخائن واثق فى ذكائه الخارق وان الطرف التانى لا بيتجسس ولا بيصدق ولا بيفتش وراه فبيخون على سبيل المعرفه والثقه فى نفسه
حاجه اخيره بقى ساعات الخيانه بتبقى لعدم تحمل المسؤليه يعنى طرف من الطرفين الزوج او الزوجه رامى كل الحمل على الطرف التانى ، وطرف واحد بس اللى بيقوم بدور الطرفين سواء راجل او ست.....فى الاخر بنبقى قدام طرف غير مسؤل بيبيح لروحه اى شىء
الخيانه اسبابها كتييييييييييييييييييييييره اوى اوى .........وساعات بتبقى داء لفراغه العين والاحساس بأن البعيد احسن دايما الاشجار التى خارج السور تبدو اكثر اخضرارا