أختي سلو قلبي ، انا مثلك كنت أستغرب في بداية الزواج و أتضايق ،،
بس فيه كذا ..

و أحسك فهمتيني بالضبط ..

و أبشركم ،، توي رحت أكل التويكس ،،
لقيته مفكوك و الأصبع الأول أكله ماشاء الله

جلست أضحك ، لإنه من دقيقة رديت و أنا فرحانة بهم ،،
بالعافية عليه

لو تركت التانية ، كان أكلها ،، و بروزت الكيس تبعه ..
يعني بس أشم ريحة التويكس

يا الله ،،
الحياة بالمناصفة ..

^
أختي بناتي غيروني ..

ما قلت لك ، .....
ارمي الدنيا وراك ؟؟

اعتقد انه يسوي كذا عن حسن نية

افضل حل اذا جابلك عطر نسائي جيبيله عطر رجالي وافتكي منه

أخوي ، إذا جبت له هدية عطر رجالي ( و كم مرة أجيبها له )
يستخدم اللي عندي و يخلصهم ، بعدين يستخدم تبعه

ما قلت إنه ذكي لمصلحته ؟؟؟

و أنا أجلس من غير عطر ،، و أتورط ..
بس الحمد لله ، عالجت المشكلة هذه من فترة معاه ..
لإنه كان مجنون عطور و ممكن راتبه يروح كله عليها و يجلس آخر الشهر من غير لا عطر و لا راتب ..


بس هذا اللي ضايقني أمس يوم شفت إنه ( ما كأنك يا زيد ما غزيت ) ..


هو مافي أي فرق بيننا ، بس أنا بأقول ( المعنى نفسه ) ..
وضحت المقصود بردي اللي من شوية ..

لو طلبها مني ، أنا بنفسي أعطره و أعطيها له و يعرفني ما أبخل عليه بشئ
بس مثل اللي يهديك الهدية و يستردها لنفسه ..

ريحت حالي و ريحته ، قلت له ( ما أبغى هدية عطر )

مو أول مرة الحركة هذه تصير ، بجد انسدت نفسي عن العطور اللي يجيبها ،،
لإنها أولا له ، و تاني شئ تسكيت لي ..


بعدين افتكرت ، هو مو عصفورين بحجر ،، هو بعد ما يجيب لي هدية عطر ، أقوم أهديه أنا كمان عطر
فيكون كسب عطرين بدل عطر .. فهمتوا الخطة تبعه ؟؟؟؟


و الله ماحد على نياته غيري أنا

برضه انا مستغربه هو فيه عطور يونيسكس يعنى للجنسين نفس النوع

لالالا ما تستغربوا انه بيخلصها فى اسبوع اعرف رجاله كده كتيييييييييييييييير جوز اختى وطليقى يطلع كانه زجاجه عطر متحركه ههههههههههه والله لو يسوون اعلانات ودعايه للعطر ماراح يحطون كل هذا الكم خخخخخخخخ

عبرى له عن انك مش فاهمه تصرفه يعنى هو بيجيبها وشايفك سايباها اكتر من اسبوع ( مده صلاحيه وبقاء اى عطر عنده قبل ان يزهق روحه على نفسه ) فمتخيل انك مش حاباها او ناسياها او مش محتاجاها
وللا هو شايف انكم انتم الاتنين واحد للدرجه دى عادى يعنى انا وانتى واحد كتر محبه قصدى

ممكن تقولى له ما تشترى لى عطور الا وانا معاك انزلوا سوا يختار هو عطرك وفاجئيه بقى ......زودى كمان رجالى حلوه اوى عليك

عامه الرجال ما بيفهموا بالتلميح لانهم مباشرين زياده عنا احنا الحريم ربنا خلقهم كده
عمرك شفتى واحد راجل بيلمح لصاحبه بشى .........لا هو بحطها بوشه
وطبعا كراجل هو مش مستوعب زعلك او ان حركته دى ضايقتك
كل اللى فى باله الحين اجيب لها هديه وتزعل؟؟؟؟؟؟؟!!!!!!!!!
هو متخيل انك هتقولى له بوشه ايه اللى ضايقك وعمره ما هيفهم لوحده
اكتر شى يملا القلب ويوسع الزعل اننا كازواج وزوجات بنعتبر الطرف التانى مايند ريدر - قارىء افكار وده غلط

ارجو اكون وصلت لك وجهة نظرى

__________________

لا يا قلبي يا فتوشي ، أنا بأستخدمها ،، بس طبعا في الغربة ماعندي خرجات غير الجامعة و البيت
فأتعطرها له ، فتجلس عندي ..

مثل ما قلت ، بأكتبها بشكل مرتب أكثر :
( هو نفسه يكون في عطر ، بس يحب زوجي كل شئ يستفيده لصالحه )
فيقوم يجيب العطر هدية لي ، منها اسمها هدية + منها هو يستخدمها لنفسه
بعدين أنا بأخجل منه ، و أفكر إيش أكثر هدية زوجي يحبها ؟؟ أكيد العطور ..
أقوم أجيب له عطر هدية ..
يرووح يخلص اللي جابه ليا ، و بعدين يخلص العطر تبعه ، لإنه بإختصار أنا مستحيل أتعطر بعطر رجالي

فيكون كسب زجاجتين عطر ، بدل زجاجة عطر لو إنه اشتراها لنفسه أول مرة


و مين قال لك مو فاهم ..
إلا و الله فاهم أحسن مني و منك

زوجي و خابزته ، بس أنا أبغى أوصل له المعنى نفسه ..

زوجي بإختصار مع الناس ، من النوع اللي يجيز لنفسه أي شئ ..

حلللللوه ,,, من جد من أطررررررف المشاكل اللي في المنتدى ....


" حبيت المشكلة هذى , لأنه تصنيفها على بساطتها صععععععععب ؟؟!!!"



المهم : ما أعتقد إبداً إن السبب اللي مضايقك هو العطر لآلآلآلآ ..


أنتِ أصلاً " متوعكة نفسياً ,, يعنى تعبااانة من شيء من غير ما تحسي إن هالشيء متعبك ,,


عشان كذا تدوري أي سبب تعلقي عليه التعب ,, لأن الشخص لما يكون متضايق أي شيء ينرفزة "


هدي نفسك ,, وطبقي قواعد الإسترخاء بمكان هاادي وفكري بعمق عن السبب اللي متعبك ولية منتي مرتاحة ..

الإبنة الصغرى

ربي يجعل أيامك كلها سعادة ،،

يمكن صح كلامك ، بجد فيه شئ كان مضايقني أمس مررررررررة ..
أمس تكلمت مع زوجي عن اللي كان مضايقني بالإضافة لحكاية العطر ،،

لإنه سافر عشان شغلة ضرورية و تركنا تبهدلنا ، بطاقتي تبع البنك ضايعة من يومين ، فأحول على
بطاقة زوجي و أسحب منها.. و هو قال بيرجع نفس اليوم و يجيب الأغراض الناقصة في الليل و اعتمدت
خلاص و مو بجيبي أي قرش ، و كنت تعبانة و مصدعة ، و البيت مافيه شئ و ولدي الله يعزكم ما بقيت
له غير بامبرز وحدة و خلصت ،،

حتى الشغالة راحت بنفسها البقالة و اشترت لنفسها نودلز و جابت لي معاها و غصبتني أكل معها ..
( مستحية أقول لها ما معاي شئ دحين ، قلت لها شبعانة إذا رجع زوجي بأكل معاه )
بس هي الله يسعدها ، عشان أحيانا يوم أرجع من الجامعة أجيب لها شئ معاي ، فاستحت تاكل و أنا
ما أكل ، فغصبتني أكل و قالت إذا رجع مستر ، تاكلوا مع بعض ..

و قامت تأجلت رجعته لتاني يوم ، و قمت تاني يوم رحت البنك مشئ برجولي و سحبت بالشيك و
قالولي ممنوع عشان اليوم سبت إجازة ، و قلت له محتاجتها ضروري لولدي ، مافي شئ ياكله في
البيت ، و ماشاء الله الإنجليز ناس متفاهمين و قال لي بلغي عن ضياع البطاقة و دحين نسحب لك ..
و أنا في الطريق الله يعزكم جاني رعاف في أنفي ،، و بهدلة و الله .. و أغراض شايلتها في يدي ،،
و أغراض بشنطتي و باص ..

و أنا كنت طول الأسبوع اللي فات مشغولة بتسليم بحوث و الشغالة قالت لزوجي مافي أغراض في
البيت و ماهتم ،، و غيرها من أمور و ظروف ،، و إنت شكلك جبتيها يا قلبي على الجرح ..

بس برضو ، موضوع العطر ضايقني ..

بصراحه معاك حق تتضايقي بالذات أنه هو مسرف جداً والي يضايق أكثر أنها عطور نسائيه كيف رجال يتعطر بعطور نسائيه من جد غريبه !!!!!!
والمشكله كمان أنه يجيبها لك هديه بعدين يصير يستخدمها معاك بصراحه كذا تنعاف الهديه !!!!!
خليه يتخيل أنك أنتي أو أي أحد جايبله هديه وبعدين يلقى صاحب الهديه يطلبه يستخدمها ممكن يحس ويفهم!!
وفهميه كمان قوليله أنك ماتحبين تشمين فيه عطر نسائي
مااتوقع أي زوجه تحب تشم بزوجهاعطور نسائيه

__________________
أشتقت لكم جداً 💔

أنا نفسي عافت الهدية ، لإنه اسمها هدية بس هي مو هدية أصلا

و كلمته كثير كم مرة ، بس مو مقتنع أبداااااااااااااااااااااااااااا إنه ما يصير الرجال يتعطر بعطر نسائي
صرت يوم يتعطر بعطر حريمي ، أقول له لا تقرب جنبي ، أحس كأنه حرمة جنبي ،،

و المفروض الرجال يعمل الشئ اللي يعجب زوجته ،،
يعني قلت له مرة تخيل لو تعطرت بعطر رجالي إيش بيكون احساسك ؟؟؟؟؟

شكلي بجد أعملها بيوم ..

و فكرت أجيب له هدية و أخلصها بنفسي ،،
بس نفسي ما تسمح لي ،، عن نفسي أحس الهدية شئ مقدس ..

حتى يوم وحدة تهديلي شئ ، ما أقدر أهديه لأحد تاني ،،
صعب مرة ، يمكن لإني أقدس الهدايا و معناها كثير ..

سبحان الله ... أستغرب اللي يقولون إنها مش مشكلة !

روح الطير يا قلبي ... لو تعرفين ! أنا مثلك تمامًا ، ما في أي فرق ( حتى في تصرفات الأزواج ! )

أنا بصدق أقولها ... أكـــره جدًا أن يستخدم زوجي أغراضي النسائية، أتنرفز .. أشعر بشعور كريه ... والله لا أبالغ لو قلت إنّي لا أعود أرغب بالشيء مرة ثانية، لأن رائحته تصبح مثلي !!!!!

الشامبو .. الكريم .. العطر .. اللوشن .. كـــل شيء والله العظيم ما أحبّه يلمسه مجرّد لمس ، لكن للأسف هو ما يشتري لنفسه أي شيء !!!

يعني إعتماد كامل على أغراضي ... !


طيب أقولك أنا شلون تصرفت ..

بصراحة ما قدرت أصرّح إطلاقًا بتضايقي من هذا الشيء، لكن لمّا رحت معاه السوبر ماركت، بديت آخذ له شامبو وأقولّه هذا يناسب شعرك ... وبالمثل لكلّ الأغراض...وهو فهمها .. أو ممكن ما فهم بس اكتفى بأغراضه وصار يشتري لنفسه على الأقل !!!!

صحيح الحياة الزوجية إشتراك بين إنسانين، لكن لكل شيء حدوووود .. والله العظيم إن المسألة تصبح مزعجة إذا ما في حدود .. !

مو بخل .. مو تكبّر ... لكن أن تشعر المرأة بأنها مرأة .. وهو رجل ..!


وبالنسبة للهدايا .. أظنّه شيء مُوجع فعلًا أن يعطيني أحد هديّة ثم يستعملها معي !

سأفكر : " مستخسرهـا فيني ؟؟؟ "



ربي يوفقك ويسعدك أنتِ وزوجك يا قلبي، أتمنى إني ما طولت بالكلام...دخيلك صايرة ثرثارة هههه

__________________
إن كان في العمر بقية مما مضى * * فالعيش في صدق هو أول الآمال.