يا لطيف .. شو ولعتو بالشاب متل النار !

هو ما قال بلسانه الا اللي معظم الناس بتفكر في وبتتصرفه ،يعني انه طريقة التفكير هادي مش طريقة تفكير الأعم الأغلب في المجتمع ؟؟؟

الناس ما بفضلو اليتيمة لأنه بيكونو معتمدين على ابو البنت يساعد ابنهم ماديا ومعنويا ويوقف وراه عشان خاطر بنته واللي ما الها اب ما في حد يدعمها ولا يدعم جوزها ، يعني بالعربي تبادل مصالح ، وهاد هو اللي بيصير في اغلب الزيجات.

حتى ما حد من الأخوات يزعل انا ما بزاود على اليتيمات ، انا منهم ومن اسباب طلاقي وفاة والدي ، يعني هالكلام ما بستغربه ابدا !!

ولا ازيدكم من الشعر بيت في مجتمعي في ناس (غالبية) تبحث عن اليتيمة لأنه وهنا اقتبس ( خدها يتيمة بتكون مكسورة وما بسترجي ترفع عينها فيك ، وشو ما لطشت فيها ما في حد يقولك وين رايح)..

هل هالكلام يقال علانية .. طبعا لا .. في المجالس والراحة خدوا تنظير من اجمل ما يمكن ولكن عند الاختيار الواقعي !..اللهم عافينا ، فما جاء به الأخ ليس الا تعبير عن الواقع ويحسب له صدقه وصراحته مع الناس ومع نفسه ، ما عمل مثل غيره لبس لبوس القديس وهو يطوي شرا.