أختي فتوشي ،، أدري إنه الموضوع مختلف تماما ..
لكن أنا عطيت المثال عشان بأقصد فيه :
( إنه ردة فعل الأخت تختلف على حسب شخصيتها ، ممكن تتقبل و ممكن تعاند )
هذه زبدة كلامي السابق ..

------------------------------------------------------------------------------

و عشان أعطيك مثال واقعي ،، أقري الكلام هذا و هو اللي بالفعل حصل معاي :

و أنا الصراحة ، أخوات زوجي نفس الشئ ، و وحدة منهم بزيادة ،،
و ترسل لي و ترسل له الرسايل هذه .. يعني شايفة إنه شئ عادي ..

قمت بكل اختصار عملت الخطوات هذه :

1 - تكلمت مع زوجي ، في البداية قال لي إيش أعمل لها ؟ هي شايفة عادي و كذا ..
فحسسته إنه الموضوع مو عادي .. و إنه لو أبوك عرف بجد راح يقلب الدنيا ،،
لإنه أبو زوجي مربيهم على الأخلاق ، بس مادري من فين متعلمين ؟؟؟
و إنه أنا أخجل أتكلم مع أختي بالطريقة هذه ، فما بالك بأخوي ؟؟؟؟

قمت فتحت له مرة رسالة من رسايلها ( اللي أرسلتها لي و أرسلتها له ) ..
و ما خليته يقرا الإسم .. قلت له ، ترضى أرسل الرسالة هذه لأخوي ؟؟؟؟؟؟؟؟
إيش بتكون نظرتك لي إن أرسلتها لأخوي ؟؟؟؟؟

وقتها ، عرف إنه الموضوع مو عادي ..
و أرسل لأخته يقول لها ، عيب الكلام هذا .. لكنها ما زالت مستمرة ..

3 - بينت له إنه الكلام هذا من التفحش .. و ما يجوز ..
و ما أحب إنه يسمع الكلام هذا من أحد غيري ،، لإني ما تعلمت المصطلحات هذه غير يوم تزوجت و تعلمتها من زوجي ..

4 - بدأ حتى هو يتضايق من الرسايل هذه ،، لإنها ترسل صور خليعة و أشياء تحدث بين الرجل و زوجته ..
بكل اختصار ، أخدت ايميلها و حطيته عليه بلوك ،، و ريحت راسي ..
و زوجي اقتنع إنه الرسايل هذه ما يصير غير بين الرجال و زوجته ،،
إيش بقت هي لزوجها ؟ ما ترووح ترسلها لزوجها ؟؟؟؟

5 - إذا زاد الموضوع و استمر ،،
راح أتكلم معها ، و أتصرف ،، ما راح أسكت لإنه موضوع ما ينسكت عليه ..
و ما همني رأيها فيني ،، يكفي إنها ما خجلت على عمرها و خلعت الحياء ..